2 Petrus 3:2 - Muna Southern Dialect

² Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

2 Petrus 3:2 Iomraidhean Croise

Lukas 1:70

Aini nopobutu bhe bhoasaono endefiꞌini, nefosampendo ana-anabii mongkilono.

Lukas 24:27

Pada peda maitu notalesaandamo tibuhino weo sabhaha Kitabi mulaoꞌaono Wutono, notanda ne Kitabino Musa ampa ne Kitabindo ana-anabii sigaoꞌano.

Lukas 24:44

Ambano dua, “Pedamo ini patudhuno pugauku wakutuuno apobhaiangkoomu endefiꞌini. Ingka afohatokoomu kosasawiꞌae tibuhino weo Kitabino Musa, Kitabindo ana-anabii bhe Kitabino Laguno Daud tetewei nakoꞌula.”

Tula-tulando rasulu 10:43

Anoamo ini nepulaoꞌaondo kosasawindo anabii putae ane damarasaea ne Anoa natiꞌamponi dhosando hampano kuasano neano.”

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Tula-tulando rasulu 3:21

Anoa maitu tetewei naeate te surugaa ampa oleono so katipahabuꞌouniꞌano bhahi-bhahiꞌae, peda nekobhoasaꞌaono Lahataꞌala nefosampendo ana-anabii mongkilono ne dhamani wawono.

Galatia 6:2

Potulu-tulumiomu weo kasabha, ane peda naꞌa ingka dhalangiemoomu pahintano Kristus.

Efesus 2:20

Hintimiu tapedamo lambu bhalano, nefoeheno Lahataꞌala te wawono kontu sandi. Sandi anaꞌa padamo dofongkohae rasuluꞌi bhe ana-anabii. Sandi foliuno kabhala ingka wutono Kristus.

Efesus 3:5

Ne dhamani wawono rahasia aini miina sepaliꞌa damotiwohae ne manusia, tamaka ampa aini nofekantaleaꞌiemo Rohino Lahataꞌala ne rasuluꞌi bhe ana-anabii mongkilono.

1 Timotius 6:14

Angkafi sabhaha pahinta aini, koe bhe nekaemimua, koe bhe moꞌalatikoa, ampa ne oleo so kahatoꞌano Ompuntoomu Yesus Kristus.

2 Petrus 2:21

Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.

2 Petrus 3:15

Kakosabahano Lahataꞌala tabeano dakumonae mbali kasalawando manusia so dasumalamatiꞌao. Paulus, bhahitientoomu timoasiꞌaono, ingka padamo dua nobuhiangkoeꞌomu, noangkafi kapande neꞌawano.

2 Petrus 3:16

Ne kosasawiꞌae suhano, Paulus sadhia dua nobuhi kafoinaꞌu aini. Daanumo nandoo sehonda haa honda moꞌaliꞌano domaꞌanakie, sampe dobhansu-bhansulee mie tapa lumosangie bhe monaleno kaparasaea. Pedamo dua anaꞌa nehabundo ne wamba sigaoꞌano weo Kitabi. Panda-pandano naembalimo so kabinasaꞌando.

1 Yohanes 4:6

Tamaka intaodiomu fehebuaꞌano Lahataꞌala, maka mie mandeꞌaono Lahataꞌala dofofetingke. Tamaka mie suano fehebuaꞌano Lahataꞌala miina dafofetingkea. Pedamo anaꞌa dopandeꞌaanemo poꞌalaꞌano Rohino Lahataꞌala bhe rohi fofekakolilinono.

Yudas 1:17

Tamaka hintimiu bhahitieꞌiku timoasiꞌaono, feꞌulaiꞌeomu wambado rasuluꞌino Ompuntoomu Yesus Kristus.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”