2 Tesalonika 1:9 - Muna Southern Dialect

⁹ Kahukumu so neꞌawando maitu o kabinasa suhue dhamani, maꞌanano daokodoꞌo maiꞌao ne wiseno Ompu bhe kuasano kumalabhiano.

2 Tesalonika 1:9 Iomraidhean Croise

Matius 16:27

Kapaꞌamo namada kaowu Anano Manusia namai weo kakalabhiano Amano dapoangkaꞌaane malaꞌekatino. Wakutuu anaꞌa namaꞌandamo ⸤ kabarakati tawa kahukumu⸥ ne manusia seemie-seemie naposahataa bhe habuno.

Matius 22:13

Nopugaumo omputo anaꞌa ne mieno ambano, ‘Tapuomu limano bhe aꞌeno maka ohoeꞌomu we simbali, weo doloma mposo. Ne naꞌa taꞌo kangkoꞌae bhe kuꞌino wangka.

Matius 24:30

Wakutuu anaꞌa natiwohamo katandaino Anano Manusia te lani bhe sabhaha bansano liwu te dhunia ini daekangkoꞌae bhe daguguhu. Andoa daoha Anano Manusia te olu natiwoha weo kakalabhiano bhe kuasa bhalano.

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Matius 26:24

Daanumo Anano Manusia - Idimo ini - tetewei namate peda tibuhino weo Kitabino anabii. Tamaka nobalaamo mie so mowano Anano Manusia ne limando kaewa. Mie anaꞌa netaamo koemo nolentea.”

Matius 7:23

Ne naꞌamo dua amohatoda mentalea-mentalea, ‘Ingka miina sepaliꞌa amandeꞌaangkoomua! Gampiomu ne wiseku ini, hintimiu humabu modaino.’ ”

Lukas 13:27

Tamaka anoa tanamugau ambano, ‘Miina amandeꞌaangkoomu maiꞌaoꞌomu ne amai, gampiomu ne wiseku ini hintimiu humabu modaino!’

Yohanes 5:14

Pada amaitu Yesus nopoꞌawaanemo weo Lambuno Lahataꞌala maka nopugauane ambano, “Aitu moꞌosamo, tiehemo mehabu dhosa keana nokantibhako dhumuluꞌano kadaha.”

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

1 Tesalonika 5:3

Ane dopugau, “Ingka notohopo, noꞌamani dadintoomu”, ne naꞌamo dua tambaꞌomo nakumangkanaida balaa kabinasaꞌa, maka paise bhe so lumapanoa. Kadhadhia amaitu tanamisihatoꞌamo nada kaleano hobhine so koanano.

2 Tesalonika 2:8

kaneꞌomo manusia foliuno kadai naꞌa namotiumba wutono. Tamaka nahumato Ompu Yesus, manusia ini tanabuso komate-mateno, namobinasaane tilangano kumalabhiano.

Titus 2:13

Ampa aini nandoo dontaa-ntaaꞌomu oleo bhalano neposahunaꞌaontoomu so meowano dawua. Ne oleo anaꞌa natiwohamo kakalabhiano Lahataꞌala Foliuno Kuasa bhe Yesus Kristus Mosalamati kaita.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

2 Petrus 2:17

Mie mpahaguru-guruno itu pasadamo matano oe mokekeleno, pedaꞌidamo pakahawu nefololano kawea moꞌosa. Lahataꞌala tokamo nefontaa-ntaaꞌanda kaeateꞌa weo doloma mposo.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

Yudas 1:13

Tapedamo ewo moꞌosa we teꞌi neowa buha, andoa ini dofotiwoha diundo timoambanoꞌaono. Andoa tapedamo dua kulipopo te lani tapa tumotono wawe. Lahataꞌala tokamo nefontaa-ntaaꞌanda kaeateꞌa weo doloma mposo ampa suhue dhamani.

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Powoha 20:14

Pada aitu o mate bhe dhuniano mate doꞌohoda weo kantobhano efi bhalano. Anoamo maitu mate kahaa pakuno.

Powoha 21:8

Tamaka mie katehe, mie tapa marasaeano, mie timolampi, mie fopongkono, pokawite-witeno, kowuhakeno, mesombaino barahala bhe sabhaha mie kopahano, andoa maitu daꞌumawa dawundo weo efi ngkowaleha ngkalai-laino ne kantobha bhalano. Anoamo ini mate kahaa pakuno.”

Powoha 22:15

Tamaka sabhaha daꞌu, kowuhakeno, mie pokawite-witeno, mie fopongkono, mesombaino barahala bhe mie moindalono paha bhe kopahano, kosasawindo naꞌa daeate-ate we simbalino kota.