2 Petrus 1:20 - Muna Southern Dialect

²⁰ Foliuno kafaraluu so nepandeꞌaomiu: kaowilino Lahataꞌala mangkaꞌano ne ana-anabii tibuhino weo Kitabi, paise naembali damaꞌanakie ampa kapoindalono wutondo.

2 Petrus 1:20 Iomraidhean Croise

Roma 12:6

Intaodiomu detahimamoomu kapooli seemie-seemie poꞌala-alano noposahataa bhe kadawu newaꞌaono Lahataꞌala. Dadiꞌanomo ane deꞌawa kapooli dakosuaha peda seemie anabii, tabeano dadhumalangie naposahataa bhe kaparasaeando.

Roma 13:11

Aini tetewei dhumalangieꞌomu, hampano ingka pandeꞌaanemoomu koeateno dhamani aini. Ingka nohatomo tempono manuomu ne kaodomiu, kapaꞌamo ampa aitu oleo so katifosalamatiꞌantoomu sedhuluꞌamo dua kakomaꞌo bhe pakaparasaeantoomu.

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

1 Timotius 1:9

Nofaraluu datumandaiꞌe, tubhono agama dofokonandooꞌe suano so mie metaaꞌa, tamaka patudhuno mpuu so damewanakiꞌao podiundo mie kumangkalaꞌino sabhaha tubho anaꞌa, peda o mie modaino isikadhi, mie pata sumombaino Ompu, mie kodhosa, mie tapa koꞌagamano, mie mosibhalano dhunia, mie mongkono inano tawa amano, mie fopongkono,

2 Timotius 3:16

Kosasawiꞌae tibuhiꞌano weo Kitabi nomaiꞌao ne Rohino Lahataꞌala, nokofahalaa so dafofoinaꞌuꞌao kabanara, so daefeꞌulaiꞌao mie umala, so damekataaꞌiao podiu bhe so dafotangahiꞌao dadumadi damangkafi kapoindalono Lahataꞌala.

Yakobus 1:3

Kapaꞌamo pandeꞌaaneomu, ane sadaa-daa kaparasaeamiu weo kasabha naꞌa, ingka losanomo kakosabaha potaamiomu.

2 Petrus 3:3

Foliuno kafaraluu so nepandeꞌaomiu: namaꞌo pandano dhamani dahumato mie foele-eleno damele-elekoomu. Andoa dodadi doangkafi kaowu kapoindalono mbadhando.