2 Timotius 3:5 - Muna Southern Dialect

⁵ Wohaꞌano ingka dodhalangie agamando, tamaka sakotuꞌuꞌano miina damarasaea o sambahea maitu nokokuasa. Fekakodoꞌo wutomu ne mie medando naꞌa.

2 Timotius 3:5 Iomraidhean Croise

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

2 Tesalonika 3:14

Ane nandumandoo mie so pata mangkafino pugau mani weo suha aini, tandaiꞌeomu, koise posabhangkaaneomu, noambanoꞌao.

2 Tesalonika 3:6

Bhahitieꞌi, weo neano Ompu Yesus Kristus taesalo kodoꞌotidaomu kosasawindo bhahitie mantawano bhe pata mangkafino kafoinaꞌu netahimamiu ne insaodi.

1 Timotius 4:7

Fogampie tingalamu ne sabhaha tula-tula sia-sia bhe kapu-kapunando kamungkula ngkehu. Ulei lalomu kaneaꞌe wutomu so dadi lumebeno.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

1 Timotius 6:5

bhe posala-salamaꞌana tapa mopoopulino. Fekihindo mie medano anaꞌa nodaimo mpuu, miinamo damangkafi kumotuꞌuꞌano. Kunaꞌendomo agama maitu naeowaanda kahangkaea.

2 Timotius 2:16

Tamaka fekakodoꞌo wutomu ne wamba tapa kofahalaano bhe tapa mongkilo, kapaꞌamo wamba pedando naꞌa nefodhulu kaowu kadaindo mie.

2 Timotius 2:23

Koise meangkafi potaga-tagaliꞌando mie kabhohe-bhohe tapa konipandeꞌaono. Ingka pandeꞌaanemo medando naꞌa neowa kaowu pogiha-gihaꞌa.

Titus 1:16

Andoa dopugau ne mie bhaindo dopandeꞌao Lahataꞌala tamaka hampano habundo nopotagali bhe wambado naꞌa, ingka nentaleamo miina damandeꞌao Lahataꞌala. Andoa dotimohaku, miina daeangka ne katangahi, miina dua damooli dehabu metaaꞌano.

Titus 3:10

Mie meowano powengke-wengkeꞌa weo umati ⸤ dhohono kafoinaꞌu sumempa⸥ , tangahie sepaku ampa haa paku. Ane pae nametingkeko, koemo moheruanea.