2 Petrus 3:16 - Muna Southern Dialect

¹⁶ Ne kosasawiꞌae suhano, Paulus sadhia dua nobuhi kafoinaꞌu aini. Daanumo nandoo sehonda haa honda moꞌaliꞌano domaꞌanakie, sampe dobhansu-bhansulee mie tapa lumosangie bhe monaleno kaparasaea. Pedamo dua anaꞌa nehabundo ne wamba sigaoꞌano weo Kitabi. Panda-pandano naembalimo so kabinasaꞌando.

2 Petrus 3:16 Iomraidhean Croise

Matius 15:3

Tamaka Yesus tanotobhoosida ambano, “Noafa ingka hintimiu dua kangkalaꞌiomu pahintano Lahataꞌala maka fosibhalaomu adhatino awuaꞌimiu?

Matius 15:6

maka mie aitu paemo naoafaa ane paemo namosibhala inano bhe amano. Peda kaowu anaꞌa ingka pisakieꞌomu bhoasaono Lahataꞌala maka fosibhala adhatimiu wutomiu.

Matius 22:29

Yesus notobhoosida ambano, “Ingka noꞌala fekihimiua, mbaꞌinomo miina mandeꞌaaneomua wambano Kitabi, miina dua mandeꞌaaneomu kuasano Lahataꞌala.

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

Ibrani 5:11

Sakotuꞌuno nandoo nobhahi so nepugauꞌao mani pokaiꞌano bhe nesambili mani saꞌituini, tamaka ingka nomahasai tatumalesaane, hampano kaluntuno melosangiomu.

Yakobus 1:8

mbaꞌinomo nokohaꞌa-haꞌa totono lalono, miina natumohopo dadino.

1 Petrus 1:1

Suha aini nomaiꞌao ne Petrus, rasuluno Yesus Kristus, so bhahitieꞌiku umati nepilino Lahataꞌala, meateno te kadieno Pontus, Galatia, Kapadokia, Asia bhe Bitinia. Hintimiu dadiomu kanggetu mie humampe ne dhunia ini.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

2 Petrus 2:1

Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

2 Petrus 2:14

Matando noponoꞌao nafusuu kamonsule bhe miina bhe kangaraa dehabu dhosa. Mie monaleno kaparasaea dowudhuda. Totono lalondo dokane-kaneaꞌane kakadau-dau. Andoa o mie somo nekangkanaino balaano narakaa.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

2 Petrus 3:2

Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.