2 Timotius 4:17 - Muna Southern Dialect

¹⁷ Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

2 Timotius 4:17 Iomraidhean Croise

Matius 10:19

Ane damowakoomu ne fobhitahakino, koe nekenda-kenda handamiu nada amai tawa o ae so pugaumiu. Kapaꞌamo so pugaumiu itu damaꞌangkoeꞌomu wakutuu aitu dua.

Lukas 1:1

Teofilus nefosibhalaku! Dobhahimo mie mebuhino bhihitano sabhaha kadhadhia ne olotantoomu.

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Tula-tulando rasulu 23:11

Nohondo oleo Ompu neehe-ehemo ne sohihino Paulus ambano, “Fekatangka lalomu, ingka padamo sakusii kanau ne Yerusalem ini. Mada kaowu sumakusii kanau dua nada aitu we kotano Roma.”

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

Roma 15:31

Sambahea kanauꞌomu sio-siomo Lahataꞌala namolapa kanau maiꞌao ne limando mie tapa marasaeano we Yudea. Sambahea kanauꞌomu dua sio-siomo sabhaha taka kaꞌondofaoku we Yerusalem datumahima metaaꞌe umati marasaeano ne watu.

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

2 Timotius 2:1

Dadiꞌanomo Timotius, anaku, fekatangkae lalomu weo rahamati neꞌawanto ne Kristus Yesus.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 3:11

Ingka wohaemo dua kakadee-dee bhe kafoinsa-insana peda neꞌawaku we Antiokia, Ikonium bhe Listra. Kabhalano maka kakadee-dee nenamisiku naꞌa, tamaka Ompu nofosalamati kanau.

2 Timotius 4:5

Tamaka hintu, fotoho lalomu o ae maka dua newisekimu, kosabaha potaamiꞌao kakadee-dee, dhalangie kansuhu takamu mefolele Bhihita Metaa, mpuu-mpuunie taka kaꞌondofao netahimamu.

Titus 1:3

Ne wakutuu toka nefotantuno, Lahataꞌala nofekakoꞌulaemo dhandino naꞌa weo bhoasaono, ⸤ o Bhihita Metaa⸥ . Foleleꞌano Bhihita Metaa aini noposahunaꞌa kanaꞌemo idi, nopoangkafi bhe pahintano Lahataꞌala Mosalamati kaita.

Ibrani 11:33

Hampano kaparasaeando andoa detalo liwu neowando omputo, dedhalangi kaꞌadhili, dotahima nedhandiꞌaono Lahataꞌala, deꞌopi wobhano singa,

1 Petrus 5:8

Fewanaki totono lalomiu bhe kodhagaomu, kapaꞌamo kaewamiu, Kafeompuꞌando seetani, nolili peda o singa ngkangau-ngauno neꞌondofi kantolono.

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,