2 Timotius 4:4 - Muna Southern Dialect

⁴ Andoa tadaꞌumopi tingalando dakiido dametingke kabanara, tamaka datumaꞌo tingalando ne sabhaha kapu-kapuna.

2 Timotius 4:4 Iomraidhean Croise

Matius 13:15

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua dolosangiꞌao totono lalondo, bhaha sala dodoli se idi maka amekaꞌosada.’

Tula-tulando rasulu 7:57

Maka kamungkulaꞌi dopokakei-kei bhe doꞌopi tingalando, lasao dosilumpa-lumpakiꞌae.

2 Tesalonika 2:11

Kanandooꞌanomo Lahataꞌala nehatoanda kakolilinono lalo, sampe doparasaea ne sabhaha paha anaꞌa.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Timotius 4:7

Fogampie tingalamu ne sabhaha tula-tula sia-sia bhe kapu-kapunando kamungkula ngkehu. Ulei lalomu kaneaꞌe wutomu so dadi lumebeno.

1 Timotius 6:20

Hintu, Timotius, dhagani metaaꞌe kafoinaꞌu toka neposahunaꞌao ne hintu. Fekakodoꞌo wutomu ne sabhaha pugau tapa kofahalaa bhe tapa mongkilo. Fekakodoꞌoe dua wutomu ne mie potaga-tagaliꞌaono nekonando kapande, gahaꞌa suano.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

Titus 1:14

Tangahida koemo dokaangka-angka ne sabhaha kapu-kapunando Yahudi bhe atora nehabundo manusia tapa meangkano ne kabanara.

Ibrani 13:25

Sio-siomo kosasawimiu itu sadhia napobhaiangkoomu kabarakatino Lahataꞌala.

2 Petrus 1:16

Wakutuuno tafohatoangkoomu kuasano Omputo Yesus Kristus bhe kahatoꞌano mada kaowu, insaodi miina tamangkafi kapu-kapuna nehabundo manusia, tamaka padamo tawohaꞌao wuntano mata mani kakalabhiano.