2 Timotius 4:5 - Muna Southern Dialect

⁵ Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

2 Timotius 4:5 Iomraidhean Croise

Matius 25:16

Bhatua metahimano dhoi lima kakadu naꞌa lasao nokala nopodagaane sampe nokolabaꞌao dua lima kakadu dhoi bulawa.

Markus 13:34

Naembali doposandahaane bhe seemie kumalano we koliwuno. Lambuno noposahunaꞌaane mieꞌino. Seemie-seemie bhe takano, dhagano fointo nofohatoe naekamboto, nakodhaga sepaliꞌa.

Markus 13:37

Wambaku ne hintimiu ini, amohatoandae dua kosasawindo manusia: mantaa-ntaaꞌomu bhe kodha-kodhagaomu!”

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Tula-tulando rasulu 21:8

Nomentae takalamo we kotano Kaisarea. Ne itu tabutu we lambuno Filipus. Anoa ini mefoleleno dua Bhihita Metaa, seemie ne olotando pipituno nesangkendo we Yerusalem endefiꞌitu.

Roma 15:19

noangka dua ne tanda-tanda tapa mentela bhe giu timenteꞌaono, saneamo hampano kuasano Rohino Lahataꞌala. Hampanomo kuasa anaꞌa kaliliꞌaku aefolele Bhihita Metaano Kristus ne amai maka dua, notanda we Yerusalem ampa te kadieno Ilirikum.

Efesus 4:11

Anoamo dua fodawuꞌaono kawaꞌao, sigaꞌa nowaꞌanda taka dembali rasulu, sigaꞌa dembali anabii, sigaoꞌano dembali mefoleleno Bhihita Metaa, sigaoꞌano dua dembali fofoinaꞌuno bhe umondofaono umati.

Efesus 4:12

Katiwaꞌaoꞌano bhahi-bhahiꞌae ini, damotoka umati mongkilono so kahadhaando daꞌumondofao Ompu bhe mie bhaindo, neanomo mbadhano Kristus sadhulu-dhulu kabhala bhe kamatangka.

Kolose 1:25

Lahataꞌala nowaꞌa kanau taka aembali umondofaono umatino, amebhihitaiangkoomu bhoasaono Lahataꞌala amopada-padae.

Kolose 4:17

Fohatoomu dua Arkipus, “Fotokaemo kahadhaa netahimamu weo kaꞌondofaomu ne Ompu.”

1 Tesalonika 5:6

Dadiꞌanomo pae naembalia tadaodo-odo peda mie sigaoꞌano, tamaka tabeano dakodhaga dantumaa-ntaa oleo kahatoꞌano Ompu weo katohono fekihi.

1 Timotius 4:12

Koise bhe misakiko mbaꞌinomo nandoo nohangku dadimu. Tamaka membalimo sandaha so neangkafindo mie marasaeano, weo pugaumu, weo podiumu, weo kanini kaasi ne mie bhaimu, weo kaparasaeamu ne Kristus Yesus bhe weo kangkilono dadimu.

1 Timotius 4:15

Dhalangie mpuu bhahi-bhahiꞌae naꞌa bhe fintahakie, neanomo sabhaha mie damohae dadimu dhulu kataa.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Timotius 2:10

Kanandooꞌanomo taꞌasabahamo apotaamiꞌao bhahi-bhahiꞌae ini so kaetaaꞌando mie nepilino Lahataꞌala. Patudhuku sio-siomo andoa daeꞌawa dua kasalamati neowano Kristus Yesus bhe kakalabhia suhue dhamani.

2 Timotius 2:3

Tabeano numamisie dua kakadee-dee nenamisi mani, neanomo membali tantarano Kristus Yesus kumampuu-mpuuno.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

Ibrani 13:17

Meangkaomu ne meangkamiu bhe tuhuomu ne andoa, kapaꞌamo andoa dhumaganino alusumiu maka dapowiseꞌao takando naꞌa ne Lahataꞌala. Meangkaomu, neanomo dakumahadhaa weo kawulano lalo, keana bhe fedeea, hampano fedeendo pae nakofahalaa so hintimiu.

1 Petrus 1:13

Dadiꞌanomo naetaa namantaa-ntaa totono lalomiu. Fewanaki wutomiu bhe posahunaꞌaaneomu mpuu kabarakati so neꞌawamiu ne oleo kahatoꞌano Yesus Kristus namada kaowu.

Powoha 3:2

Wanuꞌo toha, fekatangkae ndumandooꞌano tinangke miinaꞌo namate, kapaꞌamo apandeꞌaanemo miina bhe kahadhaamiu sumangkaꞌano ne wiseno Lahataꞌala.