2 Petrus 3:10 - Muna Southern Dialect

¹⁰ Oleo kahatoꞌano Ompu tetewei nahumato, nahumato nada kasoꞌo. Ne oleo anaꞌa o lani namiinae napoangka huhu timoteꞌi bhe sabhaha ndumandooꞌano te lani nahumampuniane efi. O dhunia bhe kosasawiꞌae ndumandoono te wawono naosali.

2 Petrus 3:10 Iomraidhean Croise

Matius 24:35

O lani bhe dhunia naosali, tamaka wambaku ini pae bhe kasalia.

Markus 13:31

O lani bhe dhunia naosali, tamaka wambaku ini pae bhe kasalia.

Lukas 12:39

Tamaka naetaa mandeꞌaaneomu, ane kolambuno namandeꞌaane hambi seꞌae so hatoꞌano kasoꞌo, teteweimo pae tanakumatahomoa lambuno dalumeloe.

Roma 8:20

Kapaꞌamo alamu bhalano ini padamo nohukumue Lahataꞌala sampe miina nahumatoa ne patudhuno sakotuꞌuno, suano mbaꞌinomo kapoindalono wutono alamu bhalano, tamaka hampano kapoindalono Lahataꞌala humukumue. Taꞌampamo kaowu nandoo dua posahunaꞌao.

1 Korintus 1:8

Wutono Kristus namekamatangkakoomu ampa we kafetompaino, neanomo pae kodengoomua ne oleo kahatoꞌano Ompuntoomu Yesus Kristus naꞌaa.

1 Korintus 5:5

maka weo neano Ompu Yesus mie aitu tetewei tawakalaaneomu ne Kafeompuꞌando seetani, neanomo mbadhano nabinasa tamaka alusuno damosalamatie ne oleo kahatoꞌano Ompu.

1 Tesalonika 5:2

Ingka pandeꞌaanemoomu mpuu oleo kahatoꞌano Ompu nada seemie kasoꞌo nomai kohondoꞌa.

1 Tesalonika 5:4

Ampamo kaowu, bhahitieꞌi, hintimiu miina dumadiomu weo kahohondo, dadiꞌanomo oleo anaꞌa paise nakumakendakoomu nada seemie kasoꞌo.

2 Petrus 3:11

Ane kosasawiꞌae damobinasae nada naꞌa, nada amai bhahaa beano so dadimiu? Ingka tabeano naongkilo bhe nalumebe mpuu podiumiu.

2 Petrus 3:12

Weo dadi medando naꞌa ntumaa-ntaaꞌomu oleono kahatoꞌano Ompu bhe uleiꞌe lalomiu so napikihatoꞌao. Ne oleo anaꞌa o lani naowolo natikantunu, sabhaha ndumandooꞌano te lani nameꞌoe hampano hendeno efi.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

Powoha 16:15

⸤ Ambano Ompu⸥ “Tandaiꞌeomu! Ahumato nada kasoꞌo. Nokodawua mpuu mie kodhagano bhe mohilalono pakeano, keana nokala kalembi-lembi bhe natiwoha kaambanoꞌano ne wisendo mie bhahi.”

Powoha 20:11

Pada aitu awohamo dua kaengkohaꞌa kumalabhiano nopute bhe nobhala bhe Mengkohafie. O lani bhe dhunia tanosimiinaeꞌamo ne wiseno kao-kaomo dofileiane, miinamo natiwohaa.

Powoha 21:1

Pada amaitu awohamo lani buꞌou bhe dhunia buꞌou, kapaꞌamo lani bhe dhunia kabhao-bhaono nopalusimo. O teꞌi nomiinaemo dua.

Powoha 3:3

Dadiꞌanomo tandaiꞌe kafoinaꞌu toka netahima bhe nefetingkemiu, angkafie bhe fetompaꞌao podiu modaimiu! Kapaꞌamo ane pae kodhagaomu, ahumato nada kasoꞌo, pae mandeꞌaaneomua tempono so kahatoꞌaku ne itu.

Powoha 6:14

Pada aitu o lani nokuhu pasae kahatasi dolulue, sabhaha kabhawo bhe liwuto dogampi maiꞌao ne kaeateꞌando.