2 Korintus 7:9 - Muna Southern Dialect

⁹ Tamaka aitu nowulamo laloku, suano mbaꞌinomo pada afekakompeaha lalomiu, tamaka hampano kakompeahano lalomiu naꞌa nofodolikomoomu ne Lahataꞌala fetompaanemoomu dhosamiu. Hampano kakompeahano lalomiu itu nopoangkafi bhe kapoindalono Lahataꞌala, dadiꞌanomo ingka miina tamekahugikoomua maumo naseendai.

2 Korintus 7:9 Iomraidhean Croise

Matius 3:8

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 15:32

Nopantasi mpuu daoꞌiaꞌomu bhe dahumame-hameomu kapaꞌamo aimu kanggetu nomatemo, gahaꞌa sulimo nodadi, nomiinae sulimo apoꞌawaane.’ ”

Lukas 15:7

Amohatokoomu, nadamo dua anaꞌa te surugaa daoꞌia hampano seemie kodhosa metompaꞌaono dhosano, nalumiuꞌe kaꞌiando mbaꞌinomo mie banara siua fulu sisiuano tapa maraluuno dametompaꞌao dhosando.”

Tula-tulando rasulu 20:21

Namiendo Yahudi namiendo liwu sigaoꞌano sadhia afodhagada, bhahaꞌi kaowu dametompaꞌao dhosando, dadumoli ne Lahataꞌala bhe damarasaea ne Ompu Yesus Kristus.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 2:16

Mbali mie so binasano insaodi ini tapedamo wonono bhangke meowano mate, tamaka mbali mie sumalamatino tapedamo wono mowondu meowano dadi. Kaowu laꞌae bhahaa so moolino taka bhalano pedando inia?

2 Korintus 7:8

Dadiꞌanomo mahinggamo suhaku endefiꞌitu nofekakompeaha lalomiu, miina asumosoanea. Daanumo feadho asosoane dua wakutuuno apandeꞌaane suhaku maitu nofekakompeaha lalomiu, mahinggamo sekabantaha kaowu.