2 Tesalonika 1:11 - Muna Southern Dialect

¹¹ Dadiꞌanomo sadhia tasambaheaꞌangkoomu, sio-siomo Lahataꞌala namabhi dadimiu naposahataa bhe kapoindalono, mantasiꞌanomo so mie toka nebhasino. Sio-siomo dua weo kuasano, Lahataꞌala namekakoꞌulaangkoomu patudhu metaamiu bhe namosangkaangkoomu sabhaha kahadhaano kaparasaeamiu.

2 Tesalonika 1:11 Iomraidhean Croise

Markus 4:28

O kantisa tanotumbuꞌaomo wutono maiꞌao ne wite; kabhao-bhaono laano, pada naꞌa kunsalono maka onuno.

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Roma 1:9

Taenomo asambahea sadhia dua afeꞌulaikoomu. Wutono Lahataꞌala sakusiino pugauku ini. Ingka Anoamo nefeompuniꞌiku sampuu-mpuuno laloku weo foleleꞌano Bhihita Metaano Anano.

Roma 11:29

Kapaꞌamo ane Lahataꞌala padamo nepili mie bhe nowaꞌanda kadawuno, pae bhe kapoolia nasumuli nabhalii kabhotusino.

Roma 15:14

Bhahitieꞌiku! Idi ini aparasaeakoomu mpuu nobhahi sepaliꞌa metaaꞌano ne hintimiu, sabhaha kapande nefaraluumiu nonandoomo dua sampe nembalimo potanga-tangahiomu.

Roma 8:30

Mie toka nepilino Lahataꞌala mpini kabhao-bhaono, andoamo dua nebhasino. Mie toka nebhasino maitu andoamo dua netahimano peda mie banara. Mie toka netahimano peda mie banara maitu, andoamo dua ⸤ so⸥ metahimano kakalabhiano Lahataꞌala.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

Efesus 1:16

miina amenga-mengaasia aefoampe katumpuno lalo ne Lahataꞌala. Taenomo asambahea sadhia asambilikoomu.

Efesus 1:5

Hampano kanini kaasino, Lahataꞌala tokamo nofotantue wawo, putae namangka ne Yesus Kristus intaodiomu nasumangke kaita dembaliomu anaꞌino. Ingka pedamo naꞌa kapoindalono bhe patudhuno.

Efesus 1:9

Hampano kapoindalono Wutono, Lahataꞌala nofohato kaitaomu patudhuno nefebunino endefiꞌini. Patudhuno naꞌa tokamo nobhotusie wawo nakoꞌula namangka ne Kristus.

Filipi 1:6

Aparasaea mpuu Lahataꞌala tumandakino kahadhaa metaa weo totono lalomiu ini, namokansuhue dua ampa natumoka ne oleo so kahatoꞌano Kristus Yesus.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Filipi 3:14

Dadiꞌanomo atende kansuhu ahope we tompano kaangkaꞌa, so aeꞌawaꞌao kawaꞌaondo fotalono naꞌa, maꞌanano dadi te surugaa. Anaꞌaemo patudhuno Lahataꞌala nofosaliꞌi noangka ne Kristus Yesus.

1 Tesalonika 1:3

Kapaꞌamo miina bhe katiehea, tafeꞌulai kahadhaa maiꞌaono ne kaparasaeamiu, kawulemiu fotiwohaomu kanini kaasimiu bhe tafeꞌulai dua sabahamiu potaamiomu weo posahunaꞌaomiu ne Ompuntoomu Yesus Kristus.

2 Tesalonika 1:5

Kosasawiꞌae ini katandainomo noꞌadhili kabhitahakino Lahataꞌala. Hintimiu noabhikoomu Lahataꞌala mantasiomu mesuaꞌomu Kafopahintaꞌano. Ingka mbaꞌinomo Kafopahintaꞌano maitu menamisiomu kakadee-dee.

2 Tesalonika 2:14

Anaꞌamo katisaliꞌiꞌamiu ne Lahataꞌala, mangkaꞌano ne Bhihita Metaa nefolele mani, neanomo hintimiu mealaomu dua dawu ne kakalabhiano Ompuntoomu Yesus Kristus.

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

Powoha 3:4

Tamaka we Sardis itu nandoo seemie hodua tapa pokahakuꞌaono pakeano; andoa ini daekala-kala dapoowa bhe Idi daepake pakea kapute, hampano andoa ini dopantasimo nada maitu.

Powoha 5:10

Hintu padamo habuda mbali bansano liwundo omputo bhe imamu meompuno ne Lahataꞌalantoomu, maka damahinta nada omputo te dhunia.”