2 Petrus 2:4 - Muna Southern Dialect

⁴ Ingka endefiꞌini malaꞌekati kodhosano miina dalumapaa ne kahukumuno Lahataꞌala, tamaka noꞌohoda we narakaa. Andoa maitu nofopesuada weo kantie mohohondono, nofekataada ampa nahumato oleo so katibhotusiꞌando.

2 Petrus 2:4 Iomraidhean Croise

Matius 25:41

Pada anaꞌa napugaumo dua ne mie we kemano, ‘Gampiomu maiꞌao ne wiseku ini, hintimiu mie nekangkanaino balaa! Pesuaꞌomu weo efino narakaa tapa mopoopeono ampa suhue dhamani, toka nefontaa-ntaa so Kafeompuꞌando seetani bhe malaꞌekati sabhangkaꞌino.

Matius 8:29

Andoa dopokakei-kei ambado, “Anano Lahataꞌala, mai mafaꞌi kainsami gahaꞌa? Patudhumu maimo modee-dee kainsami, mahingga paeꞌo nahumato tempono?”

Markus 5:7

Mie aitu nokei nofekabhala-bhala, “Yesus Anano Lahataꞌala kokuasano! O ae patudhumu ne idi ini? Weo neano Lahataꞌala, koise fodee-dee kanau!”

Lukas 10:18

Nopugaumo Yesus ambano, “Awoha Kafeompuꞌando seetani nondawu pasae bhibhito nomaiꞌao te lani.

Lukas 8:31

Pada peda naꞌa seetani maitu desalomo ne Yesus koise natumududa damesua weo ola tapa kotompa.

Yohanes 8:44

Amamiu Kafeompuꞌando seetani, sadhia gaomiu mangkafiomu kapoindalono amamiu naꞌa. Anoamo itu mongkono manusia mpini kabhao-bhaono, miina natumai ne kabanara, kapaꞌamo weo totono lalono miina bhe kabanarano. Ane nakopaha, nopantasimo, kahabuaonomo. Anoa itu pande gau-gau, amandomo sabhaha paha.

Roma 11:21

Kapaꞌamo ane Lahataꞌala miina naooloanea nolobhisi haꞌa mpuuno ⸤ maꞌanano miendo Yahudi⸥ , bhemo toha hintimiu itu, tetewei pae naooloangkoomu dua.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

2 Petrus 2:11

Gahaꞌaitumo mahinggamo malaꞌekati moliuno kaꞌosa bhe kuasando mpahaguru-guruno naꞌa, ingka miina daokadoa damekaꞌaebu tawa dasumangkati dumadino weo kakalabhia naꞌa ne wiseno Lahataꞌala.

2 Petrus 2:5

Pedamo dua anaꞌa we dhamani wawono, mie modai miina dalumapaa ne kahukumuno Lahataꞌala. Anoa nofosampu luano oe bhalano ne dhuniando mie modai naꞌa, maka mpahinomo Nuh bhe mie pipituno poowaꞌano sumalamatino. Nuh ini sadhia nofofohatoꞌao dadi banara.

2 Petrus 2:9

Bhahi-bhahiꞌae maitu nofotiwohamo putae Ompu nopandeꞌaane nofosalamati mie banara maiꞌao ne sabhaha kasabha bhe nopandeꞌaane dua nohunsa mie modai ampa nahumukumuda nahumato oleo so katibhotusiꞌando,

1 Yohanes 3:8

Tamaka mie mehabuno kansuhu dhosa anaꞌinomo Kafeompuꞌando seetani, kapaꞌamo ingka Kafeompuꞌando seetani nokodhosa mpini kabhao-bhaono. Ainimo patudhuno Anano Lahataꞌala nomai, so namobinasaꞌao sabhaha habuno Kafeompuꞌando seetani.

Yudas 1:13

Tapedamo ewo moꞌosa we teꞌi neowa buha, andoa ini dofotiwoha diundo timoambanoꞌaono. Andoa tapedamo dua kulipopo te lani tapa tumotono wawe. Lahataꞌala tokamo nefontaa-ntaaꞌanda kaeateꞌa weo doloma mposo ampa suhue dhamani.

Yudas 1:6

Feꞌulaiꞌeomu dua malaꞌekati lumimbakino kanteeno kuasando, sampe dohunsa kaeateꞌando. Malaꞌekati andoa ini nogogantuda Lahataꞌala weo kahohondo, nepakeanda hante suhue dhamani bhe notaamida ampa nahumato oleo bhalano so kafobhitahakiꞌa.

Powoha 20:10

Kafeompuꞌando seetani mekakolilinoda daꞌumohoe weo efi ngkowaleha ne kantobha bhalano. Ne itumo dua katiꞌohoꞌando kadadi bhe mie mpahaana-anabiino, maka dasumikisaada mentae mohondo ampa suhue dhamani.