2 Petrus 1:3 - Muna Southern Dialect

³ Lahataꞌala nopakemo kuasa Kaseemie-mieꞌano, nowaꞌa kaita sabhaha maraluuꞌano so dadumadi lumebeꞌao. Kafowaꞌaoꞌano hampano dopandeꞌaanemoomu Kristus, Anoamo fobhasino so daealaꞌao dawu weo kakalabhiano bhe kataano lalono.

2 Petrus 1:3 Iomraidhean Croise

Matius 28:18

Yesus nomaꞌotidamo bhe nopugau ambano, “Sabhaha kuasa te surugaa bhe we dhunia ini nowaꞌa kanaꞌe Amaku.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Roma 9:24

Ingka intaodimoomu ini, mie nebhasino suano kaowu maiꞌao ne miendo Yahudi, tamaka maiꞌao ne bansano liwu sigaoꞌano dua.

1 Korintus 1:9

Lahataꞌala nokampuu-mpuu ne dhandino. Ingka Anoamo bhasikoomu seꞌiseomu bhe Anano, Yesus Kristus Ompuntoomu.

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

Efesus 4:1

Dadiꞌanomo, idi mie netohongku hampano afeompu ne Kristus ini, aesalo mpuu ne hintimiu dadiomu naposahataa bhe kapoindalono Lahataꞌala, kapaꞌamo hintimiu mie toka nebhasino Lahataꞌala.

Efesus 4:4

Kapaꞌamo intaodiomu ini sembadha kaowu; Rohino Lahataꞌala, Kaseemie-mieꞌano. Pedamo dua kaposahunaꞌaondo mie nebhasino Lahataꞌala, ingka sehonda kaowu.

Filipi 3:8

Suano kaowu taꞌo anaꞌa, tamaka kosasawiꞌae maitu akonaemo kahugi mpuu ane apototoane bhe neꞌawaku ampa aini: apopandeꞌao bhe Kristus Yesus Ompuku. Hampano Anoa kaengkohaꞌano kamanusiaku bhe habu metaaku madaꞌano ini ahunsaemo, akonaꞌidamo dua hewu, neanomo aꞌumawa Kristus,

Filipi 4:8

Panda-pandano bhahitieꞌiku, fekihimiu fosingiꞌianeomu sabhaha giu metaa tipudhiꞌano, maꞌanano kumotuꞌuꞌano, mantasiꞌano, banaraꞌano, mongkiloꞌano, mokesaꞌano bhe metaaꞌano fetingkeꞌa.

Kolose 1:16

Kapaꞌamo bhahi-bhahiꞌae nefokonandoono Lahataꞌala noangka ne Kristus. Sabhaha ndumandoono te surugaa bhe we dhunia, tiwohaꞌano bhe pata tiwohaꞌano, sabhaha rohi mintahano kuasa, sabhaha neangkando rohi, saneamo nofokonandooda Lahataꞌala noangka ne Kristus bhe nofokonandooda somo dua wutono Kristus.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

1 Tesalonika 4:7

Kapaꞌamo Lahataꞌala miina nafosaliꞌi dadumadi pokawite-wite, tamaka dadumadi mongkilo.

2 Tesalonika 2:14

Anaꞌamo katisaliꞌiꞌamiu ne Lahataꞌala, mangkaꞌano ne Bhihita Metaa nefolele mani, neanomo hintimiu mealaomu dua dawu ne kakalabhiano Ompuntoomu Yesus Kristus.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

Ibrani 1:3

Anoa nofotiwoha tilangano kakalabhiano Lahataꞌala, katuno bhe sifatino pasae wutono Lahataꞌala. Anoamo dua tumukono alamu bhalano ini nopake bhoasaono foliuno kuasa. Nopalusi nofekangkilo manusia maiꞌao ne dhosando, Anoa nengkohamo ne suanano Lahataꞌala fofoliuno kakalabhia te wawono wawo.

1 Petrus 1:15

Tamaka tabeano naongkilo totono lalomiu weo sabhaha nehabumiu, tapedamo kangkilono wutono Lahataꞌala toka bhasikoomu.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

1 Petrus 2:21

Dokosabaha weo kakadee-dee, ingka anaꞌamo katibhasiꞌamiu ne Lahataꞌala, kapaꞌamo wutono Kristus padamo dua nokadee-dee so hintimiu. Pedamo anaꞌa ingka nehunsaangkoomu sandaha so neangkafimiu, tumapiomu koinaꞌano.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

1 Petrus 3:9

Kadai koise bhoosianeomu kadai, feꞌawu koise tobhoosianeomu feꞌawu, tamaka mesaloomu kabarakatino Lahataꞌala so mie aitu. Kapaꞌamo dadimo medano aitu katibhasiꞌamiu, somo meꞌawaꞌaoꞌomu kabarakati.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Petrus 1:10

Dadiꞌanomo bhahitieꞌiku, uleiꞌe mpuu lalomiu fotiwohaeꞌomu putae kotu-kotuꞌu hintimiu itu nobhasikoomu bhe nopilikoomu Lahataꞌala. Ane humabuomu nada anaꞌa, ingka paise mondawuomu weo dhosa tawa sumowoaneomu kaparasaeamiu.

2 Petrus 1:2

Sio-siomo sadhia namaꞌangkoomu kabarakati bhe katohopono dadi pontalabhi-labhino, hampano kaparasaeamiu ne Lahataꞌala bhe ne Yesus Ompuntoomu.

2 Petrus 1:5

Dadiꞌanomo uleiꞌe mpuu lalomiu neanomo kaparasaeamiu ne Kristus napotubhahi bhe habu metaa; habu metaa napotubhahi bhe kapande.

2 Petrus 1:6

O kapande napotubhahi bhe kafewanakino totono lalo; kafewanakino totono lalo napotubhahi bhe kakosabaha dopotaami weo kasabha; kakosabaha dopotaami weo kasabha napotubhahi bhe dadi lumebe.

2 Petrus 1:8

Ane kosasawiꞌae podiu saꞌituini makesieꞌomu dhulu oleo dhulu kantuhu, tetewei nakumaꞌende-ende totono lalomiu kumahadhaaꞌomu bhe nakohasili metaa, sampe sedhuluꞌa dua mandeꞌaaneomu Yesus Kristus Ompuntoomu.

2 Petrus 2:20

Kapaꞌamo ane o mie nopandeꞌaomo Ompu bhe Omputo Fosalamatino Yesus Kristus, ingka nolapamo maiꞌao ne sabhaha kuasano dhunia pokahakuno. Tamaka ane suli toha dotigogantu bhe dotalo ne sabhaha kuasa naꞌa, ingka sedhuluꞌa kadahano bhe endefiꞌini.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.