2 Korintus 3:6 - Muna Southern Dialect

⁶ Ingka Anoamo maꞌa kainsami kapooli taembali mie umondofaono Podhandiꞌa Buꞌou. Podhandiꞌa aini miina naengkoha ne tubho tibuhino, tamaka nengkoha ne Rohino Lahataꞌala, kapaꞌamo tubho tibuhino neowa mate, tamaka Rohino Lahataꞌala neowa dadi.

2 Korintus 3:6 Iomraidhean Croise

Matius 13:52

Ambano toha Yesus, “Dadiꞌanomo kotika pande Kitabi metahimano kafoinaꞌuno Kafopahintaꞌano Lahataꞌala, tapedamo kolambuno molimbano kahangkaeano maiꞌao ne kaenteiꞌano, nabuꞌou nangkodau.”

Matius 26:28

Heakumo inia. Heaku ini damotuhue so mie bhahi, somo mekatangkano podhandino Lahataꞌala bhe manusia, somo dua katiꞌamponiꞌano dhosando.

Markus 14:24

Yesus nopugaumo toha ambano, “Heakumo inia. Hea aini damotuhue so mie bhahi, somo mekatangkano podhandino Lahataꞌala bhe manusia.

Lukas 22:20

Peda dua anaꞌa palusi dohumaa nealamo toha kampohoꞌuꞌa bhe nopugau, “Kampohoꞌuꞌa aini podhandi buꞌouno Lahataꞌala bhe manusia, dofekatangkaane tuhuno heaku. Heakumo ini nefotuhu so hintimiu.

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Yohanes 6:63

Fowaꞌaono dadi buꞌou ingka Rohino Lahataꞌala, kaꞌosano mbadhano manusia miina sepaliꞌa nakofahalaa. Sabhaha wamba nefosampeku ne hintimiu, wambano Rohino Lahataꞌala, meowanomo dadi.

Roma 1:5

Noangkamo dua ne Yesus Kristus, insaodi ini taeꞌawa rahamati taembali rasulu so mowano sabhaha bansano liwu suano Yahudi damarasaea bhe daeangka ne Kristus, somo katifekalabhiaꞌano.

Roma 3:20

Hampano bhe naseemie miina bhe netahimano Lahataꞌala peda mie banara mbaꞌinomo nodhalangi tubhono agama Yahudi; tamaka hampano nandoo tubhono agama maitu manusia dopandeꞌao wutondo dokodhosa.

Roma 4:15

Tubhono agama Yahudi neowa amahano Lahataꞌala, tamaka ane pae bhe tubhono agama, pae dua bhe nekangkalaꞌia.

Roma 4:17

Weo Kitabi notibuhi, “Hintu asangkeko so amando bansano liwu bhahi.” ⸤ Pedamo naꞌa Abraham nembalimo amantoomu⸥ ne wiseno Lahataꞌala neparasaeano. Anoamo Lahataꞌala mefodadino mie mate, Anoamo dua tanokobhoasaomo maka tapa ndumandooꞌano tanosinandooꞌamo.

Roma 7:6

Tamaka ampa aitu domatemoomu maiꞌao ne tubhono agama Yahudi, dobebasimoomu maiꞌao ne tubho fokuhumano. Ampa aitu intaodi dofeompu ne Lahataꞌala doangkafi tubho buꞌou, tubhono Rohino Lahataꞌala; miinamo damangkafi tubho ngkodau tibuhino weo Kitabi.

Roma 8:2

Kapaꞌamo noangka ne Kristus Yesus, tubhono Rohino Lahataꞌala meowano dadi padamo nofobebasikoomu maiꞌao ne tubhono dhosa bhe mate.

1 Korintus 11:25

Pedamo dua anaꞌa pada dohumaa, nealamo kampohoꞌuꞌa bhe nopugau ambano, “Kampohoꞌuꞌa aini o podhandiꞌa buꞌouno Lahataꞌala bhe manusia, dofekatangkaane tuhuno heaku. Taenomo mohoꞌueꞌomu, habueꞌomu somo kafeꞌu-feꞌulaiku.”

1 Korintus 12:28

Lahataꞌala padamo nefotantu mie weo umati: kabhao-bhaono nandoo membalino rasulu, kahaa iseno nandoo membalino anabii, katolu iseno nandoo membalino guru. Pada anaꞌa nandoo metahimano kapooli dehabu tanda timenteꞌaono, kapooli defekaꞌosa mie mosaki, kapooli dotulumi mie bhaindo, kapooli dembali neangka, bhe kapooli dopugauꞌao sabhaha wambano Rohi.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

1 Korintus 3:10

Noposahataa bhe kadawuno Lahataꞌala newaꞌaono ne idi, aembalimo peda pandeno lambu kokapandeno, padamo afongkohae sandino, bhaindo mongkohano lambuno. Ampamo kaowu seemie-seemie tabeano nakodhaga mpuu weo kahadhaano naefoehe lambu te wawono sandi amaitu.

1 Korintus 3:5

Kaowu laꞌae bhahaa Apolos maitu? Laꞌae bhahaa Paulus maitu? Andoamo itu ingka sanea palima-limano Ompu matokoomu ne kaparasaea ne Kristus. Seemie-seemie nedhalangi kaowu taka peda newaꞌaono Ompu.

2 Korintus 11:23

Bhahaa andoa maitu palima-limano Kristus? Aini apugau ngkabheemo, ingka idi ini afoliuda. Idi akahadhaa moꞌosa afoliuda andoa naꞌa, kantuhuno apesua katohongku afoliuda, kantelano dosikisaa kanau afoliuda, bhahamoa nentelamo dua aewiseki mate.

2 Korintus 3:14

Fekihindo nopapa, kapaꞌamo taꞌampamo haꞌoleo ini kantutu endefiꞌini sadaa-daaꞌe dopakee ane debasa Kitabino podhandiꞌa ngkodau. Kantutu aini kaneꞌomo natilengka ane o mie doseꞌise bhe Kristus.

2 Korintus 3:3

Nentaleamo hintimiu itu suha nebuhino Kristus noangka ne insaodi. Suha aini miina dabuhiane dawati tamaka dobuhiane Rohino Lahataꞌala dumadino, miina dua dabuhie ne katibhano kontu tamaka ne katibhano totono lalondo manusia.

2 Korintus 3:7

Podhandiꞌa meowano mate naꞌa dobuhiane patota ne katibhano kontu. Mahinggamo peda anaꞌa nopoangkaane kakalabhiano Lahataꞌala. Tilangano kakalabhiano Lahataꞌala anaꞌa nentalea sepaliꞌa, sampe miendo Israel nosomba matando miina damondoiꞌea doꞌondo ulano anabii Musa, mahinggamo tilangano ne ulano sadhulu kahawu. Ane podhandiꞌa meowano mate naꞌa nopoangkaane kakalabhia pedando naꞌa,

2 Korintus 3:9

Sangiꞌanomo podhandiꞌa meowano kahukumu nokalabhiamo, bhemo toha podhandiꞌa meowano dadi pometaa bhe Lahataꞌala, ingka napontalabhi-labhi kakalabhiano.

Galatia 3:21

Ane peda naꞌa nopotagali bhahaa tubhono agama Yahudi bhe dhandino Lahataꞌala? Ingka miina sepaliꞌa. Kapaꞌamo ane ibahano tubhono agama Yahudi dowaꞌandae manusia so daeꞌawaꞌao dadi, tantumo manusia naembali natumahimada Lahataꞌala peda mie banara namangka ne tubhono agama maitu.

Efesus 2:1

Endefiꞌini hintimiu kao-kaomo momateomu hampano kodhosaomu bhe kangkalaꞌiomu pahintano Lahataꞌala.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

Efesus 3:7

Lahataꞌala nowaꞌa kanau taka amolele Bhihita Metaa anaꞌa. Taka kaꞌondofao aini atahimae nopobutu bhe rahamatino Lahataꞌala, amondoiꞌe hampano kuasano Wutono kumahadhaano ne idi.

1 Timotius 4:6

Ane kosasawiꞌae ini sadhia meꞌulaiandae bhahitieꞌintoomu, hintu membalimo seemie palima-limano Kristus Yesus kumahadhaa metaano, poowa mekanowu totono lalomu, hampano hewutiane bhoasaono Lahataꞌala neparasaeantoomu bhe kafoinaꞌu kumotuꞌuꞌano toka neangkafimu kaomponae ini.

2 Timotius 1:11

Somo Bhihita Metaa aini, Lahataꞌala nosangke kanau so mosampeno bhoasaono, o rasulu bhe guru.

Ibrani 12:24

Hintimiu mai fewiseomu ne Yesus, Poatoꞌaono podhandiꞌa buꞌou; heano podhandiꞌa buꞌou ini ⸤ neowa katiꞌamponiꞌano dhosa⸥ , noliuꞌe fahalaano bhe tuhuno heano Habel ⸤ mesonsono kabhoosi⸥ .

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 7:22

Hampano femata anaꞌa, Yesus nembalimo kafekamatangkano podhandiꞌano ⸤ Lahataꞌala bhe manusia⸥ sedhuluꞌano kataa ⸤ bhe tetewei nakoꞌula⸥ .

Ibrani 8:13

Hampano Lahataꞌala nosambili podhandiꞌa buꞌou, nokomaꞌana nofekangkodaumo podhandiꞌa kabhao-bhaono. Maka mongkodauꞌano bhe molusaꞌano ingka nomaꞌomo naosali.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

1 Yohanes 1:1

Bhoasao Fofodadino, toka ndumandoono mpini kabhao-bhaono, aituꞌaemo nefosampe ne suha aini. Insaodi padamo tafetingkee, padamo dua tawohaane wuntano mata mani. Padamo taꞌondoe ulano bhe padamo tadampasiane lima mani.