2 Petrus 1:21 - Muna Southern Dialect

²¹ Kapaꞌamo miina nandumandooa kaowilino Lahataꞌala nefosampendo ana-anabii nomaiꞌao ne kapoindalondo manusia, tamaka kuasano Rohino Lahataꞌala kumabhintino ana-anabii sampe dokosuahaꞌao kaowilino Lahataꞌala.

2 Petrus 1:21 Iomraidhean Croise

Markus 12:36

Gahaꞌa itu wutono Daud weo kuasano Rohino Lahataꞌala padamo nopugau peda aini, ‘Ompu Lahataꞌala nokowambamo ne Ompuku, Mengkohamo ne suanaku ini ampa kosasawindo kaewamu ahumabuda so kafindaꞌamu.’

Lukas 1:70

Aini nopobutu bhe bhoasaono endefiꞌini, nefosampendo ana-anabii mongkilono.

Tula-tulando rasulu 1:16

“Bhahitieꞌiku, teteweimo nokoꞌula tibuhiꞌano weo Kitabi. Maꞌanano, kafohatono Rohino Lahataꞌala ne anabii Daud wawo-wawo, mulaoꞌaono Yudas, nokoꞌulamo. Yudas ini neangkando mie humakono Yesus.

Tula-tulando rasulu 28:25

Tadopogaa-gaamo miina naseꞌise fekihindoa. Tamaka Paulus nandoo dua nofohatoda peda ini, “Nokotuꞌumo daanumo bhoasaono Rohino Lahataꞌala ne awuaꞌintoomu nefosampeno anabii Yesaya,

Tula-tulando rasulu 3:18

Ampamo kaowu pedamo anaꞌa Lahataꞌala nofekakoꞌula nekobhoasaꞌaono endefiꞌini. Bhoasaono naꞌa nofosampeandae ana-anabii, putae Mesias Omputo Fosalamatino maitu tetewei nakumadee-dee.

Ibrani 10:15

Pokaiꞌano bhe aini, Rohino Lahataꞌala nosakusiiane dua ne intaodiomu. Kabhao-bhaono Rohino Lahataꞌala nokobhoasao,

Ibrani 3:7

Dadiꞌanomo ambano Rohino Lahataꞌala, “Ane oleo itu fetingkeomu suahano Lahataꞌala,

Ibrani 9:8

Noangka ne atora aini Rohino Lahataꞌala nofekantaleaꞌiemo putae ane Boloku Mongkilo sadaa-daaꞌe, ingka kaangkaꞌa damesua weo Boloku Foliuno Kangkilo miinaꞌo natilengkaa.

1 Petrus 1:11

Kapaꞌamo Rohino Kristus meateno weo totono lalondo, nofohatoda wawo putae Kristus naenamisi kakadee-dee bhe mada anaꞌa naetahima kakalabhia. Dadiꞌanomo doꞌondofie mpuu laꞌae bhahaa Kristus maitu bhe naefie nakumadhadhia toka nekosuahaꞌaondo naꞌa.

Powoha 19:10

Idi lasao aefodapa ne aꞌeno ataohao sombaku tamaka tanopugau ambano, “Koise nada itua! Idi ini palima-lima dua nopototo bhe hintu bhe bhahitieꞌimu marasaeano mintahakino kafohatono Yesus. Taohao sombamu ne Lahataꞌala, kapaꞌamo o Rohi mekabhintino mie sampe dokosuaha peda anabii, nomaiꞌao ne kafohatono Yesus.”