2 Timotius 1:12 - Muna Southern Dialect

¹² Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

2 Timotius 1:12 Iomraidhean Croise

Matius 12:21

Anoamo so kaposahunaꞌaondo sabhaha bansano liwu.”

Matius 24:36

Ampamo kaowu oleono bhe tempono bhe seemie miina bhe mandeꞌaanea. O malaꞌekati te surugaa miina, Anano Manusia miina dua, mpahinomo wutono Amaku mandeꞌaane.”

Matius 7:22

Nahumato Oleono Kiama dabhahi so mugauno ne Idi, ‘Ompu! Ompu! Ingka insaodi ini takosuaha peda seemie anabii tapake neamu, taefolimba seetani tapake neamu, pakade nobhahi taehabu kadhadhia timenteꞌaono tapake dua neamu.’

Lukas 10:12

Amohatokoomu, nahumato Oleono Kiama kahukumu so neꞌawa kotano Sodom nandoo naosape dapototoane bhe so neꞌawano liwu aitu.”

Lukas 23:46

Pada anaꞌa Yesus nokei nofekandii-ndii, “Ama, inawaku aposahunaꞌaanemo ne handano limamu.” Pada nopugau peda naꞌa nobhotumo.

Yohanes 17:15

Idi miina aesalo malada maiꞌao ne dhunia ini, tamaka dhumaganida ne kuasa modai.

Yohanes 6:44

Bhe naseemie pae bhe so moolino maino ne Idi ane pae nahumelae Amaku tumudu kanau, maka sasuka maino maitu amodadida ne Oleono Kiama.

Tula-tulando rasulu 13:46

Tamaka Paulus bhe Barnabas notangka lalondo. Ambado, “Anoamo, sakotuꞌuno hintimiumo maꞌindulu metingkeno bhoasaono Lahataꞌala. Tamaka bansieꞌomu, pakade abhiomu wutomiu pae mantasiomua metahimaomu dadi suhue dhamani. Dadiꞌanomo tadolimo ne bansano liwu suano Yahudi.

Tula-tulando rasulu 13:50

Tamaka seemie hodua kamungkulando miendo Yahudi dowudhu hobhineꞌi tiangkano moteꞌino Lahataꞌala bhe kabhalaꞌi weo kota aitu. Dotandamo dofodee-dee Paulus bhe Barnabas sampe kohoduando dogihasidamo maiꞌao ne kadie aitu.

Tula-tulando rasulu 21:13

Tamaka Paulus tanotobhoosi ambano, “Noafa gahaꞌa moꞌaeꞌaoꞌomu sampe fekasompodaomu bhe laloku? Ingka ahelasimo, suano kaowu tadakumatapu kanau, tamaka mahinggamo amate we Yerusalem hampano neano Ompu Yesus, ahelasimo dua.”

Tula-tulando rasulu 7:59

Tangasano dobhatumbulie Stefanus nofedeemo ambano, “Ompu Yesus, tahimamo inawaku!”

Tula-tulando rasulu 9:16

Idi amotiwohaane kabhahino kakadee-dee so nenamisino mbaꞌinomo neaku.”

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 9:33

Weo Kitabi notibuhi nopulaoꞌao kontu anaꞌa peda aini, ⸤ Ambano Lahataꞌala⸥ “Te kabhawono Sion padamo aeteiane sepoi kontu so katitunoꞌando mie, somo dua mefotiloleno mie. Tamaka laꞌae marasaeano ne Anoa pae nandidiki lalondoa.”

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

1 Korintus 3:13

Ampamo kaowu nasewakutuu kahadhaano seemie-seemie tetewei natipandeꞌao, ingka oleo kahatoꞌano Ompu so motiwohaea. Kapaꞌamo ne oleo anaꞌa o efi so motiwohae, hampano kahadhaano seemie-seemie natiꞌudhi katangkano ne efi maitu.

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

Filipi 3:10

Ampamo sehonda kapoindaloku: amandeꞌao Kristus, amandeꞌao dua kuasa kawanuꞌano maiꞌao ne mate, bhe aeala dawu weo kakadee-deeno, neanomo asekatu bhe Anoa weo mateno.

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

1 Tesalonika 5:4

Ampamo kaowu, bhahitieꞌi, hintimiu miina dumadiomu weo kahohondo, dadiꞌanomo oleo anaꞌa paise nakumakendakoomu nada seemie kasoꞌo.

1 Timotius 6:20

Hintu, Timotius, dhagani metaaꞌe kafoinaꞌu toka neposahunaꞌao ne hintu. Fekakodoꞌo wutomu ne sabhaha pugau tapa kofahalaa bhe tapa mongkilo. Fekakodoꞌoe dua wutomu ne mie potaga-tagaliꞌaono nekonando kapande, gahaꞌa suano.

2 Timotius 1:14

Dhaganie kafoinaꞌu neposahunaꞌaono ne hintu tapedamo arataa mokesa, bhe katulumino Rohino Lahataꞌala dumadino weo totono lalontoomu.

2 Timotius 1:16

Sio-siomo Ompu namosampu rahamatino ne polambuno Onesiforus, hampano nentelamo nofekaꞌia laloku. Anoa miina naoambano kanaua, mahinggamo atitohongku.

2 Timotius 1:18

Sio-siomo Ompu namosampuane rahamatino ne oleono kahatoꞌano. Ingka pandeꞌaane mpuu kabhalano kaꞌondofaono ne idi wakutuuno we Efesus endefiꞌini.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Timotius 2:9

Kakadee-deeꞌaku ini ingka mbaꞌinomo foleleꞌano Bhihita Metaa, bhahamoa sampe dogogantu kanau hante peda mie modai. Gahaꞌaitu bhoasaono Lahataꞌala miina natitaangia.

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 3:8

Wamba aini nokotuꞌu. Gaoku mpuu fohatoandae kosasawiꞌae ini bhe fekagilie katangahimu, neanomo kosasawindo marasaeano ne Lahataꞌala kotu-kotuꞌu daꞌumulei lalondo dahumabu metaaꞌano. Kapaꞌamo aitumo metaaꞌano bhe kofahalaaꞌano mbali manusia.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 2:18

Hampano wutono Yesus padamo nokadee-dee weo sabhaha kasoba neꞌawano, maka Anoa nembali netulumi mie meꞌawano kasoba.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

1 Petrus 4:16

Tamaka ane kumadee-deeꞌomu mbaꞌinomo angkafiomu Kristus, koise moambanoaneomu, tamefoampemoomu katumpuno lalomiu ne Lahataꞌala hampano dokonakoomu mangkafino Kristus.

1 Petrus 4:19

Dadiꞌanomo ane nandoo kumadee-deeno noposahataa bhe kapoindalono Lahataꞌala, naetaa damotawakala dadindo ne Lahataꞌala bhe sadhia dahumabu metaa. Kapaꞌamo Anoamo Fofokonandoono, nokampuu-mpuu ne dhandino.

Yudas 1:24

Fekakalabhia kaitaomu Lahataꞌala kokuasano! Anoa nokokuasa nodhaganikoomu keana titunoomu, keana dua bhe kadengono dhosa, bhe nosangkaꞌao kawulano lalomiu nahumato namowakoomu ne wiseno Wutono kumalabhiano.