2 Timotius 1:10 - Muna Southern Dialect

¹⁰ Ampa aitu Lahataꞌala nofotiwohamo rahamatino weo hatono Omputo Fosalamatino Yesus Kristus. Anoa notalomo kuasano mate maka nofosusuꞌao dadi buꞌou so tapa binasano noangka weo Bhihita Metaa.

2 Timotius 1:10 Iomraidhean Croise

Lukas 11:36

Ane mbadhamu nentalea, miinamo bhe mohohondoꞌanoa, maka koseꞌulu-ulumiu nentalea sepaliꞌa, pasae notila-tilakoomu kantalea.”

Lukas 13:7

Nopugaumo ne dhagano kaampono angguruno, ‘Tolu taꞌumo amai aꞌondo bhakeno puꞌuno ara aini, tamaka miina akoniꞌawaa. Naetaa tuꞌoemo, ingka nefekatembe kaowu wite.’

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Yohanes 1:9

Tilanga amaitu tilanga sakotuꞌuno, nahumatomo we dhunia somo tumilano kosasawindo manusia.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 4:42

Dopugaumo ne hobhine amaitu ambado “Insaodi taparasaea suano mbaꞌinomo tafetingke pugaumu, tamaka hampano tafetingkeꞌao wuto mani ne Anoa. Aitu tapandeꞌaanemo Anoamo ini kotu-kotuꞌu Mosalamatino dhunia.”

Yohanes 5:40

Ampamo kaowu hintimiu mokiidoomu maiꞌomu ne Idi so meꞌawaꞌaoꞌomu dadi suhue dhamani maitu.

Tula-tulando rasulu 13:23

Nomaiꞌaomo ne sampuꞌano Daud ini, Lahataꞌala nofoehemo Omputo Fosalamatino mbali miendo Israel, noposahataa bhe dhandino. Anoamo naꞌa koneaꞌano Yesus.

Tula-tulando rasulu 5:31

Anoamo nesangkeno Lahataꞌala bhe nowaꞌanemo kuasa mbali Neangka bhe Omputo Fosalamatino, neanomo miendo Israel dametompaꞌao diundo modaino, so notiꞌamponiꞌao dhosando.

Roma 16:26

Tamaka ampa aitu, nopoangkafi bhe pahintano Lahataꞌala dumadino suhue dhamani, patudhuno ini dofekantaleaꞌiemo bhe bhihitano padamo dofolelee ne sabhaha bansano liwu, noangka ne nebuhi weo Kitabindo ana-anabii, neanomo kosasawindo damarasaea bhe daeangka ne Lahataꞌala.

Roma 2:7

Namaꞌao dadi suhue dhamani ne mie kumampuu-mpuuno humabu metaano hampano deꞌondofi dadi tapa binasano, dadi kumalabhia bhe dadi tifosibhala.

Roma 3:31

Ane peda naꞌa bhahaa nokomaꞌana hampano doparasaea kaowu ne Yesus Kristus, doꞌohoemoomu tubhono agama Yahudi? Ingka miina! Bhahamoa tanodhulu dofosibhalae.

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

1 Korintus 15:26

Kaewa kapu-kapuliaono so nefobinasano ingka o mate.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

2 Korintus 5:4

Nandoo deateomu weo kadempo ini, sadhia dofedee hampano kabhieno wowoꞌontoomu. Daanumo miina gaontoomu dahumunsaemo mbadha kasara ini, tamaka gaontoomu damakeemo mbadha nsurugaa, neanomo mbadha kasarantoomu ini natumoloemo dadi suhue dhamani.

Galatia 5:4

Ane posahunaꞌaoꞌomu kansuhu ne tubhono agama Yahudi so katitahimaꞌamiu ne Lahataꞌala peda mie banara, nokomaꞌana pogaatimoomu bhe Kristus, kukundomoomu rahamatino Lahataꞌala.

Efesus 1:18

Aesalo dua sio-siomo natilengka totono lalomiu, neanomo lumosangieꞌomu kakesano posahunaꞌao so neꞌawamiu maiꞌao ne Lahataꞌala bhasikoomu; neanomo mandeꞌaaneomu dua kapontalabhi-labhino kabarakati nefontaa-ntaano Lahataꞌala so umatino mongkilono.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

2 Tesalonika 2:8

kaneꞌomo manusia foliuno kadai naꞌa namotiumba wutono. Tamaka nahumato Ompu Yesus, manusia ini tanabuso komate-mateno, namobinasaane tilangano kumalabhiano.

2 Timotius 1:1

Timotius, anaku timoasiꞌaono! Suha aini nomaiꞌao ne Paulus. Hampano kapoindalono Lahataꞌala nosangke kanau aembali rasuluno Kristus Yesus, maꞌanano notudu kanau aefolele bhihitano dadi nepodhandiꞌaono Lahataꞌala. Dadi anaꞌa dotahimaemoomu hampano doseꞌise bhe Kristus Yesus. Sio-siomo kanini kaasi, rahamati bhe katohopono lalo maiꞌao ne Lahataꞌala Amantoomu bhe Ompuntoomu Kristus Yesus sadhia napobhaiangko.

2 Timotius 1:8

Dadiꞌanomo koise moambano membali sakusiino Ompuntoomu, koe dua moambanoꞌao idi titohongkuno mbaꞌinomo Anoa Ompuntoomu. Tamaka bhe kapoolino Lahataꞌala, angkafi kanau kadee-deeꞌao Bhihita Metaa.

2 Timotius 4:1

Nandoo so nefeꞌulaiꞌaoku ne hintu, ingka bhe Lahataꞌala mandeꞌaane, bhe Kristus Yesus so bhitahakino dumadino bhe mateno. Anoa nasumuli namai maka namahinta nada seemie Omputo. Dadiꞌanomo aefeꞌulaiangko,

2 Timotius 4:8

Aitu nokantaa-ntaamo so idi kawaꞌao so mie fotalono hampano adadi aangkafi kapoindalono Lahataꞌala. Kawaꞌao anaꞌa namaꞌa kanaꞌe Ompu ne oleo kahatoꞌano, kapaꞌamo Anoamo Fobhitahakino umadhilino. Bhahamoa suano kaowu idi so tumahimae, tamaka kosasawindo mie mokambano lalo ne oleo kahatoꞌano.

Titus 2:11

Kapugauꞌaku peda anaꞌa, kapaꞌamo Lahataꞌala padamo nofotiwoha rahamatino nofosalamati kosasawindo manusia.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Titus 3:4

Tamaka Lahataꞌala Mosalamati kaita padamo nofotiwoha kataano lalono bhe kanini kaasino ne manusia.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

2 Petrus 1:11

Nadamo naꞌa hintimiu daelengkaangkoomu kaangkaꞌa molalesa mesuaꞌomu weo kafopahintaꞌa suhue dhamani, ingka aitumo kafopahintaꞌano Yesus Kristus Ompuntoomu mosalamati kaitamo.

2 Petrus 1:3

Lahataꞌala nopakemo kuasa Kaseemie-mieꞌano, nowaꞌa kaita sabhaha maraluuꞌano so dadumadi lumebeꞌao. Kafowaꞌaoꞌano hampano dopandeꞌaanemoomu Kristus, Anoamo fobhasino so daealaꞌao dawu weo kakalabhiano bhe kataano lalono.

2 Petrus 2:20

Kapaꞌamo ane o mie nopandeꞌaomo Ompu bhe Omputo Fosalamatino Yesus Kristus, ingka nolapamo maiꞌao ne sabhaha kuasano dhunia pokahakuno. Tamaka ane suli toha dotigogantu bhe dotalo ne sabhaha kuasa naꞌa, ingka sedhuluꞌa kadahano bhe endefiꞌini.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

2 Petrus 3:2

Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

1 Yohanes 1:2

Dadi anaꞌa nofotiwohamo Wutono, insaodimo mohae, kanandooꞌanomo tasakusiiane. Nefohatoꞌao mani ne hintimiu ini, ingka Anoamo dadi suhue dhamani, pobhaino bhe Lahataꞌala, madano motiwohano Wutono ne insaodi.

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

Powoha 18:1

Pada amaitu awohamo dua malaꞌekati sigaoꞌano nosampu nomaiꞌao te surugaa. Anoa nobhala sepaliꞌa kuasano, dhunia tanentaleamo hampano kakalabhiano.

Powoha 2:7

Kotingalano naetaa nametingke wambano Rohino Lahataꞌala ne tombudo umati. Sasuka fotalono amaꞌanda daomaa bhakeno sau meowano dadi weo kaendeano Lahataꞌala nekonando kaendeano Firdaus.”

Powoha 20:14

Pada aitu o mate bhe dhuniano mate doꞌohoda weo kantobhano efi bhalano. Anoamo maitu mate kahaa pakuno.

Powoha 22:14

Dokodawua mpuu mie tumofano dhubando. Andoamo kohakuno daomaa bhakeno sau meowano dadi bhe dokohaku dua damesua damangka ne kagualino kota amaitu.

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.