2 Korintus 4:16 - Muna Southern Dialect

¹⁶ Dadiꞌanomo insaodi ini miina naotembe lalo mani; mahinggamo mbadha kasara mani wohaꞌano dhulu kasiuru, tamaka totono lalo mani seꞌo-seꞌoleo dopahabuꞌounie.

2 Korintus 4:16 Iomraidhean Croise

Lukas 11:3

Waꞌa kainsami nehumaa kafaraluu mani seꞌo-seꞌoleo.

Roma 12:2

Koemo mesandahaomu ne sabhaha podiu bhe kaneano dhunia ini, tamaka hunsaꞌanomo Lahataꞌala namahabuꞌouni fekihimiu sampe natibhalii dadimiu. Ane nadamo anaꞌa mandeꞌaaneomu medano ae kapoindalono Lahataꞌala: sabhaha podiu metaaꞌano, mekaꞌiano lalono bhe sumangkaꞌano.

Roma 7:22

Totono laloku noꞌiaꞌane tubhono Lahataꞌala,

1 Korintus 15:58

Dadiꞌanomo, bhahitieꞌiku timoasiꞌaono, fekatangka kofindamiu, koise meando-andoa, sadhia foma-fomaiꞌomu lalomiu weo kahadhaano Ompu! Ingka pandeꞌaaneomu weo kaseꞌisemiu bhe Ompu kawulemiu pae nasumia-siaꞌa.

2 Korintus 12:15

Dadiꞌanomo idi ahelasianemo sabhaha fehebuaꞌaku so hintimiu, bhahaa bhemo wutoku ini ahelasianemo so kaetaaꞌamiu. Ane idi sadhulu kamoasiꞌaoku ne hintimiu, nopantasi bhahaa sedhulu kakongkono kamoasiꞌaomiu ne idi?

2 Korintus 4:1

Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Efesus 4:23

Dofoinaꞌukoomu dua pahabuꞌounieꞌomu toha fekihi bhe totono lalomiu.

Kolose 3:10

Ampa aitu dowaꞌangkomoomu dadi buꞌou, hintimiu membalimoomu manusia buꞌou. Mokonandoono dadi buꞌou naꞌa nopahabuꞌounikoomu kansuhu ampa sifatimiu napototo bhe Wutono. Patudhuno neanomo mandeꞌaaneomu mpuu wutono Lahataꞌala maitu.

Titus 3:5

Anoa nofosalamati kaita suano mbaꞌinomo habu metaantoomu tamaka hampano rahamati bhe kabhelano lalono. Lahataꞌala nohunsa Rohino mongkilono weo totono lalontoomu so namekanggelaꞌiꞌao dhosantoomu maka sumuli dalumente weo dadi buꞌou.

1 Petrus 3:4

Tamaka kakesamiu tabeano namaiꞌao weo totono lalo, o kamalu bhe katohopono lalo. Aini saneamo lega pata mopoopulino, saneamo foliuno kaꞌali ne pomatano Lahataꞌala.

1 Petrus 4:14

Ane dowambakikoomu mbaꞌinomo angkafiomu Kristus, kodawuaꞌomu. Ingka nokomaꞌanaꞌao Rohino Lahataꞌala kumalabhiano neate weo totono lalomiu.