2 Korintus 5:15 - Muna Southern Dialect

¹⁵ Kristus padamo nomate so kosasawindo manusia, neanomo manusia dumadino paemo dadumadi so wutondo tamaka so Kristus toka mateanda bhe nefowanu maiꞌao ne mate.

2 Korintus 5:15 Iomraidhean Croise

Lukas 1:74

putae dalumapaomu maiꞌao ne kuasano kaewa bhe paemo dakateꞌi-teꞌia dasumombai Anoa,

Yohanes 5:24

Amohatokoomu, kotu-kotuꞌu sasuka metingkeno wambaku bhe marasaeano ne Tumudu kanau, ingka neꞌawamo dadi suhue dhamani. Paise naeꞌawa kahukumu, kapaꞌamo nogampimo maiꞌao ne mate nopesuamo weo dadi.

Yohanes 6:57

Amaku, kamaiꞌaoꞌano dadi, Anoa tumudu kanau, kadadiꞌakumo. Pedamo dua anaꞌa sasuka momaano mbadhaku naeꞌawa dadi maiꞌao ne Idi.

Roma 12:1

Dadiꞌanomo bhahitieꞌiku, hampano kataano lalono Lahataꞌala, aesalo mpuu ne hintimiu, owaomu mbadhamiu peda kapopanga dumadino, mongkilono bhe mekaꞌiano lalono Lahataꞌala. Nadamo aini tabeano kofeompumiu sakotuꞌuno ne Lahataꞌala.

Roma 4:25

Anoamo mada neowa ne limando fopongkono dhohono dhosantoomu, tamaka padamo dua nofowanue Lahataꞌala maiꞌao ne mate so naembaliꞌao dasumuli dapometaa bhe Lahataꞌala.

Roma 6:2

Ingka teteweimo paise! Ingka o dhosa miinamo nafokuasaia, tapedamo mie mate ⸤ miinamo dakodhosaa⸥ . Dadiꞌanomo nada amai dua dadumadiomu kansuhu weo dhosa?

Roma 6:6

Ingka dopandeꞌaanemo, kamanusianto ngkodauꞌano dopongkoemo te sau salipu poowa bhe Kristus, neanomo kuasano dhosa ne mbadhanto nahumansurumo. Dadiꞌanomo paemo namobhatua kaita dhosa.

Roma 8:10

Ane Kristus neate weo totono lalomiu, mahinggamo mbadhamiu namate dhohono dhosa, tamaka o rohi sadaa-daa nadumadi hampano Lahataꞌala notahimakoomu peda mie banara.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

Roma 8:6

Fekihino manusia nekuasaino kapoindalono mbadha neowa mate, tamaka fekihi nekuasaino Rohino Lahataꞌala neowa dadi bhe katohopono lalo.

1 Korintus 10:33

Dadiomu peda idi ini. O ae maka nehabuku sadhia aꞌuleiꞌe laloku afekaꞌia lalondo sabhaha mie, miina aeꞌondofi so kaetaaꞌano wutoku, tamaka so kaetaaꞌando mie bhahi, neanomo dasumalamati.

2 Korintus 12:10

Kanandooꞌanomo aoꞌiaꞌanemo dua kanaleku ini. Aoꞌiamo dua ane mbaꞌinomo afeompu ne Kristus doꞌumbu kanau, aeꞌawa sabhaha kasabha bhe kaseke bhe dofodee-dee kanau. Kapaꞌamo weo kanaleku ini, kaoꞌosaꞌakumo dua.

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

2 Korintus 5:16

Dadiꞌanomo ampa aitu insaodi miinamo taetiliki kamanusiando mie bhai mani. Daanumo endefiꞌini tatilikie dua kamanusiano Kristus, tamaka haꞌoleo ini miinamo.

Galatia 5:25

Rohino Lahataꞌala padamo nowaꞌa kaita dadi buꞌou, dadiꞌanomo tabeano nahumelasi dua lalonto nafokuasai Rohino Lahataꞌala.

Efesus 4:17

Dadiꞌanomo, amohatokoomu weo neano Ompu bhe amodhagakoomu: koemo toha dadiomu peda mie tapa mandeꞌaono Lahataꞌala, mefekihino sabhaha tapa kofahalaano.

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

Kolose 2:12

Kapaꞌamo wakutuuno dokadiu saranikoomu, ⸤ membaliomu peda mie mate maka⸥ dokobuhukoomu bhe Kristus. Weo kakadiu saranimo dua anaꞌa, hintimiu itu suli dofodadikoomu bhe Kristus, hampano parasaeaꞌomu ne kuasano Lahataꞌala toka mowanuno Kristus maiꞌao ne mate.

Kolose 3:1

Ingka dofowanukoomu maiꞌao ne mate poowa bhe Kristus. Dadiꞌanomo ondofiomu ndumandooꞌano te surugaa. Ne itumo Kristus nengkoha ne suanano Lahataꞌala.

Kolose 3:17

O ae maka dua nehabu bhe nepugauꞌaomiu, habueꞌomu tawa pugauaneomu peda mantasiꞌano so mie mangkafino Ompu Yesus. Habuomu bhahi-bhahiꞌae naꞌa poowa mefoampeomu katumpuno lalo ne Lahataꞌala Amantoomu hampano sabhaha nedhalangino Yesus so hintimiu.

Kolose 3:23

O ae maka nehabumiu, kahadhaaꞌeomu weo kakampuu-mpuuno lalo kao-kaomo neꞌondofaomiu Ompu, suano manusiaꞌa.

1 Tesalonika 5:10

Anoamo ini mateno so intaodiomu ini, neanomo ne oleo kahatoꞌano dadumadi bhe Anoa, mahinggamo nandoo daoꞌuhi, mahinggamo dua damatemo.

Titus 2:14

Anoa padamo noowa Wutono sampe dopongkoe so intaodiomu, mbali nofofobebasiꞌao maiꞌao ne sabhaha podiu modai. Patudhuno dua naefokonandooꞌao umati mongkilono, so fehebuaꞌano Wutono, umati mokokosono humabu metaano.

1 Petrus 4:6

Kanandooꞌanomo Bhihita Metaa dofolelee dua ne mie mateno. Patudhuno, mbadhando daanumo netompaloimo mate, peda kabhotusino Lahataꞌala so manusia, tamaka rohindo dadumadi naposahataa bhe kapoindalono Lahataꞌala.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.

Powoha 1:18

Idimo dumadino, padamo amate, tamaka ondo kanau itu, ingka adadimo ampa suhue dhamani. Idimo mintahano kunsino mate bhe dhuniano mate.