2 Korintus 7:4 - Muna Southern Dialect

⁴ Aokado apugau mentalea-mentalea ne hintimiu, bhe nowoseangkoomu bhakeku. Weo sabhaha kakadee-dee mani notilawesi mpuu laloku bhe nopontalabhi-labhi kawulano laloku.

2 Korintus 7:4 Iomraidhean Croise

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Roma 5:3

Suano kaowu taꞌanaꞌaa, tamaka nowula dua lalontoomu weo kakadee-deentoomu, kapaꞌamo dopandeꞌaane o kakadee-dee neowa kakosabaha dopotaami.

1 Korintus 1:4

Sadhia aefoampe katumpuno lalo ne Lahataꞌala hampano padamo nofosampuangkoomu rahamatino noangka ne Kristus Yesus.

2 Korintus 1:4

Anoamo sadhia lumawesi kainsami ne sabhaha kasabha mani, sampe insaodi nembali dua taelawesiane mie metompaloino sabhaha kasabha. Kalawesi aini tatahimae maiꞌao ne Lahataꞌala.

2 Korintus 10:8

Ingka paemo aambanoa, mahingga adho asumangke-sangke wutoku putae insaodi ini taeꞌawa kuasa ne Ompu, o kuasa so tamekamatangkaꞌao kaparasaemiu, suano kuasa so mohansurukoomu.

2 Korintus 11:21

Hunsaꞌanomo aoambanoana, miina takumapoiꞌea kaꞌasi sabhaha habu medando naꞌa. Tamaka ne ae maka dua mie bhaindo dokado dosangke-sangke wutondo, o idi aokado dua. (Pugauku ini ingka pugaundo bhohe).

2 Korintus 2:14

Foampe kaitaomu katumpuno lalo ne Lahataꞌala, kapaꞌamo Kristus noowa kainsami tabhatompa weo hame-hameno kafotaloꞌano, hampano kaseꞌise mani bhe Anoa. Lahataꞌala nopake kainsami taefolele Bhihita Metaano Kristus ne amai maka dua tapedamo wonono mina-mina mowonduno.

2 Korintus 3:12

Hampano pedamo anaꞌa neposahunaꞌao mani, maka insaodi ini taokado tapugau ⸤ taefolele Bhihita Metaa⸥ .

2 Korintus 7:14

Afowoseangkoomu bhakeku ne anoa, ingka miina mekandidikiomu lalokua. Endefiꞌini insaodi sadhia tapugauꞌao kumotuꞌuꞌano ne hintimiu, pedamo dua pugau mani tafowoseangkoomu bhake mani ne Titus, ingka saneamo kumotuꞌuꞌano.

2 Korintus 8:24

Dadiꞌanomo fotiwohaeꞌomu kanini kaasimiu ne andoa ini, neanomo tombudo umati sigaoꞌano damandeꞌaanemo bhe kawoseno bhake mani kaomponae ini tapulaoꞌao hintimiu itu nakobukutiimo.

Filipi 1:14

Mbaꞌinomo dotohongku kanau, dobhahi dua bhahitie marasaeano ne kota ini sedhuluꞌa kamatangkano kaparasaeando ne Ompu, sampe sedhuluꞌa dua kakadondo, miinamo dakateꞌi-teꞌia defolele bhoasaono Lahataꞌala.

Filipi 1:20

Nemokambaꞌaono laloku bhe neposahunaꞌaoku, putae nehabuku ini pae aoambanoanea, tamaka sadaa-daa aokado apugau, mangke-mangke ne wakutuu aini. Neanomo mbadhaku ini somo mekakalabhiano Kristus, naetaa weo dadiku, naetaa weo mateku.

Filipi 1:26

Ane asumuli kaowu we itu, hintimiu nasedhuluꞌa dua kawoseno bhakemiu ne Yesus Kristus mbaꞌinomo idi.

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.

2 Tesalonika 1:4

Kanandooꞌanomo sampe ne olotando tombu-tombudo umatino Lahataꞌala, sadhia nowose bhake mani taetula-tulaꞌao sabahamiu potaamiomu bhe kaparasaemiu weo sabhaha kafodee-dee bhe kasabha nenamisimiu.

Filemon 1:7

Filemon, bhahitieku, kaasimu ne umati marasaeano itu nofekaꞌia bhe nofekatangka mpuu totono laloku, bhahamoa fodadiemo dua lalondo kosasawindo umatino Lahataꞌala.

Yakobus 1:2

Bhahitieꞌiku, ane metompaloiꞌomu sabhaha kasabha bhe kasoba, takonamoomu dua kodawuaꞌomu.