2 Korintus 5:16 - Muna Southern Dialect

¹⁶ Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

2 Korintus 5:16 Iomraidhean Croise

Matius 10:37

Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.

Yohanes 15:14

Hintimiumo sabhangkaꞌiku, sumanomo mangkafiomu pahintaku.

Yohanes 2:4

Ambano Yesus, “Noafa pugauꞌao ne Idi, ina? Ingka miinaꞌo nahumatoa tempoku.”

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Yohanes 8:15

Hintimiu mebhotusiomu ampa pomatando manusia, Idi miina akonibhotusia maumo seemie.

2 Korintus 11:18

Ingka dobhahimo sumangke-sangkeno wutondo peda mieno dhunia ini, dadiꞌanomo hunsaꞌanomo o idi dua asumangke wutoku.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Filipi 3:4

Sakotuꞌuno idi ini bhe tingkuno dua aposahunaꞌao ne kaengkohaꞌano kamanusia bhe habu metaaku. Ane nandoo mie sigaoꞌano numamisino wutono noposahunaꞌao ne medano anaꞌa, mangke-mangkemo idi ini.

Kolose 3:11

Weo dadi buꞌou ini miinamo bhe poꞌalaꞌano miendo Yahudi bhe suano miendo Yahudi, mie nesuna tawa tapa nesuna, mie koliwuno tawa bansano liwu pata koꞌadhatino, o bhatua tawa mie bebasi. Tamaka nefosibhalando ampamo kaowu Kristus, hampano Kristus neate weo totono lalondo kosasawindo naꞌa.

Yakobus 3:17

Tamaka o mie meꞌawano kakotimbangi maiꞌaono te wawo nomoinda totono lalono, noasiane pometaa, nomalu lalono bhe neangka. Anoa nobhela lalono ne mie bhaino, sadhia nehabu metaaꞌano, ane bhe posala maꞌanano miina naeꞌawi seweta, miina dua namehaaꞌula.