2 Tesalonika 2:10 - Muna Southern Dialect

¹⁰ Anoa naepake sabhaha akala modai so naefekakolilinoꞌao totono lalondo manusia so binasano. So kabinasaꞌando mbaꞌinomo miina datumahima bhe miina daoasiꞌao kabanara so mosalamatida.

2 Tesalonika 2:10 Iomraidhean Croise

Matius 13:11

Notobhoosimo Yesus ambano, “Hintimiu nowaꞌangkoomu kadawu Lahataꞌala pandeꞌaanemoomu rahasiano Kafopahintaꞌano, tamaka mie sigaoꞌano miina.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 5:34

Ampamo kaowu sakotuꞌuno Idi ini miina aefaraluu kasakusiino manusia, ingka taꞌafohatokoomu kaowu neanomo osumalamatiomu.

Roma 10:1

Bhahitieꞌiku! Kakampuu-mpuuno laloku gaoku saliwuꞌiku miendo Yahudi damosalamatida, sampe sadhia asambaheaꞌanda.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

Roma 6:17

Tamaka aitu foampe kaitaomu katumpuno lalo ne Lahataꞌala! Kapaꞌamo endefiꞌini hintimiu daanumo membaliomu bhatuano dhosa, tamaka ampa aitu sampuu-mpuu lalomiu angkafimoomu kafoinaꞌu metaa netahimamiu.

1 Korintus 1:18

Mbali mie so binasano, bhihitano mateno Kristus te sau salipu daanumo dokonae bhohe, tamaka so intaodiomu nefosalamati bhihita amaitu katiwohaꞌanomo kuasano Lahataꞌala.

1 Korintus 16:22

Laꞌae pata moasiꞌaono Ompu, nobalaamo! Maranata!

2 Korintus 11:13

Kapaꞌamo andoa maitu dompaharasu-rasulu, kahadhaando debhohe-bhoheꞌi mie, desahangka kaowu peda rasuluno Kristus.

2 Korintus 11:15

Dadiꞌanomo suanomo giu timenteꞌaono ane palima-limano Kafeompuꞌando seetani desahangka dua peda palima-limano kabanara. Panda-pandano daeꞌawa dua kahukumu naposahataa bhe habundo.

2 Korintus 2:15

Kapaꞌamo insaodi ini tapedamo wonono dupa netununo Kristus so Lahataꞌala, ne olotando mie nefosalamati bhe ne olotando mie so binasano.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

1 Tesalonika 2:16

Patudhundo daꞌumonto-ontomi kainsami keana taefolele Bhihita Metaa ne bansano liwu suano Yahudi keana dosalamati. Pedamo naꞌa dhosando tadotubha-tubhahimo kansuhu sampe nohato ne kakapoꞌano. Panda-pandano nokangkanaidamo mpuu amahano Lahataꞌala.

2 Tesalonika 2:12

Hato pandano, kosasawindo mie tapa marasaeano ne kabanara maitu bhe moindalono habu modai, daeꞌawa kahukumu.

2 Tesalonika 2:13

Bhahitieꞌi nemoasiꞌaono Ompu! Insaodi tabeano sadhia taefoampe katumpuno lalo ne Lahataꞌala hampano hintimiu, kapaꞌamo mpini kabhao-bhaono Lahataꞌala nopilikoomu namosalamatikoomu. Kasalamatimiu naꞌa noangka ne Rohino Lahataꞌala fofekangkilono bhe kaparasaeamiu ne kabanara.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

Ibrani 3:13

Tamaka naetaa seꞌo-seꞌoleo pofeka-fekatangkaomu lalo tinangke dadiomu ne dhamani nekonando “Oleo Itu” weo Kitabi, keana bhe mekatuꞌa pongkeno ne olotamiu itu sampe nabhohe-bhoheꞌie dhosa.

2 Petrus 2:12

Tamaka mpahaguru-guruno maitu pasaꞌidamo kadadi tapa kofekihino, tadodadimo so mbadhando, dolente so kaowu dahumakoda bhe dasumumbeleda. Andoa dofekaꞌaebu tapa nelosangindo, sampe habu modaindo maitu somo kabinasaꞌando pasadamo kadadi fohumaano.

2 Petrus 2:18

Andoa defomantale wamba kalangkeno diu pata kofahalaaꞌano. Depakesimo dua nafusuu modai defetando mie kaneꞌo lumapano maiꞌao ne dadi modai.