2 Timotius 4:11 - Muna Southern Dialect

¹¹ Tamo Lukas pobhai kanau. Uleiꞌe bhe Markus maka wowoꞌoe we ini, kapaꞌamo nokofahalaa sepaliꞌa so kaꞌondofaoku.

2 Timotius 4:11 Iomraidhean Croise

Matius 19:30

Tamaka dabhahi mie maꞌinduluno sumuli dambuhumai, mbuhumaino sumuli damaꞌindulu.”

Matius 20:16

Ambano toha Yesus, “Pedamo anaꞌa mie humatono mbuhumai sumuli damaꞌindulu, maꞌinduluno sumuli dambuhumai.”

Lukas 13:30

Kotu-kotuꞌu dabhahi mie mbuhumaino sumuli damaꞌindulu, maꞌinduluno sumuli dambuhumai.”

Tula-tulando rasulu 12:12

Pada nofekihi sebantaha nokalamo se lambuno Maria, inano Yohanes nekonando dua Markus. Ne itu dobhahi mie dopohompu-hompu dosambahea.

Tula-tulando rasulu 12:25

Palusi dodhalangi takando doꞌondofao umati we Yerusalem, Barnabas bhe Saulus dosulimo we Antiokia. Dowowoꞌo dua bhe Yohanes, nekonando Markus.

Tula-tulando rasulu 15:37

Barnabas gaonoa dawowoꞌo bhe Yohanes nekonando dua Markus.

Tula-tulando rasulu 15:39

Poꞌalatindo Paulus bhe Barnabas noꞌosa sepaliꞌa sampe panda-pandano dopogaati. Barnabas nowowoꞌo Markus maka dosawi ne bhangka dohope we Siprus.

Tula-tulando rasulu 16:10

Pada nokopowoha peda maitu, lasao taokanu tapolimba se kadieno Makedonia. Hampano nopalusi powoha maitu, tasefekihimo ingka wutono Lahataꞌala gahaꞌa mugau kainsami taefolele Bhihita Metaa ne itu.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

Kolose 4:14

Lukas o doktere timoasiꞌaono bhe Demas dopakatuangkoomu dua salam.

2 Timotius 1:15

Ingka pandeꞌaanemo kosasawindo maiꞌaono ne kadieno Asia dokukundo kanaumo, notilentumo dua ndo Figelus bhe Hermogenes.

2 Timotius 2:21

Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

Filemon 1:24

Salam nomaiꞌao dua ne Markus, Aristarkus, Demas bhe Lukas, andoa sanea sabhangkaꞌiku weo kahadhaano Ompu we ini.

1 Petrus 5:13

Umati bhaimiu nepilino dua Lahataꞌala te kotano Babilon bhe anaku Markus, dopakatuangkoomu dua salam.