2 Petrus 2:15 - Muna Southern Dialect

¹⁵ Andoa dokolilinomo mbaꞌinomo miina damangkafi kaangkaꞌa melaaꞌano, tamaka doangkafimo kaangkaꞌano Bileam anano Beor endefiꞌini. Bileam naꞌa noasiane sepaliꞌa neala ponambo ne habu modai.

2 Petrus 2:15 Iomraidhean Croise

Matius 26:9

Kapaꞌamo mina-mina aitu noꞌali sepaliꞌa, feꞌemo naembali damasoe maka olino damaꞌandae mie mokae.”

Tula-tulando rasulu 1:18

(Yudas naꞌa padamo neꞌoli wite. Wite aitu noꞌoliane dhoi ponambono nopokanagauꞌao Yesus. Anoa nondawu kalongko-longko nosengka bhe handano, kahehewuno nopuli nosihuhu.

Tula-tulando rasulu 13:10

Ambano, “Hintu anano seetani, totono lalomu noponoꞌao kabhohe-bhoheꞌi bhe isikadhi modai! Hintu ini sadhia poewangi bhe kabanara. Pae tumie-tiehea gahaꞌa modo-modoli kaangkaꞌano Lahataꞌala?

2 Petrus 2:13

Kakadee-dee so neꞌawando naꞌa kanggetu dua ponambono habu modaindo fofodee-deeno. Dohabu pokahaku ole-oleo dokonaemo dua kataano namisindo. Ane dohumaa dopombali-mbali bhe hintimiu weo kahamendo umati, diundo notimolampi bhe notimoambanoꞌao mbaꞌinomo dololanuꞌao nafusuu modai.

Yudas 1:11

Dobalaamo andoa maitu! Andoa doangkafimo kaangkaꞌano Kain ⸤ mongkono aino⸥ . Sumanomo daeꞌawa dhoi, nokolilinomo totono lalondo tadoꞌoho wutondo ne modaiꞌano, tapedamo Bileam. Andoa dabinasa mbaꞌinomo dopoewangi bhe mintahano kuasa tapedamo Korah.

Powoha 2:14

Tamaka nandoo sehonda haa honda pata nepoindaloku ne hintimiua: ne olotamiu itu nandoo mangkafino kafoinaꞌuno Bileam. Anoa ini notangahi Balak namekakolilino totono lalondo miendo Israel daomaa oti kapopanga so barahala bhe dapokawite-wite.