2 Petrus 1:12 - Muna Southern Dialect

¹² Kanandooꞌanomo patudhuku sadhia ameꞌulaiangkoeꞌomu bhahi-bhahiꞌae ini, mahingga pandeꞌaanemoomu bhe nomatangkamo koehemiu weo kabanara toka netahimamiu.

2 Petrus 1:12 Iomraidhean Croise

Tula-tulando rasulu 16:5

Dadiꞌanomo kaparasaeando umati dhulu katangka, dhulu oleo dhulu kabhahindo.

Filipi 3:1

Panda-pandano, bhahitieꞌiku, fowula lalomiu mbaꞌinomo seꞌiseomu bhe Ompu. Miina naobhie laloku amenduaꞌangkoomu nebuhiku endefiꞌini, hampano aitu netaa so katohopono kaparasaea ⸤ keana nepingka-pingka⸥ .

Kolose 1:5

Katangkaꞌanomo kaparasaeamiu naꞌa bhe kanini kaasimiu ne mie bhaimiu, hampano kaposahunaꞌao umawaomu nefontaa-ntaano Lahataꞌala te surugaa. Kaposahunaꞌao ini ingka tokamo fetingkeeꞌomu wakutuuno dofohatoangkoomu bhoasao banarano, maꞌanano o Bhihita Metaa.

Kolose 2:7

Kaparasaeamiu ne Anoa tabeano nakopahaka, bhe wutono Kristus naembalimo kaengkohaꞌano dadimiu. Kaparasaeamiu tabeano dhulu kamatangka, noposahataa bhe kafoinaꞌu netahimamiu. Totono lalomiu nakaꞌende-ende mefoampeomu katumpuno lalo.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

2 Timotius 1:6

Kanandooꞌanomo aefeꞌulaiangko, pakee mpuu kapooli kawaꞌaono Rohino Lahataꞌala neꞌawamu wakutuuno ateiangko limaku te fotumu.

Ibrani 10:32

Feꞌulaiꞌeomu kumundoꞌano. Wakutuu anaꞌa, pada notilakoomu tilangano Lahataꞌala, nobhahi meꞌawaomu kakadee-dee, tamaka sadaa-daa potaami bhe poewangiomu.

Ibrani 13:9

Koise namekakolilinokoomu sabhaha kafoinaꞌu sumempa mengkahatono. Naetaa totono lalontoomu namekamatangkae rahamatino Lahataꞌala, koise namekamatangkae sabhaha atorano oti nehumaa. Mie meangkafino sabhaha atorano oti nehumaa naꞌa miina daeꞌawaa fahalaanoa.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

2 Petrus 1:13

Kaomponano paeꞌo ahumunsa mbadha kasaraku ini, aabhiemo dua takaku sadhia ameꞌulaiangkoeꞌomu bhahi-bhahiꞌae ini.

2 Petrus 1:15

Dadiꞌanomo aꞌuleiꞌe laloku neanomo mahinggamo akundomo, kosasawiꞌae naꞌa sadaa-daaꞌe meꞌulaiꞌeomu.

2 Petrus 3:1

Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

2 Petrus 3:17

Tamaka hintimiu, bhahitieꞌiku timoasiꞌaono, ingka pandeꞌaanemoomu wawo bhahi-bhahiꞌae naꞌa. Dadiꞌanomo kodhagaomu koe dobulukoomu weo kalibundo mie kolilinono pata mefadhulino atora, bhahasaa mondawuomu maiꞌao ne kafindaꞌamiu motangkaꞌano.

1 Yohanes 2:21

Abuhiangkoomu aini suano mbaꞌinomo miina mandeꞌaoꞌomu kabanara, tamaka hampano pandeꞌaanemoomu. Ingka pandeꞌaanemoomu dua miina bhe pahaa maiꞌao ne kabanara.

2 Yohanes 1:2

Katimoasiꞌamiu hampano kabanarano Lahataꞌala neate weo totono lalontoomu bhe nafopobhaiꞌao ampa suhue dhamani.

Yudas 1:17

Tamaka hintimiu bhahitieꞌiku timoasiꞌaono, feꞌulaiꞌeomu wambado rasuluꞌino Ompuntoomu Yesus Kristus.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.

Yudas 1:5

Aitu nandoo so nefeꞌulaiꞌaoku ne hintimiu. Ampamo kaowu sakotuꞌuno kosasawiꞌae naꞌa pandeꞌaanemoomu. Ingka tandaiꞌeomu peda amai Ompu Lahataꞌala nofosalamati umatino Israel maiꞌao we witeno Mesir, tamaka pada anaꞌa tapa marasaeano nofobinasada.