2 Timotius 3:16 - Muna Southern Dialect

¹⁶ Kosasawiꞌae tibuhiꞌano weo Kitabi nomaiꞌao ne Rohino Lahataꞌala, nokofahalaa so dafofoinaꞌuꞌao kabanara, so daefeꞌulaiꞌao mie umala, so damekataaꞌiao podiu bhe so dafotangahiꞌao dadumadi damangkafi kapoindalono Lahataꞌala.

2 Timotius 3:16 Iomraidhean Croise

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 21:42

Ambano Yesus, “Miinaꞌo basaeꞌomua gahaꞌa tibuhino weo Kitabino anabii peda aini, ‘Kontu neꞌohondo mefelambuno, gahaꞌa nembalimo sandi bhalano. Kapedaꞌano naꞌa hampano kuasano Ompu, wohaꞌano giu timenteꞌaono.’

Matius 22:43

Ambano Yesus, “Ane peda naꞌa noafa gahaꞌa Daud weo kuasano Rohino Lahataꞌala, nokona Omputo Fosalamatino maitu Ompuno? Ingka nopugau peda aini,

Matius 26:54

Taꞌampamo kaowu ane nada naꞌa, ingka pae nakoꞌulaa tibuhiꞌano weo Kitabindo anabii putae tetewei nakumadhadhia peda aini.”

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Markus 12:24

Yesus notobhoosida ambano, “Noꞌalamo sepaliꞌa fekihimiu itu. Kapaꞌamo miina mandeꞌaaneomu tibuhino weo Kitabino anabii, miina dua mandeꞌaaneomu kuasano Lahataꞌala.

Markus 12:36

Gahaꞌa itu wutono Daud weo kuasano Rohino Lahataꞌala padamo nopugau peda aini, ‘Ompu Lahataꞌala nokowambamo ne Ompuku, Mengkohamo ne suanaku ini ampa kosasawindo kaewamu ahumabuda so kafindaꞌamu.’

Yohanes 10:35

Ingka dopandeꞌaanemo wambano Kitabi nolaku ampa suhue dhamani. Dadiꞌanomo, ane andoa tumahimano bhoasaono naꞌa nokonada kalaha-lahataꞌala,

Yohanes 3:20

Sasuka humabu modaino nebansi tilanga maka miina nakumala ne kotilangaꞌano, keana notiwoha podiu modaino.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Tula-tulando rasulu 18:25

Anoa ini padamo nopoguhuꞌao kafoinaꞌuno Yesus. Nokamai-mai sepaliꞌa lalono nofofoguhu bhe notinda lalono netula-tulaꞌao Yesus, tamaka kapandeꞌaono ampamo kaowu kakadiuno Yohanes.

Tula-tulando rasulu 20:20

Ingka pandeꞌaaneomu dua ampuu-mpuunie sepaliꞌa afohatoangkoomu kofahalaaꞌano so hintimiu. Kosasawiꞌae apadae afebhihitaiangkoeꞌomu bhe afoinaꞌuangkoeꞌomu, naetaa ne wisendo mie bhahi naetaa weo pohompu-hompuꞌa ne lambumiu.

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

Tula-tulando rasulu 28:25

Tadopogaa-gaamo miina naseꞌise fekihindoa. Tamaka Paulus nandoo dua nofohatoda peda ini, “Nokotuꞌumo daanumo bhoasaono Rohino Lahataꞌala ne awuaꞌintoomu nefosampeno anabii Yesaya,

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

Roma 2:20

Hintimiu mefoinaꞌuomu mie mobhoheno, mefoguhuomu manaꞌino, hampano tubhono agama Yahudi netahimamiu nosangkaꞌaomo sabhaha kapande bhe kabanara.

Roma 3:2

Ingka nobhahi sepaliꞌa, tanofegiu. Katandaꞌano ne miendomo Yahudi katiposahunaꞌaoꞌano bhoasaono Lahataꞌala.

Roma 4:23

Wamba “Notahimae Lahataꞌala peda seemie banara” notibuhi suano kaowu so wutono Abraham,

1 Korintus 12:7

Tamaka ne manusia seemie-seemie notiwoha kapooli nedawuꞌaono Rohino Lahataꞌala so kaetaaꞌantoomu.

Galatia 3:8

Weo Kitabi mpini endefiꞌini notipandeꞌaomo, putae Lahataꞌala notahima dua mie suano Yahudi peda mie banara hampano kaparasaeando ne Anoa. Kapaꞌamo nandoo Bhihita Metaa nefosampeno wawo ne Abraham, ambano, “Namangka ne hintu, sabhaha bansano liwu daeꞌawa kabarakati.”

2 Timotius 2:25

Mie mansoewano tabeano namalu-malusianda katangahi, sio-siomo Lahataꞌala nandoo namaꞌanda kasalawa dametompaꞌao dhosando maka damandeꞌao kabanara.

2 Timotius 4:2

mefebhihitaiꞌao bhoasaono Ompu, fopahataaꞌe lalomu, dametingkeko bhe paise, naetaa bhe pae naetaa wakutuuno, feꞌulaiandae kaꞌalando, foꞌalada bhe fekatangkae lalondo. Kosabaha tangahida bhe foinaꞌuda.

Ibrani 11:1

Doparasaea maꞌanano nokampuu-mpuu totono lalo dofintahaki putae neposahunaꞌao tetewei nakoꞌula, maꞌanano dua dopandeꞌaane mpuu giu pata tiwohaꞌano kotu-kotuꞌu nonandoo.

Ibrani 3:7

Dadiꞌanomo ambano Rohino Lahataꞌala, “Ane oleo itu fetingkeomu suahano Lahataꞌala,

Ibrani 4:12

Bhoasaono Lahataꞌala nodadi bhe nolaku, nohoko anoa bhe kampue komata haa wetaꞌano. Bhoasaono Lahataꞌala nofotobho ampa nopolekaꞌao alusu bhe rohi, nopogaatiꞌao losua bhe lolino buku, nopooli nopofelesaane sabhaha fekihi bhe dukuno lalondo manusia.