2 Timotius 1:9 - Muna Southern Dialect

⁹ Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Timotius 1:9 Iomraidhean Croise

Matius 1:21

Maria nakoanaꞌao moꞌane, maka kumonae Yesus, kapaꞌamo Anoamo so mosalamatino umatino maiꞌao ne dhosando.”

Lukas 10:21

Wakutuumo dua aitu Yesus nowula lalono hampano nokabhintie Rohino Lahataꞌala, maka ambano, “Notumpu laloku ne Hintu, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie ndidiki tapa kokasikolano. Daanumo Ama, pedamo aitu kaposahasiꞌanomo lalomu.

Yohanes 17:24

Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 17:9

Idi asambahea so andoa. Miina asumambahea so dhunia, tamaka so andoa newaꞌaomu ne Idi, kapaꞌamo andoa maitu fehebuaꞌamu.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Tula-tulando rasulu 15:18

Ompu nofofohatoꞌao bhahi-bhahiꞌae ini mpini dhamani wawono.

Tula-tulando rasulu 2:47

Sadhia dua dopudhi Lahataꞌala bhe doasianda sabhaha mie. Seꞌo-seꞌoleo Ompu nofodhulu kabhahindo mie nefosalamati.

Roma 11:14

Patudhuku sio-siomo naembali amekakondua lalono saliwuꞌiku, neanomo nandumandoo dua seemie hodua so nefosalamatiku.

Roma 11:29

Kapaꞌamo ane Lahataꞌala padamo nepili mie bhe nowaꞌanda kadawuno, pae bhe kapoolia nasumuli nabhalii kabhotusino.

Roma 16:25

Notifekakalabhia mpuu Lahataꞌala! Anoamo kokuasano namekatangka kaparasaeamiu, naposahataa bhe Bhihita Metaa nefoleleku, bhihitano Yesus Kristus. Bhihita anaꞌa ingka o bhihitano patudhuno Lahataꞌala tifebuniꞌano ntini moꞌo-moꞌonono taꞌu.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 9:11

Miinaꞌo dalumentea anaꞌi hoduano maitu, miinaꞌo dua daehabu metaaꞌano bhe modaiꞌano, Lahataꞌala padamo nokobhoasao ne Ribka, “Titiisa nameompu ne aino.” Katibhoasaoꞌano peda anaꞌa, so nentaleaꞌao putae kapilino Lahataꞌala miina naengkoha ne habundo manusia, tamaka nengkoha ne kapoindalono wutono Lahataꞌala fobhasino.

Roma 9:24

Ingka intaodimoomu ini, mie nebhasino suano kaowu maiꞌao ne miendo Yahudi, tamaka maiꞌao ne bansano liwu sigaoꞌano dua.

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

Efesus 1:11

Lahataꞌala nofokonandoo bhahi-bhahiꞌae noposahataa bhe kapoindalono bhe patudhuno Wutono. Mpini kabhao-bhaono nofopilimo bhe tokamo nofotantue daembali umatino hampano kaseꞌisentoomu bhe Kristus.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

Efesus 3:11

Nehabuno Lahataꞌala ini noposahataa bhe patudhuno mpini kabhao-bhaono, nefekakoꞌulano ne Kristus Yesus Ompuntoomu.

Filipi 3:14

Dadiꞌanomo atende kansuhu ahope we tompano kaangkaꞌa, so aeꞌawaꞌao kawaꞌaondo fotalono naꞌa, maꞌanano dadi te surugaa. Anaꞌaemo patudhuno Lahataꞌala nofosaliꞌi noangka ne Kristus Yesus.

1 Tesalonika 4:7

Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

1 Timotius 1:1

Timotius, nekoanaꞌaoku mpuu weo kaparasaea ne Ompu! Suha aini nomaiꞌao ne Paulus. Idimo ini rasuluno Kristus Yesus hampano pahintano Lahataꞌala mosalamati kaita bhe pahintano Kristus Yesus, kaengkohaꞌano posahunaꞌaontoomu ⸤ so daeꞌawaꞌao dadi suhue dhamani⸥ . Sio-siomo Lahataꞌala Amantoomu bhe Kristus Yesus Ompuntoomu sadhia napobhaiangko kabarakatino, rahamatino bhe katohopono dadi.

2 Timotius 1:1

Timotius, anaku timoasiꞌaono! Suha aini nomaiꞌao ne Paulus. Hampano kapoindalono Lahataꞌala nosangke kanau aembali rasuluno Kristus Yesus, maꞌanano notudu kanau aefolele bhihitano dadi nepodhandiꞌaono Lahataꞌala. Dadi anaꞌa dotahimaemoomu hampano doseꞌise bhe Kristus Yesus. Sio-siomo kanini kaasi, rahamati bhe katohopono lalo maiꞌao ne Lahataꞌala Amantoomu bhe Ompuntoomu Kristus Yesus sadhia napobhaiangko.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Petrus 1:20

Kristus tokamo nopilie Lahataꞌala mpini miinaꞌo bhe dhunia, tamaka kaneꞌo notiumba ne pandano dhamani aini, so kasalamatiꞌamiu.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 17:8

Kadadi newohamu itu endefiꞌini nodadi, ampa aitu miinamo, tamaka mada kaowu natiumba toha namaiꞌao ne olano mate tapa kotompano naehopeki kabinasa. Mie meateno we dhunia tapa tibuhiꞌano nea weo Kitabindo Mie Dumadi mpini pakanandoono dhunia, tadamente damoha kadadi amaitu. Kapaꞌamo kadadi amaitu endefiꞌini nodadi, ampa aitu miinamo, tamaka mada kaowu natiumba toha.