2 Korintus 5:11 - Muna Southern Dialect

¹¹ Insaodi tapandeꞌaane maꞌanano doteꞌi ne Ompu, kanandooꞌanomo sadhia taꞌulei lalo mani so doparasaeaꞌao mie bhai mani. Lahataꞌala nolosangie mpuu totono lalo mani, bhe aposahunaꞌao naentalea dua weo totono lalomiu mie medano ae insaodi ini.

2 Korintus 5:11 Iomraidhean Croise

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Matius 25:46

Andoa ini damesua weo kakadee-dee suhue dhamani, tamaka mie banara daeꞌawa dadi suhue dhamani.”

Lukas 12:5

Amohatoangkoeꞌomu so nemoteꞌimiu. Moteꞌiomu Lahataꞌala, kapaꞌamo pada nofopongko, nokokuasa dua nofoꞌoho we narakaa. Kotu-kotuꞌu amohatokoomu moteꞌiomu ne Anoa.

Lukas 16:31

Ambano toha Abraham, ‘Ane pae dametingke kafoinaꞌuno anabii Musa bhe ana-anabii sigaoꞌano, teteweimo pae dua damarasaeaꞌa mahinggamo nahumatoda seemie manuno maiꞌao ne mate.’ ”

Tula-tulando rasulu 13:43

Dopuli kaowu dolimba, dobhahi miendo Yahudi bhe koliwuno mesuano agama Yahudi doangkafimo Paulus bhe Barnabas. Andoa dofoinaꞌuda rasulu hoduano maitu neanomo sadaa-daa dadumadi damasande ne rahamatino Lahataꞌala.

Tula-tulando rasulu 18:13

Ambado, “Mie aini nowudhu mie bhahi dasumombai Lahataꞌala, tamaka kafoguhuno naꞌa nopoewangi bhe tubhono agama Yahudi weo Kitabino Musa.”

Tula-tulando rasulu 18:4

Seꞌo-seꞌoleono Sabat Paulus nokala nopuga-pugau bhe miendo Yahudi bhe Yunani we lambu kasambaheaꞌa, patudhuno namoparasaeada dua ne Yesus.

Tula-tulando rasulu 19:26

Aitu ingka wohaꞌao wuntano matamiu bhe fetingkeemoomu dua habuno Paulus. Nobhahi newudhu bhe nefekakolilino lalondo mie, suano kaowu ne Efesus ini tamaka nomaꞌomo nokabhintie kosekadieno Asia ini. Ambano Paulus, ‘Nehabundo limando manusia suano ompua!’

Tula-tulando rasulu 26:26

Kosasawiꞌae ini nopandeꞌaane mpuu kolaki Agripa, kaokadoꞌakumo aetula-tula mentalea-mentalea ne wiseno. Aposahunaꞌao kosasawiꞌae ini miinaꞌo bhe pata nefetingkeno, kapaꞌamo ingka nokadhadhia we mohameꞌano, miina natifebunia.

Tula-tulando rasulu 28:23

Pada anaꞌa detempomo so dapoꞌawa-awaꞌao. Nohato tempono dobhahi sepaliꞌa maino we kabutuꞌano. Paulus nofohatoanda bhe notalesaandamo peda amai Kafopahintaꞌano Lahataꞌala notanda ne Kitabino Musa bhe Kitabindo ana-anabii. Anoa noꞌule-uleiꞌe lalono so damarasaeaꞌao ne Yesus, notanda hangkowine ampa nohondo oleo.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

2 Korintus 5:20

Dadiꞌanomo insaodi ini katuduno Kristus, kao-kaomo wutono Lahataꞌala tumangahikoomu noangka kaowu ne insaodi. Weo neano Kristus taesalo: owaomu wutomiu napometaaꞌangkoomu Lahataꞌala bhe Wutono.

2 Korintus 6:1

Peda mie kumahadhaano bhe Lahataꞌala, taesalo mpuu koise fosia-siaꞌeomua rahamatino Lahataꞌala toka netahimamiu.

Galatia 1:10

Dadiꞌanomo peda ae bhahaa itua? Aeꞌondofi kapudhindo mie bhahaa? Miina kaꞌasi, ingka aeꞌondofi kaowu kapudhino Lahataꞌala. Kunaꞌemiu aeala-ala lalondo manusia bhahaa? Ane ibahano aeala-ala lalondo manusia, ingka idi ini suanomo palima-limano Kristus.

Efesus 5:21

Potuhu-tuhupiomu hampano kafosibhalamiu ne Kristus.

Ibrani 10:31

Ingka notimoteꞌi mpuu ane seemie manusia nohakoe limano Lahataꞌala dumadino.

Ibrani 12:29

Kapaꞌamo Lahataꞌalantoomu tapedamo hendeno efi fohampunino.

Yudas 1:23

Agoidaomu mie maiꞌao weo efi, so dosalamatiꞌao. Fotiwohaeꞌomu kabhelano lalomiu ne mie sigaoꞌano dua, tamaka poangka bhe moteꞌiomu. Bansieꞌomu mahingga pakea kapokahakuꞌando dohabu sabhaha modaiꞌano, ⸤ bhahasaa notaihikoomu⸥ .

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.