2 Timotius 3:15 - Muna Southern Dialect

¹⁵ Feꞌulaiꞌe dua, notanda kaanaꞌimu pandeꞌaanemo Kitabi. Nomaiꞌaomo ne Kitabi aini naembali damandeꞌao kaangkaꞌano kasalamati, mangkano weo kaparasaea ne Kristus Yesus.

2 Timotius 3:15 Iomraidhean Croise

Matius 22:29

Yesus notobhoosida ambano, “Ingka noꞌala fekihimiua, mbaꞌinomo miina mandeꞌaaneomua wambano Kitabi, miina dua mandeꞌaaneomu kuasano Lahataꞌala.

Lukas 1:15

Anaꞌi anaꞌa naembali kabhala ne pomatano Ompu, paise naohoꞌu angguru tawa kafohoꞌu kaololanuꞌa sigaoꞌano. Rohino Lahataꞌala nakumabhintie mpini weo haebu.

Lukas 2:40

Anaꞌi aitu dhulu kabhala dhulu kaꞌosa, dhulu dua kapande, sadhia nopobhaiane kabarakatino Lahataꞌala.

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 24:32

Dopugaumo sapada andoa ambado, “Ingka uumbemo, totono lalonto notisangke sepaliꞌa wakutuu nopugau bhe intaodi we laano sala nofotalesaꞌao wambano Kitabi.”

Lukas 24:45

Pada anaꞌa Yesus nolengkamo fekihindo sampe dolosangiemo wambano Kitabi.

Yohanes 5:47

Tamaka ane pae marasaeaꞌomu nebuhino anabii Musa, nada amai marasaeaꞌomu gahaꞌa ne wambaku ini?”

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 13:29

Nopalusi dofekakoꞌulae sabhaha tibuhiꞌano weo Kitabi mulaoꞌaono Yesus naꞌa, maeatino dofosampuemo maiꞌao te sau salipu maka dofondolee weo kobuhu.

Tula-tulando rasulu 16:1

Paulus nopansuhumo we kotano Derbe we Listra. Ne itu nandoo seemie mangkafino Yesus, neano Timotius. Inano miendo Yahudi, noparasaea dua ne Yesus, tamaka amano miendo Yunani.

Tula-tulando rasulu 17:2

Peda kaneano Paulus nopesuamo weo lambu kasambaheaꞌa naꞌa. Nopotulu-tulu tolu oleono Sabat, Paulus nopololi fekihi bhe andoa, dopuga-pugauꞌao aeatino Kitabi.

Tula-tulando rasulu 26:24

Tangasano Paulus nopotunduꞌao wutono peda amaitu, nopugaumo gubernur Festus bhe nokei ambano, “Ingka mobheemo Paulus! Nofekabheekomo kapandemu itu.”

Roma 1:2

Bhihita Metaa aini toka nofodhandiane Lahataꞌala mpini wawono noangka ne suahando ana-anabiino tibuhino weo Kitabi.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 2:27

Ane nada itu, mie tapa nesuna tamaka dhumalangino tubhono agama Yahudi tetewei damoꞌalakoomu. Kapaꞌamo hintimiu miendo Yahudi tahimaemoomu kasuna bhe tubhono agama tibuhino, gahaꞌaitu kangkalaꞌieꞌomu.

1 Korintus 1:21

Hampano kapandeno Lahataꞌala, nofotantuemo putae manusia miina naembalia namandeꞌao Lahataꞌala nomaiꞌao ne kapandeno wutono. Tamaka Lahataꞌala nokopatudhu namosalamati mie marasaeano noangka ne bhihita nefolele mani, gahaꞌaitumo bhihitamo aini nekonando dhunia sanea bhohe.

Efesus 6:4

Bhahitieꞌi membalino ama, koise foꞌamahadaomu anaꞌimiu, tamaka fekabhalada, tangahida bhe waꞌanda kafoinaꞌuno Ompu.

1 Timotius 4:13

Sampe ahumatoko, fotuhu-tuhue lalomu mebasa Kitabi so mie bhaimu, fowanu umatino Lahataꞌala bhe foinaꞌuda.

2 Timotius 1:1

Timotius, anaku timoasiꞌaono! Suha aini nomaiꞌao ne Paulus. Hampano kapoindalono Lahataꞌala nosangke kanau aembali rasuluno Kristus Yesus, maꞌanano notudu kanau aefolele bhihitano dadi nepodhandiꞌaono Lahataꞌala. Dadi anaꞌa dotahimaemoomu hampano doseꞌise bhe Kristus Yesus. Sio-siomo kanini kaasi, rahamati bhe katohopono lalo maiꞌao ne Lahataꞌala Amantoomu bhe Ompuntoomu Kristus Yesus sadhia napobhaiangko.

2 Timotius 1:5

Afeꞌulai dua kaparasaeamu kumampuu-mpuuno, tapedamo dua kaparasaeando Lois, awuamu hobhine bhe Eunike inamu. Miina apoibhahaanea, kaparasaeamo medano anaꞌa dumadino dua weo totono lalomu.

2 Petrus 3:16

Ne kosasawiꞌae suhano, Paulus sadhia dua nobuhi kafoinaꞌu aini. Daanumo nandoo sehonda haa honda moꞌaliꞌano domaꞌanakie, sampe dobhansu-bhansulee mie tapa lumosangie bhe monaleno kaparasaea. Pedamo dua anaꞌa nehabundo ne wamba sigaoꞌano weo Kitabi. Panda-pandano naembalimo so kabinasaꞌando.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”