2 Timotius 2:24 - Muna Southern Dialect

²⁴ Seemie palima-limano Ompu miina namantasia nopogiha, tamaka tabeano nomalu lalono ne sabhaha mie. Anoa tabeano nopande nofofoinaꞌu bhe nokosabaha.

2 Timotius 2:24 Iomraidhean Croise

Matius 12:19

Anoa pae napotagalia, pae nakumeia, pae dua dametingkea suahanoa ne amai kaangkaꞌa.

Yohanes 6:52

Dofetingke peda anaꞌa, miendo Yahudi dopotaga-tagalimo sapada-pada andoa ambado, “Nada amai bhahaa mie aini nafowaꞌao dhagino so daomaaꞌomu?”

Tula-tulando rasulu 15:2

Tamaka Paulus bhe Barnabas doewangi bhe dotagali sepaliꞌa fekihindo maitu. Panda-pandano dobhotusiemo peda aini: Paulus bhe Barnabas bhe seemie hodua mie marasaeano ne itu dakumala dapoꞌawaꞌao rasulu sigaoꞌano bhe kamungkulaꞌi we Yerusalem so dapugau-gauꞌao kasabha netompaloindo naꞌa.

Tula-tulando rasulu 23:9

Hompuꞌa anaꞌa sadhulu-dhulu kahobho. Pande-pande Kitabi maiꞌaono ne miendo Farisi doehemo maka dopotagali ambado, “Mie anoa ini miina sepaliꞌa nakokaꞌalaa! Kao-kaomo nandoo bhe rohi tawa malaꞌekati mugauno ne anoa.”

Tula-tulando rasulu 7:26

Hato nomentae nowohamo dua dohodua miendo Israel dopogiha, lasao nokala noꞌontada patudhuno napometaaꞌanda. Ambano, ‘Hintimiu ini sibhahitieꞌomu, noafa gahaꞌa pogihaꞌaoꞌomu?’

2 Korintus 10:1

Idi, Paulus, bhe nemesaloku. Ambado miina aokado apugau ne wisemiu, aokado kaowu apugau ane apokodoꞌotiangkoomu. Aitu hampano kamaluno bhe kataano lalono Kristus,

2 Korintus 10:4

Kapaꞌamo ewanga nepake mani suano ewangano dhunia, tamaka ewanga sumangkaꞌano bhe kuasano Lahataꞌala. Ewanga aini nomondoiꞌe nesansa sabhaha benteno liwu motangka.

2 Korintus 6:4

Bhahamoa ne ae maka dua nehabu mani tafotiwoha wuto mani putae insaodi ini palima-limano Lahataꞌala: takosabaha tapotaamiꞌao sabhaha kakadee-dee, kaseke bhe kasabha,

Galatia 5:22

Tamaka ane mie dodadi nokuasaida Rohino Lahataꞌala, hasilino ingka dopomoa-moasiꞌao, nowula lalondo, notohopo lalondo, dokosabaha, nomalu lalondo, netaa lalondo, notai lalondo,

Efesus 4:2

Naetaa sadhia mekapanda wutomiu, naomalu lalomiu bhe kosabahaomu. Fotiwohaeꞌomu kanini kaasimiu weo potulu-tulumiꞌa.

Filipi 2:14

O ae maka dua habumiu ⸤ metaaꞌano⸥ , tahabumoomu, koise kamuntu-muntuomua, koise potaga-tagaliomua.

Filipi 2:3

Koise konihabuomu mbaꞌinomo fekihi kaowu faraluuno wutomiu, tawa fekalangke diumiu. Tamaka fekapanda wutomiu, abhidaomu mie bhaimiu detaa dua andoa bhe wutomiua.

Kolose 3:13

Posaba-sabahakiomu, ane pomoda-modaiꞌomu lalo pomaꞌa-maꞌafuꞌaoꞌomu. Ompu ingka padamo noꞌamponikoomu, dadi pedamo dua naꞌa hintimiu tabeano pomaꞌa-maꞌafuꞌaoꞌomu.

1 Tesalonika 2:7

Nomalu lalo mani taeate bhe hintimiu, tapedamo seemie ina nodambaꞌao anano.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

Titus 1:1

Titus anaku, suha aini nomaiꞌao ne idi Paulus, palima-limano Lahataꞌala bhe rasuluno Yesus Kristus. Idi ini dopili bhe dotudu kanau amekamatangka kaparasaeando mie nepilino Lahataꞌala, bhe tetewei dua atumulumida dalumosangi kafoinaꞌu banara posahataano bhe kafoinaꞌuno agamantoomu.

Titus 1:7

Kapaꞌamo seemie neangkando umati neꞌatoro kahadhaano Lahataꞌala, dadiꞌanomo tabeano suano mie kodengono, suano mie melangkeno diu, suano mansoꞌamahano, suano mempohoꞌuno, suano mansopogihano, suano kumadau-dauno bhe dhoi.

Titus 1:9

Anoa tetewei namintahaki kafoinaꞌu tiparasaea, peda toka nepoguhuꞌaono. Ane nada anaꞌa naembalimo nafotangahiꞌao kafoinaꞌu banara, naembalimo dua namotiwohaanda kaꞌalando mie mewangie.

Titus 3:2

Fohatoda dua koise dofoꞌumbu, koe dopotaga-tagali, tamaka dapometaa bhe damotiwoha kamaluno lalondo ne sabhaha mie.

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.

Yakobus 4:2

Bhe nepoindalomiu tamaka miina umawaeꞌomu, kafopongkoꞌamiumo. Nokondua lalomiu tamaka miina humatoeꞌomu nepatudhukimiu, maka potagaliomu bhe pogihaomu. Miina sepaliꞌa koniꞌawaomu mbaꞌinomo miina mesaloomu ne Lahataꞌala.

1 Petrus 3:8

Panda-pandano, soba dadi sekakolaloomu, poanta-antangiꞌao namisimiu, pomoa-moasiꞌaoꞌomu peda mie sebhahi-bhahitieno, pomobhe-mobhelaꞌaoꞌomu lalo bhe fekapanda diumiu.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.