2 Timotius 2:14 - Muna Southern Dialect

¹⁴ Mefeꞌulaianda bhe owiliandae mpuu kosasawiꞌae ini. Ne wiseno Lahataꞌala tangahida koise dopotaga-tagaliꞌao maꞌanano sewobha wamba, kapaꞌamo miina sepaliꞌa nakofahalaaꞌa, bhahamoa tanodai-dai kaowu kaparasaeando mie metingkee.

2 Timotius 2:14 Iomraidhean Croise

Matius 16:26

O ae fahalaano seemie manusia naeꞌawa kosasawiꞌae kahangkaeano dhunia ini tamaka namiinae inawano? Nalumoliane ae bhahaa inawano maitu?

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

Tula-tulando rasulu 15:24

Tafetingke nandoo seemie hodua maiꞌaono we insaodi ini dofohaliakoomu bhe dofekasabhaangkoomu kafoguhundo, tamaka suano katudu mani.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Galatia 1:7

Sakotuꞌuꞌano bhihita aitu suano Bhihita Metaaꞌa, ampamo kaowu nandoo mebhansu-bhansuleno Bhihita Metaa neowano Kristus, patudhuno dahumungga totono lalomiu.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

1 Tesalonika 4:1

Panda-pandano bhahitieꞌi, padamo tatangahikoomu nada amai dadumadi damekaꞌia lalono Lahataꞌala. Anaꞌa daanumo habuemoomu. Tamaka aitu taesalo mpuu weo neano Ompu Yesus, nasedhuluꞌa dua kakampuu-mpuuno habumiu naꞌa.

2 Tesalonika 3:6

Bhahitieꞌi, weo neano Ompu Yesus Kristus taesalo kodoꞌotidaomu kosasawindo bhahitie mantawano bhe pata mangkafino kafoinaꞌu netahimamiu ne insaodi.

1 Timotius 1:4

Fohatoda koemo dofotuhu-tuhu lalondo ne sabhaha kapu-kapuna bhe tula-tulano sampuꞌa tapa kotompano. Bhahi-bhahiꞌae naꞌa neowa kaowu potaga-tagaliꞌa, miina nafotulumi namodhulu patudhuno Lahataꞌala. Patudhuno Lahataꞌala naꞌa notipandeꞌao mpahinomo weo kaparasaea ne Anoa.

1 Timotius 1:6

Nandoo mie mekapingkano ne patudhu aini, sampe nokolilino fekihindo ne sabhaha potaga-tagaliꞌa tapa kofahalaano.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 5:21

Aitu aefeꞌulaiangko, ingka bhe wutono Lahataꞌala bhe Kristus Yesus bhe malaꞌekatino tipilino mandeꞌaane: angkafie sabhaha kafoinaꞌu aini, koe poꞌala-alaanda miea, koe dua nobhie seweta weo timbangimua.

1 Timotius 6:13

Aitu, ne wiseno Lahataꞌala maꞌaono dadi ne sabhaha ndumandoono, ne wiseno dua Kristus Yesus mada sumakusiiꞌaono kabanara ne Pontius Pilatus, aefeꞌulaiangko:

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

2 Timotius 2:16

Tamaka fekakodoꞌo wutomu ne wamba tapa kofahalaano bhe tapa mongkilo, kapaꞌamo wamba pedando naꞌa nefodhulu kaowu kadaindo mie.

2 Timotius 2:23

Koise meangkafi potaga-tagaliꞌando mie kabhohe-bhohe tapa konipandeꞌaono. Ingka pandeꞌaanemo medando naꞌa neowa kaowu pogiha-gihaꞌa.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

Titus 3:1

Mefeꞌulaianda umatimu, datumuhu ne pamarinta bhe mie kokuasano, daeangka ne pahintando bhe sadhia damantaa-ntaa daehabu metaaꞌano.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

2 Petrus 1:13

Kaomponano paeꞌo ahumunsa mbadha kasaraku ini, aabhiemo dua takaku sadhia ameꞌulaiangkoeꞌomu bhahi-bhahiꞌae ini.