2 Korintus 4:2 - Muna Southern Dialect

² Ampamo kaowu insaodi takiidoe sabhaha habu tifebuni timoambanoꞌaono, miina takoꞌakala bhe miina tabhansu-bhansule bhoasaono Lahataꞌala, tamaka taefebhihitaiꞌao kabanara mentalea-mentalea. Taehabu peda anaꞌa ne wiseno Lahataꞌala neanomo sabhaha mie daꞌumondo metaa kainsami namaiꞌao weo totono lalondo.

2 Korintus 4:2 Iomraidhean Croise

Roma 1:16

Miina aoambanoanea Bhihita Metaa, hampano aini o kuasanomo Lahataꞌala mosalamatino sabhaha mie marasaeano, kabhao-bhaono miendo Yahudi maka bansano liwu sigaoꞌano dua.

Roma 6:21

Wakutuu anaꞌa o laba ae bhahaa neꞌawamiu? Ingka mpahinomo kaambanono taꞌampamo aitu. Kapaꞌamo kaopuliꞌano sabhaha habu anaꞌa o mate.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 11:3

Ampamo kaowu nomihi laloku bhahasaa dofekakolilino fekihimiu sampe paemo nakumampuu-mpuu kataino lalomiu ne Kristus, peda endefiꞌini Hawa nobhohe-bhoheꞌie akalano ule.

2 Korintus 11:6

Bheanea miina seaꞌe amandea apugau, tamaka weo kapande aabhi wutoku miina aobhohea; ingka kapande mani ingka padamo tafotiwohaangkoeꞌomu ne sabhaha habu mani ne amai maka dua.

2 Korintus 2:17

Kapaꞌamo insaodi ini miina tapototo bhe mie bhahino meꞌondofino laba ne bhoasaono Lahataꞌala. Patudhu mani nohelasi, weo kaseꞌise mani bhe Kristus tapugau ne wiseno Lahataꞌala peda mie nefotakano wutono Lahataꞌala.

2 Korintus 5:11

Insaodi tapandeꞌaane maꞌanano doteꞌi ne Ompu, kanandooꞌanomo sadhia taꞌulei lalo mani so doparasaeaꞌao mie bhai mani. Lahataꞌala nolosangie mpuu totono lalo mani, bhe aposahunaꞌao naentalea dua weo totono lalomiu mie medano ae insaodi ini.

2 Korintus 6:8

dofosibhala kainsami tamaka dofekaꞌaebu kainsami dua, doꞌumbu kainsami tamaka dopudhi kainsami dua, mahinggamo nelaa lalo mani dofisikopahai kainsami;

2 Korintus 7:14

Afowoseangkoomu bhakeku ne anoa, ingka miina mekandidikiomu lalokua. Endefiꞌini insaodi sadhia tapugauꞌao kumotuꞌuꞌano ne hintimiu, pedamo dua pugau mani tafowoseangkoomu bhake mani ne Titus, ingka saneamo kumotuꞌuꞌano.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Efesus 5:12

Kapaꞌamo habundo tifebunino maitu tadosambili kaowu ingka notimoambanoꞌaomo.