2 Korintus 4:1 - Muna Southern Dialect

¹ Insaodi tatahima taka kaꞌondofao aini hampano kabhelano lalono Lahataꞌala, patamo kaotembeꞌano lalo mani.

2 Korintus 4:1 Iomraidhean Croise

Lukas 18:1

Yesus nopugaumo toha nepakeanda kapalenda. Patudhuno nofoinaꞌu anaguhuꞌino putae sadhia dasumambahea pae daongoongaraa.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

1 Korintus 7:25

Aitu apugau dua so kalambeꞌi. Daanumo so andoa ini miina bhe pahinta netahimaku maiꞌao ne Ompu. Ampamo kaowu taꞌamolimbaangkoomu dua fekihiku peda seemie tiparasaeano hampano rahamatino Ompu.

2 Korintus 3:12

Hampano pedamo anaꞌa neposahunaꞌao mani, maka insaodi ini taokado tapugau ⸤ taefolele Bhihita Metaa⸥ .

2 Korintus 3:6

Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

2 Korintus 4:16

Dadiꞌanomo insaodi ini miina naotembe lalo mani; mahinggamo mbadha kasara mani wohaꞌano dhulu kasiuru, tamaka totono lalo mani seꞌo-seꞌoleo dopahabuꞌounie.

2 Korintus 5:18

Kosasawiꞌae ini nomaiꞌao ne Lahataꞌala. Noangka ne Kristus Lahataꞌala padamo nopometaa kaita bhe Wutono bhe nowaꞌa kainsami taka kaꞌondofao tapometaaꞌao manusia bhe Wutono.

Galatia 6:9

Dadiꞌanomo koise dowoowulea dahumabu metaaꞌomu, kapaꞌamo nahumato tempono datumahimaomu pehapintoomu, sumanomo koise dofetumpuomu.

Efesus 3:13

Dadiꞌanomo aesalo ne hintimiu, koise nondidiki lalomiu fetingke kanauꞌomu akadee-dee so hintimiu, kapaꞌamo kakadee-deeku ini so kaetaaꞌamiu.

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.

2 Tesalonika 3:13

Hintimiu bhahitieꞌi, koise mowoowuleomua habu metaaꞌomu.

1 Timotius 1:13

Gahaꞌaitumo endefiꞌini idi ini mie mekaꞌaebuno Lahataꞌala, mie fofodee-deeno, o mie kaꞌosa lalo. Tamaka Lahataꞌala nobhela kanau lalo, kapaꞌamo wakutuuno ahabu kosasawiꞌae naꞌa miinaꞌo amarasaeaꞌa, dadiꞌanomo miina amandeꞌaane nehabukua.

Ibrani 12:3

Sadhia feꞌulaiꞌomu Yesus potaamino kakadee-dee nopowise bhe mie kodhosa mewangie, keana nondidiki lalomiu maka nobhotu posahunaꞌaomiu.

1 Petrus 2:10

Endefiꞌini hintimiu suano umatino Lahataꞌala, ampa aitu membalimoomu umatino. Endefiꞌini miina namasiangkoomu Lahataꞌala, ampa aitu nobhelaangkomoomu lalo.

Powoha 2:3

Hintimiu sadaa-daa sabaha potaamiomu weo kakadee-dee hampano neaku, miina mepandeꞌaoꞌomu kawule angkafi kanauꞌomu.