2 Timotius 2:9 - Muna Southern Dialect

⁹ Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 2:9 Iomraidhean Croise

Lukas 23:32

Nandoo dua dohodua mie modai newowoꞌondo so damongko dapoowa-owa bhe Yesus.

Tula-tulando rasulu 21:33

Panglima naꞌa nomaꞌoti Paulus, lasao nohakoe maka notududa datumapuane hante haa honda poowa nofeena bhahaꞌi laꞌae mie amaitu bhe nehabu ae.

Tula-tulando rasulu 28:31

Mentalea-mentalea nokado nefolele bhihita Kafopahintaꞌano Lahataꞌala bhe nofofoguhuꞌao kafoinaꞌuno Ompu Yesus Kristus, miina bhe umonto-ontomiea

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Efesus 3:1

Kanandooꞌanomo idi, Paulus asambaheaꞌangkoomu. Idi ini atitohongku hampano afeompu ne Kristus Yesus bhe aꞌondofao hintimiu mie suano Yahudi.

Filipi 1:17

Tamaka sigaoꞌano saꞌituini defolele bhihitano Kristus nomaiꞌao ne totono lalo modai, doꞌondofi kaowu faraluuno wutondo. Kunaꞌendomo habundo naꞌa natumubhahi kasabhaku weo katohongku ini.

Filipi 1:7

Daanumo nopantasimo akoponamisi peda aini ne kosasawimiu, kapaꞌamo meateomu weo totono laloku. Hintimiu mealaomu dua dawu ne taka kawaꞌaoku ne Lahataꞌala, naetaa atitohongkumo ini, naetaa nandoo abebasi apotunduꞌao bhe afotipandeꞌao kantoono Bhihita Metaa.

Kolose 4:18

Idi, Paulus apakatuangkoomu dua salam, abuhiane limaku wutoku. Koe molimpuꞌa kanauꞌomu ingka nandoo atitohongku. Sio-siomo napobhaiangkoomu kabarakatino Ompu.

Kolose 4:3

Sambahea kainsamiomu dua, sio-siomo Lahataꞌala naelengka kainsami fointo tamolele bhihitano Kristus tifebuniꞌano endefiꞌini. Kapaꞌamo katitohongkuꞌaku mbaꞌinomo aefolele bhihitano Kristus ini.

1 Tesalonika 1:8

Kapaꞌamo nomaiꞌao ne hintimiu bhoasaono Ompu nokolelemo suano kaowu ampa we Makedonia bhe Akaya, tamaka ne amai liwu nohatomo bhihitano kaparasaeamiu ne Lahataꞌala, sampe insaodi miinamo namaraluua taetula-tulaanea.

2 Tesalonika 3:1

Panda-pandano bhahitieꞌi, sambahea kainsamiomu, sio-siomo bhoasaono Ompu naehimba nalumele bhe datumahima metaaꞌe, peda ne hintimiu.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Timotius 2:3

Tabeano numamisie dua kakadee-dee nenamisi mani, neanomo membali tantarano Kristus Yesus kumampuu-mpuuno.

2 Timotius 4:17

Tamaka Ompu nopobhai kanau kansuhu, nofekatangkae laloku sampe ampuu-mpuunie aefolele kosasawiꞌae Bhihita Metaa mbali dofetingke kosasawindo mie suano Yahudi. Kanandooꞌanomo asalamati maiꞌao ne balaano mate.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

1 Petrus 2:14

Tuhuomu dua ne gubernur nefoeheno Kaisar so dabhotusiꞌao mie modaino diu bhe damosibhalaꞌao mie metaano diu.

1 Petrus 3:16

Ampamo kaowu totono lalomiu kumatanga-tangano, tabeano namoinda. Patudhuno ane o mie daꞌumumbukoomu mbaꞌinomo dadi metaamiu peda mie mangkafino Kristus, tadaoambanoꞌaomo wutondo.

1 Petrus 4:15

Koise bhe naseemie ne olotamiu itu so kumadee-deeno mbaꞌinomo nofopongko, tawa nosibu, tawa mie modai, tawa mie mesampuruno urusuno mie bhaindo.