2 Korintus 7:2 - Muna Southern Dialect

² Lengka kainsamiomu totono lalomiu! Ingka miina takokaꞌala ne laꞌae maka dua, ingka miina bhe nefekahugi mania, miina dua taeꞌondofi laba ne laꞌae maka dua.

2 Korintus 7:2 Iomraidhean Croise

Matius 10:14

Ane nandumandoo mie tapa tumahimakoomu tawa dokiido dametingkekoomu, limba bhe hunsaomu lambu tawa kota aitu; tantaeꞌomu bhe bungahasino aꞌemiu.

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Lukas 10:8

Ane mesuaꞌomu ne seꞌonu kota maka datumahima metaakoomu ne itu, humaaꞌomu ampa kawaꞌaondo ne hintimiu.

Tula-tulando rasulu 20:33

Miinaꞌo sepaliꞌa akonimesaloa ne laꞌae-laꞌaemoa, nasalaka, nabulawa, tawa o pakea.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 11:16

Amenduaꞌangkoeꞌomu: koise bhe kumona kanau aobhohe. Tamaka ane bhe kofekihino peda naꞌa tatahima kanaumoomu peda seemie bhohe, neanomo naembali asumangke-sangke wutoku seendai.

2 Korintus 11:9

Wakutuuno aeate bhe hintimiu maka aokae, ingka miina amekabhie hintimiu maumo naseemie, tamaka doomputi kanau bhahitieꞌi humatono maiꞌao ne Makedonia ini. Sadhia adhagani wutoku keana afekasabhakoomu, patudhuku nada ini kansuhu, pae aembali wowoꞌomiu.

2 Korintus 4:2

Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

Filipi 2:29

Tahima metaaꞌeomu weo kawulano lalomiu peda seemie dua bhahitie weo Ompu. Fosibhaladaomu mie medano anoa ini.

Kolose 4:10

Aristarkus titohongkuno bhe idi nopakatuangkoomu dua salam. Pedamo dua aitu Markus pisano Barnabas. (Ingka padamo defebhitaiangkoomu, ane nahumato we itu tahima metaaꞌeomu.)

1 Tesalonika 2:10

Dadi mani ne olotamiu marasaeano ne Kristus nongkilo, nobanara bhe miina nakodengo-dengoa. Ingka kosasawiꞌae ini wohaaneomu wuntano matamiu; ingka Lahataꞌala nosakusiiane dua.

Filemon 1:12

Aitu anaꞌi kamoasiꞌaoku sepaliꞌa ini, atuduemo nasumuli we hintu.

Filemon 1:17

Dadiꞌanomo ane kona kanau pobhaiꞌamu weo kahadhaano Ompu, suli tahimae kanggetumo tahima idi.

2 Yohanes 1:10

Dadiꞌanomo ane bhe mie maino meowano kafoinaꞌu tapa nefoinaꞌuꞌaono Kristus, mie aitu koe tahimaeꞌomu weo lambumiu, koemo dua fendeꞌaaneomua.