2 Petrus 2:1 - Muna Southern Dialect

¹ Endefiꞌini ne olotando umatino Lahataꞌala nandoo mie mpahaana-anabiino, nadamo dua aitu ne olotamiu itu nandumandoo mpahaguru-guruno. Andoa daeowa sabhaha kafoinaꞌu tapa banara so mefobinasano manusia, bhahamoa dagumagaiꞌemo Kafeompuꞌa madano tumolosida. Nadamo anaꞌa dapikiꞌawamo kabinasaꞌano wutondo.

2 Petrus 2:1 Iomraidhean Croise

Matius 10:33

Tamaka laꞌae gumagano ne wiseno manusia putae anoa miina namangkafi Idi, agumagaiꞌe dua ne wiseno Amaku te surugaa.

Matius 24:11

Dabhahi mpahaana-anabiino sampe dabhahi mie so mokolilinono totono lalo.

Matius 24:24

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

Matius 7:15

“Posiꞌondoomu ne mie mpahaana-anabiino. Andoa damai daesahangka ne dhumba momaluno lalo, gahaꞌaitu andoa itu daꞌu ngkahoku fohumaano.

Markus 13:22

Kapaꞌamo dabhahimo mabhino wutono Mesias, gahaꞌaitu suano. Dabhahi dua mpahaana-anabiino. Andoa naꞌa daehabu tanda-tanda tapa mentela bhe giu timenteꞌaono, patudhundo ane naembali damokolilino dua totono lalondo umati tipilino.

Lukas 12:9

Tamaka laꞌa-laꞌae gumagano ne wiseno manusia putae anoa miina namangkafi Idi, agumagaiꞌe dua ne wiseno malaꞌekatino Lahataꞌala.

Lukas 21:8

Ambano Yesus, “Kodhagaomu, bhahasaa dofokolilino totono lalomiu. Kapaꞌamo dobhahi mie so maino damake neaku bhe dapugau, ‘Idimo ini Mesias, tempono nomaꞌomo.’ Koise angkafidaomua.

Lukas 6:26

Balaamoomu, ane kosasawindo mie damudhikoomu, hampano pedamo dua naꞌa habundo awuaꞌindo ne mie mpahaana-anabiino.”

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

1 Korintus 11:19

Ingka nokesa itua nandoo powengke-wengkeꞌa ne olotamiu itu! Ane paise, nada amai natipandeꞌao laꞌae kumampuu-mpuuno weo kaparasaeano?

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

1 Korintus 7:23

Hintimiu padamo doꞌolikoomu, olimiu padamo dotanduaꞌane. Dadiꞌanomo koemo membaliomu bhatuando manusia bhaimu.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Galatia 3:13

Tamaka Kristus padamo nofobebasi kaitaomu maiꞌao ne balaano tubhono agama Yahudi, kapaꞌamo notibuhi weo Kitabi, “Nobalaamo mie nekantai te sau salipu.” Dadiꞌanomo Anoamo tumanggoino balaa so intaodiomu.

Galatia 4:17

Andoa ⸤ mpahaguru-guruno itu⸥ doꞌuleiꞌe mpuu doꞌondofi lalomiu, tamaka patudhundo miina naetaaꞌa. Andoa deꞌondofi kaowu dhala dapogaatiꞌao hintimiu bhe insaodi, neanomo nakamai-mai lalomiu mangkafiomu andoa.

Galatia 5:20

desombai barahala, o wuhake, dopowengke-wengke, dopogiha-giha, nokondua lalondo, domansoꞌamaha, doꞌondofao kaowu kafaraluuno wuto, dopokante-kantee lalo, dopowala-wala,

Efesus 1:7

Hampano tuhuno heano Kristus bhe kaseꞌisentoomu bhe Anoa, Lahataꞌala nofobebasi kaitamo, maꞌanano noꞌamponiemo dhosantoomu, noposahataa bhe kabhalano rahamatino.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Filipi 3:19

Dadindo nakopandaꞌao kabinasa; nesombaindo iꞌino handado. Nowose bhakendo dehabu timoambanoꞌaono; fekihindo ampamo kaowu kafaraluuno dhunia.

Kolose 2:18

Koe sampe damekahugikoomu mie wohaꞌano kaowu dofekapanda wutondo bhe desombai malaꞌekati. Mie andoa ini dofekalangke diundo, mahinggamo miina bhe tingkuno, dofekihi kanandoono dhunia bhe dosangke-sangke wutondo hampano dokopowoha.

Kolose 2:8

Posiꞌondoomu, koise dofetandoangkoomu fahamuno agama tapa kofahalaa, ingka nefekakolilino kaowu totono lalondo mie. Fahamu medando naꞌa miina namaiꞌao ne Kristus, tamaka nomaiꞌao ne fekihindo manusia nepomantulu-ntuluꞌao bhe nomaiꞌao dua ne rohi kumuasaino dhunia ini.

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

2 Timotius 4:3

Kapaꞌamo nasewakutuu mie paemo daetahima kafoinaꞌu kumotuꞌuꞌano, tamaka daeꞌondofi sabhaha guru ampa kapoindalondo, damangkafi kaowu kambakano tingalando.

Titus 1:11

Mie medando naꞌa tabeano dadumampue nunsundo kapaꞌamo dobhahimo polambu nedai-daindo mbaꞌinomo dofohatoanda sabhaha kafoinaꞌu tapa mantasiꞌano. Habundo naꞌa so kaowu daeꞌawaꞌao laba haramu.

Titus 3:10

Mie meowano powengke-wengkeꞌa weo umati ⸤ dhohono kafoinaꞌu sumempa⸥ , tangahie sepaku ampa haa paku. Ane pae nametingkeko, koemo moheruanea.

Ibrani 10:29

Ane peda anaꞌa, nada amai bhahaa kolauno mie minda-mindaꞌino Anano Lahataꞌala, mabhino heano podhandiꞌa o giu mohaku tapa kofahalaano? Gahaꞌaitumo hampano tuhuno heano naꞌa dhosano nonggelamo. Pakade nofekandidiki dua Rohino Lahataꞌala fowaꞌaono rahamati. Ingka kahukumu so neꞌawano mie medano naꞌa sedhuluꞌa kabhieno!

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

2 Petrus 2:3

Hampano kakadau-daundo mpahaguru-guruno naꞌa daetula-tulaangkoomu sabhaha paha, patudhuno daealaꞌao laba. Tamaka kahukumundo nomponamo dofontaa-ntaaꞌe, Lahataꞌala miina bhe kaodoa, tetewei namobinasada.

1 Yohanes 2:26

Bhahi-bhahiꞌae ini abuhiangkoeꞌomu apulaoꞌao mie mesoba-sobano damekakolilino totono lalomiu.

1 Yohanes 4:1

Bhahitieꞌiku timoasiꞌaono! Koise pikiparasaeaꞌomua sabhaha mie mangakuno pugaundo nomaiꞌao ne Rohino Lahataꞌala. Udhieꞌomu kadeki bhahaꞌi rohino kotu-kotuꞌu nomaiꞌao ne Lahataꞌala bhahaꞌi miina. Kapaꞌamo ampa aitu dobhahimo mpahaana-anabiino dohato bhe dolili we dhunia ini.

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”

Yudas 1:4

Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Powoha 13:14

Mie meateno we dhunia nofekakolilinoanda tanda-tanda timenteꞌaono, nefopooliꞌao ne anoa so nahumabu ne wiseno kadadi kabhao-bhaono naꞌa. Anoa notudu dua mie meateno we dhunia daehabu patung so dasumombaiꞌao kadadi mobhelaꞌaono kampue tamaka sadaa-daa nodadi.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 3:8

Apandeꞌaane sabhaha kahadhaamiu. Ondo itu, ingka aelengkaangkomo fointo bhe naseemie pae bhe so mondoiꞌe dasumongkoe. Apandeꞌaangkoomu seendai kaowu kaꞌosamiu, tamaka angkafieꞌomu bhoasaoku bhe miina gumagaiꞌeomu neaku.

Powoha 5:9

Andoa delaguꞌao lagu buꞌou ambado, “Hintu nopantasi tahima kaluluno kitabi aitu bhe lumengka kafulutino, hampano Hintu padamo dosumbeleko, heamu padamo metolosiane manusia maiꞌao ne sabhaha sampuꞌa, sabhaha wamba, sabhaha siwulu bhe sabhaha bansano liwu so Lahataꞌala.

Powoha 6:10

Andoa maitu dokei dofekahaa-haaꞌi ambado, “Hintu kafeompuꞌa mongkilono bhe banarano, tana seꞌae bhahaa kaomponano maka bhitahaki bhe bhoosiꞌao hea mani ne mie meateno we dhunia?”