2 Korintus 6:10 - Muna Southern Dialect

¹⁰ mahinggamo nokompeaha lalo mani sadhia taoꞌia, mahinggamo taokae tamaka dobhahimo mie nefekahangkaea mani, mahinggamo wohaꞌano miina takoꞌae-aea tamaka sakotuꞌuno nandoo bhahi-bhahiꞌae.

2 Korintus 6:10 Iomraidhean Croise

Matius 5:12

Fowula lalomiu, moꞌiaꞌomu, kapaꞌamo ponambomiu te surugaa nabhahi. Ingka pedamo dua naꞌa defodee-dee ana-anabii dumadino wawo bhe hintimiu.”

Matius 5:4

Dokodawua mpuu mopeano lalo, kapaꞌamo nalumawesida Lahataꞌala.

Lukas 6:21

Kodawua mpuu hintimiu moꞌahono ampa aitu, hampano mada kaowu damekaweꞌikoomu. Kodawua mpuu hintimiu moꞌaeno ampa aitu, hampano namada kaowu mutaaꞌomu.

Yohanes 16:22

Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa.

Tula-tulando rasulu 16:25

Kafewuntaꞌino alo Paulus bhe Silas dosambaheamo bhe delagu-lagu dopudhi Lahataꞌala. Katohongku bhaindo dofetingkeda dua.

Tula-tulando rasulu 3:6

Tamaka Petrus nopugau ambano, “Miina akobulawaa, miina akoperaa, ampamo kaowu ndumandooꞌano ne inodi amaꞌangkoe: weo neano Yesus Kristus, miendo Nasaret maitu, kalaꞌo toha!”

Tula-tulando rasulu 5:41

O rasulu maitu doꞌia sepaliꞌa dohunsamo hompuꞌano Sahano Agama, kapaꞌamo Lahataꞌala noabhida dopantasimo dua deꞌawa kakadee-dee mbaꞌinomo neano Yesus.

Roma 11:12

Dadiꞌanomo dhosando miendo Yahudi neowamo kabarakati so dhunia ini, kakaeno ⸤ kaparasaeando⸥ neowamo kabarakati pontalabhi-labhino ne bansano liwu sigaoꞌano. Ane peda anaꞌa, ingka mangke-mangkemo sedhuluꞌa dua kataa, ane nasumangka kabhahindo miendo Yahudi so sumalamatino.

Roma 12:15

Fowula lalomiu bhe mie mowulano lalo, moꞌaeꞌomu bhe mie moꞌaeno.

Roma 15:13

Sio-siomo Lahataꞌala kaengkohaꞌano posahunaꞌaomiu, nakumabhintiangkoomu kawulano lalo bhe katohopono dadi hampano kaparasaeamiu, neanomo weo kuasano Rohino Lahataꞌala nasedhuluꞌa dua kabhalano posahunaꞌaomiu.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

Roma 9:2

⸤ Patudhuku peda aini.⸥ Nokompeaha sepaliꞌa laloku, totono laloku sadhia noguguhu.

1 Korintus 1:5

Weo kaseꞌisemiu bhe Kristus dadimiu nohangkaeamo tanofegiu: ibahatino nelangkemo kapandemiu bhe nembalimo fofoinaꞌuomu.

2 Korintus 2:4

Wakutuu abuhi suha anaꞌa, nosabha handaku, noꞌuke bhe afeenei, nopontuhufi bhe luuku. Suano patudhuku so nokompeahaꞌao lalomiu, tamaka neanomo mandeꞌaaneomu kabhalano kanini kaasiku ne hintimiu.

2 Korintus 4:15

Bhahi-bhahiꞌae kasabha ini nokadhadhia so hintimiu. Kapaꞌamo dhulu kabhahindo mie nekapotino kabarakatino Lahataꞌala, dhulu kabhahindo mie so mefoampeno katumpuno lalo, somo kakalabhiano Lahataꞌala.

2 Korintus 4:7

Arataa moꞌali ini neate ne nuꞌua wite ⸤ maꞌanano mbadha kasara mani⸥ , so nentaleaꞌao putae kaꞌosa pontalabhi-labhino naꞌa miina namaiꞌao ne wuto mani tamaka nomaiꞌao ne Lahataꞌala.

2 Korintus 8:9

Ingka pandeꞌaanemoomu rahamatino Ompuntoomu Yesus Kristus: mahinggamo nohangkaea, nohelasimo nembali mie mokae so hintimiu, neanomo noangka ne kakaeno hintimiu humangkaeaꞌomu.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Efesus 3:8

Idi ini mie we pandano panda ne olotando umati mongkilono Lahataꞌala. Mahinggamo pedamo aini, Lahataꞌala nofotiwoha kanau rahamatino nowaꞌa kanau takaku ini: aefolele Bhihita Metaa ne mie suano Yahudi, aefebhihitaianda kabhalano kabarakatino Kristus pata tikiha-kihano so intaodiomu.

Filipi 2:17

Bheanea damongko kanau, heaku kanggetumo kabubusino kapopanga nefoampemiu ne Lahataꞌala. Kapopangamiu anaꞌa maꞌanano o kaparasaea weo feompumiu ne Lahataꞌala. Ane nokotuꞌu nada anaꞌa, naowula laloku, aoꞌia bhe kosasawimiu itu.

Filipi 4:4

Sadhia fowula lalomiu mbaꞌinomo seꞌiseomu bhe Ompu! Amenduaꞌe toha: fowula lalomiu!

Kolose 1:24

Aitu nowula laloku akadee-dee so hintimiu. Kapaꞌamo weo kakadee-deeno mbadhaku ini, ingka afopansuhu kakadee-dee nenamisino Kristus mbali mbadhano, maꞌanano umati marasaeano.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

1 Tesalonika 1:6

Hintimiu mesandahamoomu ne insaodi, mesandahamoomu dua ne Ompu. Mahingga weo kasabha bhalano, ingka tahimaomu bhoasaono Ompu weo kawulano lalo. Kawulano lalo maitu nomaiꞌao ne Rohino Lahataꞌala.

1 Tesalonika 5:16

Sadhia fowula lalomiu.

1 Timotius 4:8

Dokane-kanea mbadha ⸤ so doꞌosaꞌao⸥ bhe hatoꞌano fahalaano, tamaka dokanea wuto dodadi lumebe miina nakotompaa fahalaano, kapaꞌamo naeowa dadi te dhunia ini bhe dadi we suliꞌa peda dhandino Lahataꞌala.

1 Timotius 6:18

Mesaloida dahumabu metaa, dahumangkaea weo podiu metaa, nahumelasi lalondo dafowaꞌao bhe dafotulumi.

Ibrani 10:34

Padamo dua menamisiomu kapeano lalondo mie netohongku. Wakutuuno arataamiu dorampasie, tatahimamoomu weo kawulano lalo, hampano pandeꞌaaneomu bhe arataamiu lumiuꞌe kakesa so motahano ampa suhue dhamani.

Yakobus 2:5

Bhahitieꞌiku timoasiꞌaono, fetingke kanauꞌomu! Mie mokae ne pomatano dhunia ingka nofepilida Lahataꞌala, dembali mie hangkaea weo kaparasaeando. Andoamo dua so kohakuꞌaono metahimano kadawu weo Kafopahintaꞌano Lahataꞌala, peda nedhandiꞌaono Lahataꞌala ne mie moasiane.

1 Petrus 4:13

Tamaka fowulae lalomiu, hampano mealaomu dawu weo kakadee-deeno Kristus, neanomo nahumato tempono kakalabhiano Kristus damotiwohae, sedhuluꞌa kaꞌia bhe kawulano lalomiu.

Powoha 2:9

Apandeꞌaane kasabha bhe kakaemiu, tamaka sakotuꞌuno hangkaeaꞌomu. Apandeꞌaane dua kaꞌumbundo mie kumonano wutondo miendo Yahudi, gahaꞌaitumo suano, andoa maitu umatino Kafeompuꞌando seetani.

Powoha 21:7

Sasuka fotalono natumahima kosasawiꞌae ini. Idi aembali Lahataꞌalano, anoa somo anaku.