2 Timotius 2:21 - Muna Southern Dialect

²¹ Ane seemie nofekangkilo wutono ne sabhaha modaiꞌano, anoa itu tapedamo kaenteiꞌa so kafaraluuno hame bhalano saꞌituini, ingka padamo dofekangkiloe. Anoa nokofahalaa so kafeompuꞌano, nomantaa-ntaamo so sabhaha kahadhaa metaa.

2 Timotius 2:21 Iomraidhean Croise

Tula-tulando rasulu 9:15

Tamaka Ompu nokobhoasaomo toha, “Kalamo, kapaꞌamo anoamo ini nepiliku so palima-limaku, naefebhihitaiꞌao neaku ne sabhaha bansano liwu suano Yahudi, ne sabhaha omputo bhe ne miendo Israel dua.

1 Korintus 5:7

Ohoeꞌomu ragi ngkodau itu ⸤ kaꞌibahatino dhosa⸥ , neanomo membaliomu nada kadhalono tarigu buꞌou pata koragiꞌano. Ingka hintimiu daanumo pedamo anaꞌa. Kapaꞌamo Kristus, anano dhumbantoomu so kapopanga ne hohaeaꞌano Paska, padamo dosumbelee.

2 Korintus 7:1

Bhahitieꞌiku timoasiꞌaono! Ampa aitu dotahimaemo sabhaha dhandi anaꞌa. Dadiꞌanomo fekangkilo kaitaomu wutontoomu ne sabhaha mefekahakuno mbadha bhe alusu. Ulei kaitaomu lalontoomu so nasumangkaꞌao kangkilono dadintoomu, hampano doteꞌi ne Lahataꞌala.

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.

Efesus 2:10

Intaodiomu ini kahabuno Lahataꞌala. Noangka ne Kristus Yesus, Lahataꞌala nofokonandoo kaita so dahumabu metaaꞌao peda nefontaa-ntaano wawo so intaodiomu.

1 Timotius 6:11

Tamaka hintu manusia fehebuaꞌano Lahataꞌala, fekakodoꞌo wutomu ne kosasawiꞌae naꞌa. Ambae dadi banara, dadi lumebe, kampuu-mpuu weo kaparasaeamu, moasianda mie bhaimu, kosabaha potaami weo kasabha, fekamalu lalomu.

2 Timotius 2:16

Tamaka fekakodoꞌo wutomu ne wamba tapa kofahalaano bhe tapa mongkilo, kapaꞌamo wamba pedando naꞌa nefodhulu kaowu kadaindo mie.

2 Timotius 2:20

We lalono seꞌonu lambu bhalano nobhahi kaenteiꞌa, nandoo maiꞌao ne bulawa bhe salaka, tamaka nandoo dua maiꞌao ne sau bhe wite pulu. Kaenteiꞌa bulawa bhe salaka mbali kafaraluuno hame bhalano, o kaenteiꞌa sau bhe wite pulu mbali kafaraluu maꞌoleo hangkowine.

2 Timotius 3:17

Ane nada anaꞌa, manusia fehebuaꞌano Lahataꞌala nasumangkamo bhe katokano so nahumabuꞌao sabhaha metaaꞌano.

2 Timotius 4:11

Tamo Lukas pobhai kanau. Uleiꞌe bhe Markus maka wowoꞌoe we ini, kapaꞌamo nokofahalaa sepaliꞌa so kaꞌondofaoku.

Titus 3:1

Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Titus 3:14

Mientoomu tabeano dapoguhu dua dakumahadhaa metaaꞌano so kafaraluundo mentae mohondo, koe dembali mie tapa kofahalaa.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 1:7

Patudhuno kosasawiꞌae ini somo kaꞌudhino kaparasaeamiu, nokampuu-mpuu bhahaꞌi miina. Sanginomo bulawa o bara mobinasa doꞌudhiane efi, bhemo toha kaparasaeamiu ne Lahataꞌala, ingka nofoliuꞌe kakoharagaa bhe bulawa. Mada kaowu daꞌumudhie natipandeꞌaomo kamatangkano, maka kaparasaeamiu natipudhimo ne Lahataꞌala, meꞌawaomu kafosibhala bhe kakalabhia ne oleo kahatoꞌano Yesus Kristus.

1 Yohanes 3:3

Sasuka mie posahunaꞌaono ne Kristus peda anaꞌa, namekangkilo dadino maiꞌao ne sabhaha dhosa, pedamo wutono Kristus nongkilo.