2 Petrus 1:4 - Muna Southern Dialect

⁴ Pedamo anaꞌa Lahataꞌala nowaꞌa kaitaomu sabhaha dhandino koharagaano bhe foliuno kakalabhia. Hampano dhandi anaꞌa lapamoomu ne sabhaha kapoindalo fodai-daino ne dhunia ini, maka mealaomu dawu weo sifatino Lahataꞌala.

2 Petrus 1:4 Iomraidhean Croise

Roma 9:4

Andoa ini umatino Israel, padamo nosangkeda Lahataꞌala mbali anaꞌino, nofotiwohaanda kakalabhiano, padamo nehabu podhandiꞌa bhe andoa, nowaꞌanda tubhono agama, padamo nofohatoda nada amai dasumambahea bhe nowaꞌanda dua sabhaha dhandino.

2 Korintus 1:20

Kapaꞌamo noangka ne Kristus, Lahataꞌala nofokoꞌuumbemo ne sabhaha nedhandiꞌaono. Dadiꞌanomo hampano Kristus intaodiomu sadhia dotobhoosiomu “Amin!” ⸤ maꞌanano nokotuꞌu⸥ , mbali kakalabhiano Lahataꞌala.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 6:17

“Dadiꞌanomo, bhoasaono Ompu, limbaomu maiꞌao ne olotando itu, gaatiomu wutomiu maiꞌao ne andoa itu; koemo medampasiomu giu timohakuno, maka atumahimakoomu.”

Galatia 3:16

⸤ Pedamo dua podhandino Lahataꞌala.⸥ Lahataꞌala padamo nokobhoasaꞌao dhandino ne Abraham bhe sampuꞌano. Weo Kitabi miina natibuhi “so sampuꞌaꞌimu”, maꞌanano dobhahi, tamaka “so sampuꞌamu” maꞌanano seemie kaowu, nopulaoꞌaomo Kristus.

Galatia 6:8

Ane doangkafi kapoindalono mbadha tantumo datumobhe dua hasilino kapoindalono mbadha, o kabinasa. Tamaka mangkafino kapoindalono Rohino Lahataꞌala datumobhe dua hasilino kapoindalono Rohino Lahataꞌala, o dadi suhue dhamani.

Efesus 4:13

Ane nadamo aini, intaodiomu kotu-kotuꞌu daseꞌisemoomu weo kaparasaea bhe napototomo dua pomaꞌanantoomu ne Anano Lahataꞌala; daembalimoomu mie tumangkano dadi, dhulu oleo dhulu kasangka peda wutono Kristus foliuno kasumangka.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

Ibrani 12:10

Kamungkulanto we dhunia ini dofotangahi bhe dofohukumu sebantaha kaowu, tadoangkafimo metaaꞌano weo fekihindo. Tamaka Lahataꞌala nofotangahi bhe nofohukumu so kaetaaꞌantoomu, neanomo daongkiloomu nada Anoa.

Ibrani 9:15

Kanandooꞌanomo Kristus nembalimo Poatoꞌaono podhandiꞌa buꞌou, neanomo mie toka nebhasino Lahataꞌala daeꞌawa sabhaha kadawu suhue dhamani peda nedhandiꞌaono Lahataꞌala. Bhahi-bhahiꞌae maitu nokadhadhia hampano bhe mateno, ⸤ ingka wutono Kristus,⸥ maka o matemo amaitu mobebasino manusia maiꞌao ne sabhaha kaꞌala nehabundo wakutuuno podhandiꞌa kabhao-bhaono.

Yakobus 1:27

Ane dopoindalo dembali mie koꞌagama mongkilo bhe kumampuu-mpuuno ne pomatano Lahataꞌala Amantoomu tabeano daehabu peda aini: daeꞌondofao anaꞌi moꞌelu bhe bhihinanda mosabhano, bhe dodhagani wutondo koe sampe nofotaihi kadaino dhunia ini.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

2 Petrus 3:13

Tamaka pedamo dhandino Lahataꞌala, intaodiomu dentaa-ntaaꞌomu lani bhe dhunia buꞌou, ne itumo kapoindalono Lahataꞌala sadhia damangkafie.

2 Petrus 3:9

Ompu miina naepoluntu-luntua namekakoꞌula dhandino, mahingga nandoo mie kofekihino peda naꞌa. Tamaka nosabahakikoomu, kapaꞌamo nokiido bhe so binasano, gaono kosasawindo manusia dametompaꞌao dhosando bhe dadumoli ne Anoa.

1 Yohanes 2:25

Maka nepodhandiꞌaono wutono Kristus ne intaodiomu, ingka o dadi suhue dhamani.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.