2 Korintus 8:10 - Muna Southern Dialect

¹⁰ Naetaa amolimbaangkoomu fekihiku, bhahaꞌi kaowu nakofahalaa dua so hintimiu: naetaa motokaeꞌomu kahadhaa toka nefetompunaꞌimiu itu. Ingka ne taꞌumo itu hintimiumo kabhao-bhaono humelasino fowaꞌaono maka daanumo fodhalaemoomu.

2 Korintus 8:10 Iomraidhean Croise

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Yohanes 11:50

Miina dua lumosangieꞌomua gahaꞌa, ingka nokofahalaa namate seemie so raꞌeati, bhe dabinasa koseꞌonu liwuntoomua.”

Yohanes 16:7

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu.

Yohanes 18:14

Kayafasmo dua ini tumangahino miendo Yahudi ambano, “Ingka nokofahalaa namate seemie so kosasawindo raꞌeati.”

1 Korintus 10:23

Nandoo mugauno, manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. O manusia nobebasi nehabu o ae maka dua, tamaka miina kosasawiꞌae nehabundo manusia maitu naefekamatangka totono lalo.

1 Korintus 16:2

Seꞌo-seꞌoleono Ahadhi, seemie-seemie naegaati dhoi seendai, naposahataa bhe hasilino. Dhoi anaꞌa hunsaeꞌomu, neanomo humato amai tokamo natifoꞌonu.

1 Korintus 6:12

Nandoo mugauno seemie manusia nobebasi nehabu o ae maka dua. Anoamo, tamaka ambaku miina kosasawiꞌae nehabundo manusia nokofahalaa. Mahinggamo abebasi aehabu o ae maka dua, tamaka akiido namobhatua kanau habuku naꞌa.

1 Korintus 7:25

Aitu apugau dua so kalambeꞌi. Daanumo so andoa ini miina bhe pahinta netahimaku maiꞌao ne Ompu. Ampamo kaowu taꞌamolimbaangkoomu dua fekihiku peda seemie tiparasaeano hampano rahamatino Ompu.

1 Korintus 7:40

Tamaka fekihiku, sedhuluꞌa dua kakodawuano ane pae nagumaa toha. Fenaiku fekihiku ini nomaiꞌao dua ne Rohino Lahataꞌala netahimaku.

2 Korintus 12:1

Daanumo miina bhe fahalaano dosangke-sangke wuto, tamaka aitu tetewei asumangke wutoku amohatoangkoomu powoha bhe kafohato neꞌawaku maiꞌao ne Ompu.

2 Korintus 8:6

Kanandooꞌanomo taesalomo Titus namai we hintimiu namotoka kahadhaano kanini kaasi toka nefetompunaꞌino ne olotamiu itu.

2 Korintus 8:8

Apugau peda aini suano kanggetu pahinta, tamaka afotiwohaangkoomu kaowu kakampuu-mpuundo bhahitie sigaoꞌano dofotulumi, neanomo amandeꞌaanemo dua kahelasino kanini kaasimiu.

2 Korintus 9:2

Apandeꞌaanemo kahelasino fotulumiomu, ingka padamo dua afowoseangkoomu bhakeku ne miendo Makedonia. Ambaku peda aini, “Umati we kadieno Akaya ⸤ we kotano Korintus⸥ domantaa-ntaamo dafowaꞌao mpini ne taꞌu itu.” Dofetingke kakaꞌende-endeno lalomiu itu dobhahi dua tisangkeno totono lalo.

Filipi 4:17

Ampamo kaowu suano kawaꞌaomiu naꞌa neꞌondofikua, tamaka hasilino habu metaamiu, kanggetu so katubhahino ponambomiu mada kaowu.

Ibrani 13:16

Koise molimpuomu habu metaaꞌomu bhe fotulumiomu, kapaꞌamo anaꞌaemo kapopanga mekaꞌiano lalono Lahataꞌala.