2 Petrus 2:21 - Muna Southern Dialect

²¹ Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.

2 Petrus 2:21 Iomraidhean Croise

Matius 21:32

Kapaꞌamo Yohanes nomai nofotiwohaangkoomu kaangkaꞌano dadi metaa, tamaka miina marasaeaꞌeomua, gahaꞌa mealaꞌino sewa bhe karambole doparasaeaꞌe. Tamaka hintimiu, mahinggamo wohaeꞌomu peda maitu, miina sumosoomua, miina dua marasaeaꞌomua.”

Lukas 12:47

Seemie bhatua mandeꞌaono kapoindalono kafeompuꞌano tamaka miina namantaa-ntaa tawa miina nadhumalangiea, naobhahi naeꞌawa kabhebhe.

Yohanes 15:22

Ane pae ahumato bhe apugau bhe andoa, teteweimo pae dakodhosaa. Tamaka aitu miinamo dakotingkua dabheleꞌao dhosando.

Yohanes 9:41

Ambano Yesus, “Ane kotu-kotuꞌu mobuntoomu pae kodhosaomua, tamaka hampano ambamiu fowohaomu, dadiꞌanomo dhosamiu sadaa-daa.”

Roma 7:12

Tubhono agama Yahudi nomaiꞌao ne Lahataꞌala, dadiꞌanomo sabhaha pahintano netaa, nobanara bhe nongkilo.

Galatia 6:2

Potulu-tulumiomu weo kasabha, ane peda naꞌa ingka dhalangiemoomu pahintano Kristus.

1 Tesalonika 4:2

Ingka pandeꞌaanemoomu katangahi medano ae newaꞌao mani ne hintimiu weo kuasano Ompu Yesus.

1 Timotius 6:14

Angkafi sabhaha pahinta aini, koe bhe nekaemimua, koe bhe moꞌalatikoa, ampa ne oleo so kahatoꞌano Ompuntoomu Yesus Kristus.

Ibrani 10:26

Ane padamo dotahima bhe dopandeꞌao kabanara, tamaka dofepuuꞌe nandoo dua dehabu dhosa, ingka miinamo bhe kapopanga so katolosino dhosantoomu naꞌa.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.

2 Petrus 3:2

Gaoku meꞌulaiꞌeomu wambano Lahataꞌala nekosuahaꞌaondo wawo ana-anabii mongkilo, bhe meꞌulaiꞌeomu dua sabhaha pahintano Ompu bhe Fosalamatino, nefosampendo rasuluꞌi ne hintimiu.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.