2 Petrus 3:1 - Muna Southern Dialect

¹ Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

2 Petrus 3:1 Iomraidhean Croise

Matius 5:8

Dokodawua mpuu mongkilono lalo, kapaꞌamo damoha Lahataꞌala.

2 Korintus 13:2

Ingka mieꞌi mehabuno dhosa endefiꞌini bhe mie sigaoꞌano dua padamo aefeꞌulaianda wakutuuno amai we hintimiu kahaa pakuno itu. Aitu nandoo dopokodoꞌotiomu, amenduaꞌangkoeꞌomu toha, humato amai mie pedando anaꞌa paemo aooloandaa daeꞌawa kahukumu.

1 Timotius 5:22

Koise nehimba fotei limamu te wawondo mie ⸤ so membalino neangkando umati⸥ ; koise dua kaangka-angka ne dhosando mie bhaimu. Dhaganie kangkilono totono lalomu.

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

Ibrani 6:9

Bhahitieꞌiku timoasiꞌaono! Mahinggamo tapugau peda naꞌa, insaodi taparasaea mpuu padamo metahimaomu sabhaha metaaꞌano noliuꞌe ⸤ wite saꞌituini⸥ . Nepulaoꞌaoku kabarakati pokaiꞌano bhe kasalamatiꞌamiu.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Petrus 2:11

Bhahitieꞌiku timoasiꞌaono! Ngkoha-ngkohamiu te dhunia ini kanggetu mie humampe bhe mie meateno ne koliwuno. Dadiꞌanomo aesalo mpuu, koise angkafiomu kapoindalono wuto, kapaꞌamo sadhia nopoewangi bhe kapoindalono alusu.

2 Petrus 3:14

Dadiꞌanomo, bhahitieꞌiku timoasiꞌaono, poowa ntaa-ntaaꞌomu bhahi-bhahiꞌae naꞌa, uleiꞌe lalomiu dadi mongkiloomu weo pomatano Lahataꞌala, pae kodengo-dengoomua bhe pometaaꞌomu bhe Lahataꞌala.

2 Petrus 3:17

Tamaka hintimiu, bhahitieꞌiku timoasiꞌaono, ingka pandeꞌaanemoomu wawo bhahi-bhahiꞌae naꞌa. Dadiꞌanomo kodhagaomu koe dobulukoomu weo kalibundo mie kolilinono pata mefadhulino atora, bhahasaa mondawuomu maiꞌao ne kafindaꞌamiu motangkaꞌano.

2 Petrus 3:8

Ampamo kaowu bhahitieꞌiku, koise molimpuꞌaaneomu dua sehondano ini: ne pomatano Lahataꞌala seꞌoleo tanopototomo bhe sehewu taꞌu, sehewu taꞌu tanopototomo bhe seꞌoleo.

Yudas 1:5

Aitu nandoo so nefeꞌulaiꞌaoku ne hintimiu. Ampamo kaowu sakotuꞌuno kosasawiꞌae naꞌa pandeꞌaanemoomu. Ingka tandaiꞌeomu peda amai Ompu Lahataꞌala nofosalamati umatino Israel maiꞌao we witeno Mesir, tamaka pada anaꞌa tapa marasaeano nofobinasada.