2 Korintus 7:7 - Muna Southern Dialect

⁷ Suano kaowu taꞌo hatono Titus katilawesiꞌa mani, tamaka hampano dua tula-tulano neꞌawa kalawesino lalo ne olotamiu. Titus netula-tula kainsami kakambano lalomiu moha kanauꞌomu, kaguguhuno lalomiu, bhe kakampuu-mpuuno lalomiu potunduꞌa kanauꞌomu, sampe sedhuluꞌa dua kawulano laloku.

2 Korintus 7:7 Iomraidhean Croise

Matius 26:75

Petrus nofeꞌulaimo pugauno Yesus, “Paeꞌo nakumakuhua manua, natolu pakumo gumaga miina mandeꞌa kanau.” Pada anaꞌa nolimbamo bhe noꞌae, nokompeaha sepaliꞌa lalono.

Matius 5:4

Dokodawua mpuu mopeano lalo, kapaꞌamo nalumawesida Lahataꞌala.

Lukas 22:44

Yesus nomahasai sepaliꞌa lalono maka sadhulu-dhulu kakampuu-mpuu nosambahea. Antino tapedamo hea nobubuka nopotuhu ne wite.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Roma 1:12

Patudhuku, naembali dapofekatangkaomu: kaparasaeamiu namekatangka kanau, kaparasaeaku namekatangka hintimiu.

1 Korintus 5:2

Tamaka mahingga pedamo itu nandoo dua nelangke diumiu. So mantasiꞌano ingka tabeano naopea lalomiu, bhe mie humabuno medando itu mogampieꞌomu maiꞌao ne olotamiu.

2 Korintus 1:4

Anoamo sadhia lumawesi kainsami ne sabhaha kasabha mani, sampe insaodi nembali dua taelawesiane mie metompaloino sabhaha kasabha. Kalawesi aini tatahimae maiꞌao ne Lahataꞌala.

2 Korintus 2:9

Ingka ainimo patudhuno katibuhiꞌano suhaku endefiꞌitu, somo kaꞌudhimiu bhahaꞌi kotu-kotuꞌu angkafiomu sabhaha kafoinaꞌuku.

2 Korintus 5:2

Nandoo deateomu weo kadempo ini, sadhia dofedee hampano nokambamo lalonto daetahima kaeateꞌa buꞌou maiꞌao te surugaa ⸤ maꞌanano mbadha nsurugaa⸥ , kao-kaomo daefokana pakea buꞌou.

2 Korintus 7:6

Tamaka Lahataꞌala melawesino mie mepandano diu, nolawesi kainsamimo noangka ne hatono Titus.

2 Korintus 7:8

Dadiꞌanomo mahinggamo suhaku endefiꞌitu nofekakompeaha lalomiu, miina asumosoanea. Daanumo feadho asosoane dua wakutuuno apandeꞌaane suhaku maitu nofekakompeaha lalomiu, mahinggamo sekabantaha kaowu.

2 Korintus 8:16

Notumpu lalo mani ne Lahataꞌala hampano Titus nowaꞌane kakampuu-mpuuno lalo noꞌondofao hintimiu, nopototo bhe insaodi.

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

Kolose 2:5

Kapaꞌamo mahingga mbadhaku nokodoꞌo bhe hintimiu, totono laloku nopobhaiangkoomu. Nowula sepaliꞌa laloku awoha kaꞌosano kaseꞌisemiu bhe kamatangkano kaparasaeamiu ne Kristus.

1 Tesalonika 3:6

Ampa aitu Timotius nosulimo we insaodi, neowa lele timoꞌiaꞌaono, leleno kaparasaea bhe kanini kaasimiu. Ambano dua hintimiu sadaa-daa feꞌulai metaa kainsamiomu, nokamba dua lalomiu poꞌawa kainsamiomu, pedamo dua kakambano lalo mani.

1 Tesalonika 3:8

Aitu nodadimo toha lalo mani, sumanomo notangka koehemiu weo Ompu.

Ibrani 2:1

Dadiꞌanomo intaodiomu tabeano sedhuluꞌa damintahakie kafoinaꞌu toka nefetingkentoomu, bhahasaa nowowoꞌo kaita solo.

Yakobus 5:17

Anabii Elia ingka o manusia melaa dua, tanopototomo bhe intaodiomu. Hampano kakampuu-mpuuno nosambahea so pae nakoꞌuseꞌao, gahaꞌa daanumo miina sepaliꞌa nakoꞌuse ampa tolu taꞌu nomo wula.

2 Yohanes 1:4

Nowula mpuu laloku afetingke anaꞌimu sigaꞌa dodadi doangkafi kabanara, pedamo pahinta netahimantoomu maiꞌao ne Lahataꞌala Amantoomu.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.