2 Korintus 8:8 - Muna Southern Dialect

⁸ Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

2 Korintus 8:8 Iomraidhean Croise

Roma 12:9

Kamoasiꞌaomiu ne mie bhaimiu tabeano nahelasi. Fekakodoꞌo wutomiu ne modaiꞌano, fintaha ne metaaꞌano.

1 Korintus 7:12

Ne sigaoꞌano dua amohatoda (tamaka aini wambaku wutoku, miina namaiꞌao ne Ompu), ane nandoo moꞌane toka gumaano bhe hobhine pata marasaeano ne Kristus, maka hobhine aitu noꞌunda napohempoiane, koise nohunsaea.

1 Korintus 7:25

Aitu apugau dua so kalambeꞌi. Daanumo so andoa ini miina bhe pahinta netahimaku maiꞌao ne Ompu. Ampamo kaowu taꞌamolimbaangkoomu dua fekihiku peda seemie tiparasaeano hampano rahamatino Ompu.

1 Korintus 7:6

Apugau peda aini miina amahintangikoomu, tamaka afolalesakoomu.

2 Korintus 6:6

nongkilo totono lalo mani, takotimbangi, takosabaha, netaa lalo mani, bhe katulumino Rohino Lahataꞌala, bhe kanini kaasi kumampuu-mpuuno;

2 Korintus 8:10

Naetaa amolimbaangkoomu fekihiku, bhahaꞌi kaowu nakofahalaa dua so hintimiu: naetaa motokaeꞌomu kahadhaa toka nefetompunaꞌimiu itu. Ingka ne taꞌumo itu hintimiumo kabhao-bhaono humelasino fowaꞌaono maka daanumo fodhalaemoomu.

2 Korintus 8:24

Dadiꞌanomo fotiwohaeꞌomu kanini kaasimiu ne andoa ini, neanomo tombudo umati sigaoꞌano damandeꞌaanemo bhe kawoseno bhake mani kaomponae ini tapulaoꞌao hintimiu itu nakobukutiimo.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

2 Korintus 9:7

Seemie-seemie tabeano nafowaꞌao ampa kahelasino wobhano handano, koise nokobuku lalono, koise dua hampano dofosuhue, kapaꞌamo Lahataꞌala noasiꞌao mie fowaꞌaono weo kawulano lalo.

Efesus 4:15

Tamaka ane damintaha ne kabanara, damugauꞌao kumotuꞌuꞌano weo kanini kaasi, tetewei dadintoomu dhulu kasumangka peda dadino Kristus, mefotu kaita.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

Ibrani 10:24

Fodo-fodoli kaitaomu fekihi so dapofeka-fekatangka lalo, neanomo sedhuluꞌa dua kabhalano kanini kaasi bhe habu metaantoomu.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.