2 Timotius 3:2 - Muna Southern Dialect

² O manusia damosibhalamo wutondo, daembalimo bhatuano dhoi. Pugaundo taꞌo sangke-sangkeꞌano wuto, naelangke diundo, dafoꞌumbu, paemo daeangka ne kamungkulando, paemo daepandeꞌao katumpuno lalo, paemo dua daefadhuli agama.

2 Timotius 3:2 Iomraidhean Croise

Matius 15:6

maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu.

Lukas 12:15

Ambano toha Yesus ne mie bhahi, “Posiꞌondoomu bhe kodhagaomu ne sabhaha kakadau-dau, kapaꞌamo mahinggamo mie napontalabhi-labhi kahangkaeano, dadino miina naeate ne kahangkaeano naꞌa.”

Lukas 16:14

Kosasawiꞌae naꞌa dofetingkee dua miendo Farisi tamaka tadebheu, hampano andoa ini sanea bhatuano dhoi.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Tula-tulando rasulu 5:36

Endefiꞌini nandoo koneaꞌano Teudas, noabhi wutono mie bhalano, sampe mangkafie dapefato moꞌono. Tamaka dopongkoe kaowu, mie mangkafie naꞌa tadopogasa-gasamo, tanopalusimo peda aitu.

Roma 11:18

Ampamo kaowu koise sangke-sangke wutomiu ne haꞌa tilobhisino naꞌa. Kapaꞌamo tandaiꞌeomu, suano haꞌa tumanggono pahaka, tamaka o pahaka tumanggono haꞌa.

2 Korintus 5:15

Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.

Filipi 2:21

Kapaꞌamo sigaoꞌano sanea doꞌondofao kaowu faraluuno wutondo, suano faraluuno Yesus Kristus.

Kolose 3:5

Dadiꞌanomo fekamateeꞌomu weo totono lalomiu sabhaha fekihino dhunia: podiu tampahasa bhe pokahaku, o nafusuu bhe kapoindalo modai bhe kakadau-dau, kapaꞌamo o kakadau-dau ini ingka nopototo bhe desombai barahala.

2 Tesalonika 2:4

Anoa ini mewangino Lahataꞌala, namekalangke wutono te wawono sabhaha nekonando ompu bhe nesombaindo manusia. Bhahamoa sampe naengkoha weo Lambuno Lahataꞌala maka nakumona wutono Lahataꞌala ne wisendo mie bhahi.

1 Timotius 1:20

Ne olotando mie pedando naꞌa notilentumo ndo Himeneus bhe Aleksander. Andoa ini atawakalaandamo ne Kafeompuꞌando seetani so domandaꞌao damekaꞌaebu Lahataꞌala.

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

1 Timotius 3:3

Suano dua mie mempohoꞌuno, suano mansoꞌamahano, tamaka momaluno lalo, meowano pometaa, suano meompuno ne dhoi.

1 Timotius 6:10

Kapaꞌamo ane dofeompu ne dhoi ingka katandaꞌanomo sabhaha modaiꞌano. Nandoo mie meꞌambano dhoi sampe dopingkamo maiꞌao ne kaparasaeando maka totono lalondo dosikisaaꞌane sabhaha kasabha.

1 Timotius 6:4

mie medando aitu nelangke diuno, gahaꞌaitumo miina nakonipandeꞌaoa. Ingka o sakinomo dua gaono mpuu sapotagali bhe mie bhaino, noꞌondofie mpuu pokelutiꞌano wamba, sampe nonandoo kakonduano lalo, powengke-wengkeꞌa, poꞌumbu-umbu, dukuno lalo tapa metaa,

2 Timotius 3:4

Dapodai-dai dasisabha-sabhangka, paemo naewantaa fekihindoa, tula-tulando taꞌo kafewahai, madaꞌaomo daoasiꞌao nafusuuno dhunia bhe daoasiꞌao Lahataꞌala.

Yakobus 2:8

Ampamo kaowu, ane dhumalangiomu pahintano Omputo tibuhino weo Kitabino Musa, “Moasianda mie bhaimu peda kaasimu ne wutomu!”, ingka habu metaamoomu.

Yakobus 4:16

Tamaka aitu hintimiu sangke-sangke wutomiu fekalangke diumiu. Diu pedando aitu sanea kaꞌala.

Yakobus 4:6

Ampamo kaowu rahamatino Lahataꞌala ne intaodiomu nofofoliu. Kapaꞌamo notibuhi dua weo Kitabi, “Lahataꞌala noꞌontomi patudhundo mie melangkeno diu, tamaka nofotiwohaanda rahamatino ne mie mekapandano wutono.”

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”

2 Petrus 2:10

mangkenomo andoa mangka-angkafino nafusuu hamesa bhe kapoindalo pokahakuno bhe misakino kuasano Lahataꞌala. Kaꞌosano kakadondo bhe kalangkeno diundo mie mpahaguru-guruno naꞌa, sampe dokadomo dua dofekaꞌaebu dumadino weo kakalabhia te surugaa.

2 Petrus 2:12

Tamaka mpahaguru-guruno maitu pasaꞌidamo kadadi tapa kofekihino, tadodadimo so mbadhando, dolente so kaowu dahumakoda bhe dasumumbeleda. Andoa dofekaꞌaebu tapa nelosangindo, sampe habu modaindo maitu somo kabinasaꞌando pasadamo kadadi fohumaano.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

Yudas 1:16

Andoamo ini mie kamuntu-muntuno, sadhia dofoꞌala mie bhaindo, doangkafi kapoindalondo modaiꞌano, dosangke-sangke wutondo bhe dokundeli mie bhaindo so deꞌawaꞌao laba.

Powoha 13:1

Pada anaꞌa awohamo kadadi nolimba maiꞌao weo teꞌi, fotuno fitu pongke, tanduno ompulu pele. Ne tanduno naꞌa nandoo ompulu woka songkono omputo. Te fotuno notibuhi sabhaha nea kafekaꞌaebu ne Lahataꞌala.

Powoha 16:11

Andoa dobhatataꞌiao Lahataꞌala te surugaa, hampano kaleano bhe kawisundo, tamaka miina dametompaꞌao podiu modaindo.

Powoha 16:21

Nondawumo use ngkobhatu nomaiꞌao te lani notabuhiki manusia; use ngkobhatu naꞌa pedaꞌidamo kontu sepoi-sepoi kabhieno napelima fulu kilo. Manusia dobhatataꞌiao Lahataꞌala hampano balaano use ngkobhatu amaitu notolau kabhibhiisano.

Powoha 16:9

Manusia titunuꞌaono kasodono oleo mobhibhiisano naꞌa, tadobhatataꞌiao neano Lahataꞌala kokuasano ne sabhaha balaa amaitu. Andoa miina dametompaꞌao podiundo so damekakalabhiaꞌao Lahataꞌala.