2 Korintus 9:10 - Muna Southern Dialect

¹⁰ Anoa mefontaa-ntaano wine mbali mie meꞌewino, Anoa mefontaa-ntaano oti so daomaa, Anoamo dua montaa-ntaano wine nefaraluumiu maka namekabhahie wine neꞌewimiu itu sampe nasedhuluꞌa dua kabhalano pehapimiu, maꞌanano o habu metaano.

2 Korintus 9:10 Iomraidhean Croise

Matius 6:1

“Tandaiꞌeomu, koise angkafiomu tubhono agamamiu mefewohaomu kaowu ne mie bhahi. Ane peda naꞌa Amamu te surugaa pae namaꞌangkoomu ponambo.

2 Korintus 9:12

Kapaꞌamo taka kaꞌondofao nedhalangimiu ini suano kaowu namokapo nemokaeꞌaondo umati marasaeano, tamaka namodhulu dua kabhahino katumpuno lalo ne Lahataꞌala.

2 Korintus 9:6

Tandaiꞌeomu! Mie meꞌewino seendai tantumo natumobhe seendai dua, mie meꞌewino nobhahi teteweimo nabhahi dua natumobhea.

Galatia 3:5

Kaowu nadamo amai itua? Ingka Lahataꞌala miina naegana-ganaa nowaꞌangkoomu Rohino bhe nehabuangkoomu sabhaha tanda tapa mentela. Bhahaa nowaꞌangkoomu peda naꞌa mbaꞌinomo dhalangiomu tubhono agama Yahudi kaa bhahaꞌi mbaꞌinomo fetingkeomu Bhihita Metaa bhe parasaeaꞌomu ne Kristus?

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

1 Tesalonika 3:12

Sio-siomo dua Ompu namodhulu kabhalano kanini kaasimiu sapada-pada hintimiu bhe ne sabhaha mie ampa napontalabhi-labhi, pedamo dua kanini kaasi mani ne hintimiu.

1 Tesalonika 4:10

Bhahamoa sampe pomoni-moniniomu dua bhe kosasawindo bhahitiemiu marasaeano ne kosekaꞌewaꞌae kadieno Makedonia. Ampamo kaowu, bhahitieꞌi mani, taesalo mpuu nasedhuluꞌa dua kakampuu-mpuuno habumiu naꞌa.