2 Timotius 4:3 - Muna Southern Dialect

³ Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

2 Timotius 4:3 Iomraidhean Croise

Lukas 20:19

Pande-pande Kitabi bhe neangkaꞌindo imamu deꞌondofi akala dahumakoe, kapaꞌamo dopandeꞌaane kapalenda amaitu nokantibha andoa, tamaka doteꞌi mie bhahi.

Lukas 6:26

Balaamoomu, ane kosasawindo mie damudhikoomu, hampano pedamo dua naꞌa habundo awuaꞌindo ne mie mpahaana-anabiino.”

Yohanes 8:45

Tamaka hampano afohatoangkoomu kabanara, tapamo kaparasaeaꞌamiu ne Idi.

Tula-tulando rasulu 17:21

(O miendo Atena naꞌa bhe mie sigaoꞌano meateno ne itu tadopada wakutuundo dofetingke tawa dopuga-pugauꞌao bhihita buꞌouꞌano.)

1 Korintus 2:1

Bhahitieꞌiku! Wakutuuno amai we hintimiu bhe afohatoangkoomu bhihitano Lahataꞌala, miina aepake wamba mokesa tawa afotiwohaangkoomu kapandeku.

1 Korintus 2:4

Weo bhihita bhe kafoinaꞌu nefosampeku naꞌa, ingka miina aepake wambado mie mande timohelaꞌaono lalo, tamaka wambaku nopobhaiane tanda-tanda motiwohano kuasano Rohino Lahataꞌala.

Galatia 4:16

Bhahaa mbaꞌinomo pada atalesaangkoomu kumotuꞌuꞌano, sampe kona kanaumoomu kaewamiu?

1 Timotius 1:10

mie pokawite-witeno, mie gumaano sapada moꞌane tawa sapada hobhine, mie poꞌoli poasoꞌaono bhatua, bhe mie megau-gauno, sakusii kopaha bhe kotika mie mehabuno kumangkalaꞌino kafoinaꞌu kumotuꞌuꞌano.

2 Timotius 1:13

Fintahakie sabhaha nefetingkemu ne idi, sandahanomo kafoinaꞌu metaa. Dhalangie weo kaparasaeamu bhe kanini kaasimu hampano kaseꞌisemu bhe Kristus Yesus.

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”