2 Korintus 8:19 - Muna Southern Dialect

¹⁹ Suano kaowu taꞌanaꞌa, tamaka mie aini padamo dua dopilie umati marasaeano so pobhai kainsami weo kala-kala mani ⸤ we Yerusalem⸥ . Kapaꞌamo takumala we naꞌa taewowoꞌo kawaꞌaono kanini kaasi ini, somo kakalabhiano Ompu, somo dua bukutiino kahelasino lalo mani.

2 Korintus 8:19 Iomraidhean Croise

Tula-tulando rasulu 14:23

Ne amai tombudo umati neangkaindo, Paulus bhe Barnabas desangkeanda seemie hodua kamungkula so neangkando. Poangka dosambahea bhe dopoasa, kamungkulaꞌi andoa ini dofopulidamo ne Ompu neparasaeandomo.

Tula-tulando rasulu 15:22

Rasulu, kamungkulaꞌi bhe kosasawindo umati dobhotusie daeꞌondo seemie hodua ne olotando umati naꞌa so kumalano we Antiokia dasumabhangka Paulus bhe Barnabas. Maka dopilimo Silas bhe Yudas nekonando dua Barsabas. Andoa ini sanea poisaꞌando umati ne Yerusalem.

Tula-tulando rasulu 15:25

Aitu padamo tamafakaane taepili seemie hodua so netudu mani damai we hintimiu itu. Andoa damai dapoowa-owa bhe Barnabas bhe Paulus, bhahitie nemoasiꞌao mani.

Tula-tulando rasulu 19:22

Notudumo palima-limano dohodua, Timotius bhe Erastus, damaꞌindulu we Makedonia. Tamaka anoa seꞌoleo haa oleo nandoo neate we kadieno Asia.

Tula-tulando rasulu 19:29

Koseꞌonu kotaꞌae tadohialelemo, dosihope-hopeꞌa we stadion. Dobulumo dua Gayus bhe Aristarkus, miendo Makedonia posabhangkaꞌaono Paulus we sala.

Roma 5:11

Suano kaowu taꞌanaꞌaa. Nowula dua lalontoomu mbaꞌinomo nehabuno Lahataꞌala mangkano ne Ompuntoomu Yesus Kristus, hampanomo Anoa intaodiomu dopometaa bhe Lahataꞌala ampa aitu.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

2 Korintus 8:11

Dadiꞌanomo aitu fotokaemoomu. Naetaa nakaꞌende-ende lalomiu motokaeꞌomu naposahataa bhe kahelasino lalomiu pakatitandakino, ampa so nepoo-poolimiu.

2 Korintus 8:12

Kapaꞌamo sumanomo dohelasi dofowaꞌao, o kawaꞌao naꞌa natumahimae Lahataꞌala ane naposahataa bhe ndumandooꞌano ne manusia; Lahataꞌala miina naesalo pata ndumandooꞌano ne manusia.

2 Korintus 8:20

Gao mani pae bhe so moꞌala kainsami weo dhalangiꞌano taka mani ini hampano hasilino nobhahi sepaliꞌa.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

2 Korintus 9:8

Maka Lahataꞌala nokokuasa namaꞌangkoomu sabhaha kabarakatino napontalabhi-labhi, sampe sabhaha kafaraluu weo dadimiu sadhia napokapo-kapo, bhahamoa tanakolabhimo so mehabuꞌaoꞌomu sabhaha metaaꞌano.