2 Timotius 2:2 - Muna Southern Dialect

² Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

2 Timotius 2:2 Iomraidhean Croise

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 24:25

Tandaiꞌeomu! Kosasawiꞌae padamo afohatoangkoeꞌomu wawo inia.

Lukas 12:42

Ambano Ompu Yesus, “Kaowu laꞌae bhahaa mie mandeꞌaono lambuno kafeompuꞌano motuhuno lalo bhe kotimbangino maitu? Anoamo maitu so nesangkeno kafeompuꞌa so neangkando kosasawindo bhatua so metaganaanda daomaa napobutu bhe tempono.

1 Korintus 4:2

Sifati neꞌondofi ne mie neposahunaꞌao peda anaꞌa, ingka o kataino lalono ne kafeompuꞌano.

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

2 Korintus 3:5

Miina bhe tingku mania tapugau putae kahadhaa aini tapoolie wuto mani, miina kaꞌasi, tamaka kapooli mani saneamo kawaꞌaono Lahataꞌala.

Kolose 1:7

Bhahi-bhahiꞌae naꞌa ingka pandeꞌaanemoomu maiꞌao ne Epafras, bhahitie mani timoasiꞌaono, sabhangka mani weo kahadhaano Ompu. Anoa ini nokampuu-mpuu weo kaꞌondofao ne Kristus so hintimiu.

1 Timotius 1:12

Notumpu laloku ne Kristus Yesus Ompuntoomu mekamatangka kanau, kapaꞌamo noabhi kanau atiposahunaꞌao, katifoparasaeaꞌakumo taka aini so ameompuꞌao ne Anoa.

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

1 Timotius 4:14

Koise molimpuꞌao pakee kapooli kawaꞌaono Rohino Lahataꞌala, neꞌawamu wakutuuno nandoo kaowilino Lahataꞌala nefosampendo ana-anabii, bhe kamungkulaꞌindo umati dotei limando te fotumu.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

1 Timotius 5:22

Koise nehimba fotei limamu te wawondo mie ⸤ so membalino neangkando umati⸥ ; koise dua kaangka-angka ne dhosando mie bhaimu. Dhaganie kangkilono totono lalomu.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

2 Timotius 3:10

Tamaka hintu, ingka tokamo angkafi kafoinaꞌuku bhe ehe mengkohaku. Ingka wohaemo dua patudhuno dadiku, kaparasaeaku bhe sabahaku, kanini kaasiku bhe kakampuu-mpuuno laloku apotaami.

2 Timotius 3:14

Tamaka hintu Timotius, fintahakie kabanara toka nepoguhuꞌaomu bhe neparasaeamu, ingka pandeꞌaanda ndo laꞌae gurumu.

Ibrani 2:17

Kanandooꞌanomo Yesus nofaraluu nopototoane ⸤ Lahataꞌala⸥ bhe bhahitieꞌino ne ae maka dua, kaembaliꞌanomo Imamu Bhalano tiposahunaꞌaono, mobhelano lalo ne mie bhaino bhe meompuno ne Lahataꞌala. Pedamo dua anaꞌa neowa kapometaaꞌando manusia bhe Lahataꞌala mosalinomo dhosando umatino manusia.