2 Petrus 3:9 - Muna Southern Dialect

⁹ Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.

2 Petrus 3:9 Iomraidhean Croise

Roma 13:11

Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

Roma 13:12

Nobhalamo nekundono alo, nomaꞌomo kamentae. Dadiꞌanomo hunsa kaitaeꞌomu podiuno kahohondo, fokana kaitaomu katokano habu metaa so nehabu ne mentaleaꞌano.

Roma 2:4

Mepandaaneomu gahaꞌa kataano lalono Lahataꞌala pontalabhi-labhino, kakosabahano bhe kakowaweno lalono ne hintimiu? Miina mandeꞌaanemoomu bhahaa putae kataano lalono Lahataꞌala nokopatudhu namatokoomu so metompaꞌao dhosamiu maka dumoliomu ne Lahataꞌala?

Roma 9:22

Pedamo dua aitu Lahataꞌala, nokopatudhu namotiwoha amahano bhe namotipandeꞌao kuasano. Ampamo kaowu nokosabaha mpuu ne mie so nekangkanaino amahano, mentaa-ntaano kabinasa.

1 Timotius 1:16

Tamaka hampanomo anaꞌa Lahataꞌala nobhela kanau lalo neanomo Kristus Yesus namotiwohae ne mie bhaindo kabhalano sabahano ne idi, mie kodhosa ini. Dadiꞌanomo idi ini aembalimo sandahando mie so marasaeano ne Anoa mada kaowu maka daeꞌawa dua dadi suhue dhamani.

1 Timotius 2:4

Gaono mpuu Lahataꞌala, kosasawindo manusia dasumalamati bhe damandeꞌao kabanara.

Ibrani 10:37

Kapaꞌamo ⸤ notibuhi weo Kitabi⸥ , “Tana sekabantaha sepaliꞌa, Anoa so maino ingka nahumatomo, paemo namodhulu tempono.

1 Petrus 3:20

Rohi andoa maitu saneamo pata meangkano ne Lahataꞌala ne dhamanino Nuh endefiꞌini. Wakutuu anaꞌa Lahataꞌala nokosabaha noantagi manusia dabhalii diundo, tangasano Nuh nofotoka bhangka bhalano nehabuno. Ne naꞌa seendai kaowu sumalamatino maiꞌao ne luano oe bhalano, kabhahindo dooalu.

2 Petrus 1:4

Pedamo anaꞌa Lahataꞌala nowaꞌa kaitaomu sabhaha dhandino koharagaano bhe foliuno kakalabhia. Hampano dhandi anaꞌa lapamoomu ne sabhaha kapoindalo fodai-daino ne dhunia ini, maka mealaomu dawu weo sifatino Lahataꞌala.

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.

Powoha 2:21

Idi padamo awaꞌane kasalawa so nametompaꞌao podiu modaino, tamaka nokiido nametompaꞌao podiu pokawite-witeno maitu.